همس المطر منك غدى لذعة حروق
عكس المطر لو كنت بالحيل رايق
يمسح رذاذه هاجس الود والشوق
وينادمك تنسى معه صدر ضايق
ياللي تمادى بك غضب هدي وروق
ضم الغلا لا عانقنك حقايق
لو بك عذاب الوقت لا بد ملحوق
ساير ثواني لحضتك والدقايق
يا من تمكن بالحشى واسهر الموج
خل المطر يطفي لهيب الحرايق
خله في قلبك يحتضن دم العروق
وخله ينسيك الحزن والطرايق
شفت المطر لا من هطل يبري العوق
ويحضنك من بد البشر والخلايق
مشتاق وقدرك يالغلا دايما فوق
اقسم بربي صرت كل الرفايق
اقسم بربي ما يساويك مخلوق
يا من اخذت امن الحلا كل لايق
مطر.. مطر .. مطر .. مطر
انا المطر كله انا العشق والذوق
وانا غرامن ملتوي وامتعانق
وانا هواك العف يا بسمة شروق
دامي معك خلك على طول راااااااااااااايق
للشاعر طارق المحياس
شاعر إماراتي
راقت لي هذه القصيدة
ولكن هذا المتصفح سيكون ممتداً بشتائياتكم
فاجمعونا حول مدافئكم لاعدمنا جمال حروفكم
سواء منقوله أو من فيض خواطركم مدعمة بصور الشتاء
في أبهى تجلياته القارسة
ودي وتقديري للجميع