عرض مشاركة واحدة
قديم 01-24-2008, 04:42 PM   رقم المشاركة : 10

 


هذه قصيدة لشاعرنا يوضح فيها حالة إبنه المريض وفي الحقيقة أن الأمر ليس إبنه وإنما أبناء المجتمع والمرض ليس داخلياً ولكنها فتنة الزمان وعدم الأستماع إلى نصائح الأبوين والسير وراء أصدقاء السوء ...

البدع
عام الاول مرض ولدي وضّلا معيّل مايعي
واحتملته ووديته لدكتور واعلمني بشرّه
وهبا لي دوا له وانحرفنا ورحنا بيتنا
وفي الليل جيت اعطيه ذاك الدوا ربّه يشاوي
والتفت فيّ لاونّه يحندر ومشعابه يحنّ
قلت له ياولد ما حبّ لك غير ماحبّه لعمري
خيرة الله تاخذ وصفتي فان كم من تنتعش
ورمى بالعمامة ثم طلق وحفّش عن ذراعه
قال حل عن طريقي فان مثلك غشيماً ماحسبه
وهقيت إن ولدي يركب البحر من عند الهويله
واثر ذيك العزا مابعدها الا العوافي والنّدم
من عصى ابوه ماعد ينفعه لو يعضنّ اصبعه
الرد
كم لي اصيح واعلم راعي الغطرسه والمايعي
وانا ما قلّه الا انبه ولابغيك في ربعك تشرّه
غير حنّه يقل وافق على رغبتي وابيت انا
مابيعطونك اهل الابل بكره بدل شاتك يشاوي
وش حصد راعي الضيقات ذا يحتملها واليحن
وبني شهر ماضنّيت يعطون ديرتهم لعمري
اطلب الستر خلّ النّاس يفنون جمعه وانت عش
وملكنا فهد نمّا حقول الصناعه والزراعه
واسعف التّهم بالما ماجبرهم بماي الاحسبه
من يطع خادم الحرمين ينجا ومن يعصاه ويله
والذي يدخلوه السجن ينزف مع اتلى الونّ دم
والذي يكثر التهويش خذ نص وامّا النص بعه

وهذه قصيدة يشكو فيها الشاعر حال الرجال في الزمان الاول والزمان هذا
البدع
ياغبوني غبون الذيب سرحان ياصفو الرجال
الرجال القدامى اهل الصفا والوفا واهل الحمية
لا اوعدوا ما خلفوا وان قالوا القول ما يلهلها
لين عاشوا بطيبة والدّير مكنوا فيها الحد الحد
كل واحد يفادي لين ما الموت يحمي صاحبه
ويقولون للصدّاق قدّم وقاموا حي زو له
ويقولون للكذّاب نحن سوا واما انت قم
وامّا صفة زمان اليوم فالله يكثر عيش ربي
لو تنقيت فيهم يالله احضى بواحد فالمية
كل واحد معه وجهين حتى تجرد ما لعقيدة
يحسبون الرجولة في كعشهم وفي تطويلها
والرجاجيل ما ترخص لحاها وتحمِ اشنابها
الرد
مامع العاقل الا ياخذ الحلو ويرمي المر جال
مامعي مصلحة لانزيت عمري في النارالحمية
السعادة لمن يسعى لها والشقاوة لهلها
والذي مايحب الخير منبوذ وعليه الحد الحد
نجدته قاسرة ماينجد الناس لو حد صاح به
ما يحق ان راعي الظلم يلقى بشر يتحيزوا له
لو تعدي عليه الحقة اخشى يعود ينتقم
وانا لوكنت ماهل التربية فرد كم باعيش اربي
وش تسوي النصايح فا لتصاوير هي والفلميه
ماتسر السرية لا اصبح العسكري يعصى عقيده
وانت ياذا تمدّد شبكة الشر بعد تطوي لها
كيف يا ولدي اشري بندقة لك وتحمشنابها

 

 
























التوقيع

مدّيت له قلبي وروّح وخلاه
الظاهر إنه ماعرف وش عطيته

   

رد مع اقتباس