يوميات البريهه ( 1 )
آبي أفلح العرضية يجيب للكهله عصار وسليط
أمس الكهله ما قمنا الفجر الا وهي تون وجسمها كله يتنافض ورجولها وايديها ترقل وجلدها مقفقف تقلون شنة وصوتها معلق ...وفرغناها بالماء الصامط وشهدناها وقلنا انه الحق وشوية لا ونها فتحن فابي وفينا وقالن الله الله ياحسكل وانا امك كذية تسوي بي الحقني اغد السوق وجبلي سليط وعصار ...قال ابي يمه الله بنا وبك الناس فالناس وانتي فالنفاس من يدهن ذحين بالسليط ومن ياكل العصار ...قالن والله ما بك الا القروش ياحزين ...ياقرد ...والله انك ماتصخى لمن طلعته الله يعز ابوك ويرفع به عنك طلعته لسميك اللي لقوه ميت من الجوع وحسكله مليان دراهم فرانسه ...افلح ذحين عند العصارات وجبلي طلبي قالها يمه وشن العصارات ذليه ووينهنه قالن له الله واكبر عليك ما تعرف دحروجه ولا تعرف مسرعه ...نسيت يوم كنه يدرجنه فالبيوت بسليطهنه وعصارهنه ...قال والله يمه ما اخبر ...المهم آبي أفلح السوق وفينه وفين دكان قشران ...ولقيه يتقهوى مع رجاجيل قعادا عنده لا ون ابي يطلع رجل ويندر الثانية ..آبي يستحي ولا يلام حد يتهزا به ...لكنه فكر في الكهله وفي المناقيد وقام قله ياقشران ابغي سليط وعصار ،وحلف آبي ين قشران واللي عنده شرقوا بالشاهي من الضحك ..وياواحد منهم ما هلا قعدوا يشوفون عليه ،ويوم علمهم بقصة الكهلة قله واحد منهم ما تلقى طلبك إلا في العرضية عند عصارة الجلجلان ...قام آبي مر على غنيم قال يمكن ألقى عنده واطرده غنيم وقال لا عد تعدي عندي يامتخلف من حرشك عليه تشوه سمعة محلي قدام النسوان اللي يشترينه من عندي ..وآبي عود خذها في ضلعه ومر على محلات اختر واشتر ويابلاش ولا لقي عندهم وجاء ابي للكهله وعلمها قالن له والله مابك الا القروش والله لما تجيب طلبي لافلح عند آخي ساعد ولا عد تراني بعينك وعود آبي أفلح العرضيه عساني دفعه ..ولين ذحينه ما جاء .
عليه عن آبي والله يا تالكهله إنها تعبنه واشغصنه بريقه .. والله ياموت بعض الناس انه ستر ...
منقول ...........
يتبع .............