(( طاول الصبر ))

كلمات : فالح
ألحان وغناء الأسطوره : طلال مداح
رحمه الله

طاول الصبر يالمجمول و الانتظار
وش سبب غيبتك يا صاحبي وش جرى ..
كأن باقصى الحشا من عقب فرقاك نار
دوك جرح الغلا في ضامري ما برى ..

اتصور خيالك .. كل ليل و نهار
و الهموم و غرامك في الضمير اقصرى ..

كان رجلك عليها عن مجيّك حيار
خل بينك و بين اللي يودك ذرى ..

كان ودك تقدم لي عذر و اعتذار
اصبح الحب مثل البيع و المشترى ..

صار مالي ولالك في الوصال اقتدار
اشهد انك بعيد الماء قريب الثرى ..

المودة مصايبها .. تراهن كبار
ليت قلبك عن اللي لك في قلبي درى ..