.
*****
من القصائد الجميلة والعبرة وبلهجة أهل مكة المكرمة
عرفتك واحنا لسة صغار .. ولسة في ذمة الاقدار
.....
عرفتك و احنا لسة صغار
و لسة في ذمة الاقدار
و في الحارة مع الجيران
كبرنا و انتي برضو كمان
.....
و لمن امي ترسلني لامك اجري و استنى
و انتي تفرحي بيه
عيونك هايمة في عنية
و بعد الجري .. يا فرحة
لبستي القنعة و الطرحة
و من طاقة مبيت امي
اغني و انتي بتغني
عرفتك و حنا لسة صغار
.....
و قالوا الواد عريس ولهان
و انتي ست بيت تنصان
و صرتي دنيتي و حبي
و قلتي انت نور دربي
و جبنا ميمي و جميلة
و عشنا في جنة و خميلة
اخاصمك تصفحي عني
تخاصمي انسى و استنى
.....
و بعد العشرة و الاسرار
تقولي هادي عيشة مراااار
شريتك و احنا لسة صغار
تبيعي لما صرنا كبار ؟
نسيتي ميمي و جميلة .. و عايشة في جنة و خميلة
اخاصمك تصفحي عني
تخاصمي انسى و استنى
.....
عرفتك و احنا لسة صغار
و لسة في ذمة الاقدار
و في الحارة مع الجيران
كبرنا و انتي برضو كمان
.........
كلمات الشاعر : أمين عبدالمجيد
*****