بدع: عبدالله البيضاني=
الهـريـري قال مـافـوق النـمـور الـضـاريـه وثبات=
والجـمـل لـو مـاهـداه الله مـاحـد كبّلـه فـي عٌقله=
والنـصـيـحـة كـلـمـة(ن) مــاهــي بـصـكّ ولامعامله=
آنا مـدري وش تـسـمّـون الثقالـة كبرياء ولّا زم=
كل صوتـ(ن) لـه طـرب مـن ينقـد الجمال في غـنـاه=
والله اني اضحك وفي قلبي كما وهج اللضى وشنوعه=
والنجاح لمـن صبـر ماهـو لمن كابر ومن ضري=
والذي يـأمـر ويـقـدر ماابغـي اتعرضـه وآهزّ امره=
وقـلــوب الـنــاس مـاعـنـدي لـها مـلـك(ن) وهـيـمـنـه=
بـَعَـض الاخـبـار تاجيـنـي قـلـول وبعضـهـا بـرهـيـه=
وَجــبــال الـثّــلــج مــاتـــوزي ولاحــي (ن) رقـى بــهــا=
مـانــا مـثــل اللي يـعــرّف ثـــم يـتـنــدّم عــلــى مـعـروفــه=
مـثــل مـاطـوعـت لـــك عـمــر الـشـقـاء يامال قيـتـنـي=
الرد: عبدالله البيضاني=
يـارفـيـقـي لاتـقـيـمـنـي بليّا تـجــربــه واثــبـــات=
الغـلـط مــردود والعـاقـل يـحـسّ ويفتـكـر فــي عقـلـه=
والـمـواقــف تـثـبــت الاجــــواد والــديــن المـعـامـلـة=
كان لك عندي لزوم(ن) وضّحه وابشر بمقضـى الـلآزم=
وان تغانيـتـم عـسـى الله يجـعـل الصٌّـدقـان فــي غـنــاه=
الي ماتسـرح معـه وتـروح ماتـدري عنـه وش نوعـه=
بَعَـض العـالـم ســدود وبعضـهـم زولــ(ن) ومنـضـري=
لاتـقـل هــذاك متسـتـر خـجـول وذاك فـيــه الـزمــره=
هـيـلات ابــن آدم وشينـاتـه تـراهـا لــه وهـــي مـنــه=
والبريـهـه لــو تعـاديـها تـعــدوت لـــك وهـــي بـرهـيـه=
وألأســـــد والـنــمــر لـو روّـضـتـهـا مـــــدّت رقـابــهــا=
ادري إنــك رأس قــوم وقيمـتـك ومكانـتـك مـعـروفـه=
وآنـــا مـــن ظــنّــك وفــــوق ولابغـيـتانـي لقـيـتـنـي=