سلمك الله أبو أسامه وسلم جميع الركاب نسيت تقول المقوله الشهيره أثناء الانقلاب ورده فعل أبن عمك محمد (الله يذكره بالخير) كانت مضحكه لحظتها وعفويه هههه
الحوادث مشكلتها مؤلمة ابوأسامه لكن انا باذكر لك قصه مضحكه صارت لي في طريق تربه (رايح لتربه) وأنا ماشي يمكن 150أو 140في الليل والطريق مظلم تماما وفجأه كابريس ابيض (متجه للطايف) يكشح بالنور العالي في وجهي وانا نعسان وغير منتبه وبسببه الله يثيبه خلاني افوق واركز طبعا الاحداث هذه في ثانيه أوثانيتين صارت المهم .. هويبغى يقلي فيه جمل أنفلت عليه هو من جهة اليمين وأعتقد أنه ضرب فرامل لحد ماتعداه الجمل ! هو وقف وسط الخط صار الجمل وجه لوجه أمامي فما كان مني الا أحذف يمين نزلت في التراب وبدأت الحفله السياره خفيفه زي الريشه ولا اقدر اضرب فرامل على التراب وأشوفها رايحه باتجاه وادي أظنه مجرى للسيول طبعا مايله من جهة الراكب ولما شعرت أنا بتطيح في الوادي رجعت الطاره لجهة الخط ومارجعت احاول احاول ولافي فايده قمت قلت بامسك فرامل وعلى الله اخذت السياره تمشي بالعرض على الجنب ومن لطف الله رجعت للخط بس بالعرض المهم لحظتها نسيت جمل الجن وأفكر في اللي جاي في وجهي قمت سحبت بريك وأصبحت تمشي على ورا لحد ماأستقرت كيف صار أتجاهي صرت خلف الكابريس ووجهي للطايف عكس خطي الاول طار عقالي والغتره وطار عقلي معاهم طبعا توقعت الكفرات الاربعه بنشرت من الحصى وماحصلها شي شويه الا والكابرس الابيض راجع ريوس ونزلوا أربعه خيلان منه على كيف كيفك قالي السواق ياخوي وشت سويت؟؟
قلت مدري أقولها وأنا أضحك! قال بغيت تجيب خبرنا وتصدم الجمل بينك وبينه نص متر وربي سلمك ليه مسرع وفي ظلام كمان قلت :والله لاشفت الجمل لكن شعرت بشئ أسود هاجم عليه فحذفت يمين وصار اللي صار المشكلة مع اللخبطه والارتباك أساله فيه جمل أنفلت في الخط علينا والا وأنا اتخيلته فعلا ؟؟ ماردوا عليه وصاروا يضحكون الاربعه وخلوني وراحوا .!!! هذه نهاية السرعه و هذه قصتي مع جمل السكون ولك تحياتي