يوميات البريهة ( 6 )
ماندري من تكردسنا بالفهر
ياحباني آنا باعلمكم بقصة جرن علينا الله لا يعيدها قعدنا اسبوع لانتصف الليل ماندري إلا وذاك الصكيع ،طع طق ...رجم يوقع في السطح وفالحوش وفي الخلوف ، ما تستاهل تبارك الله ما شالله المنيوم وقزاز من الغالي نوع (أتشبح لك ما تتشبح لي) وخزانات الماء تفقعن والدش خرب ودجاج الكهلة تصايحن ومات عليها ديك كلنج ماشاالله تبارك الله يسوى سوية ولا خرج آبي وقف الرجم ولا عود بدأ الرجم ماندري من يتكردسنا بالفهر ... والليلة الثانية على نفس المنوال وكل مال الدوقي تنهال علينا من كل مكان ...ولا خرج القحم يوقف الرجم... وظلن الكهلة تون ودخلها خوف ماقد شفته عليها ...وقالن لابي لازم نشد من البيت ومن القرية كلها وهي تحصي إن المسلة فيها جن ...وقالن له انته واشسويته لايكن قتلته بس أسود والا كلب اسود ... والرجم ماهلا فالليل وفي النهار ماشي ولا قله وآتصل آخر يوم جدي عصيدان يسال عن الكهلة وعنا وعلمه آبي ... ، قله على زوالك بالزوال ياحسكل والله انك رخمه ...اسمع اللي آقلك عليه ونفذه بكره هب عمرك انك مسافر وشد الونيت وقل للجيران انك تبغي القنفده ...ولا قرب وقت الرجم عود وخل السيارة فالوادي وتسيرق واطلع فوق الكدوة اللي جنب البيت فاهي تكشف لك القرية كلها وشوف من فين تطلع الدوقي ... والله آبي نفذ وصات جدي عصيدان واكتشف إن الرجم من بيت واحد من جيراننا قله قحيقح بيننا وبينه ثلاثه بيوت...ودق على قحيقح وشغب عليه وخرج ضعيف يتعسبل راقد وقله آبي قال والله ياحسكل اني راقد ولا ادري عن شي. عود آبي للبيت وعلم الكهلة وعلم أمي قالن الكهلة والله ما سواها إلا عقلزة بنت قحيقح المبغبغة وما هلا اشرقن وخرجنا بالكهلة لين دخلنا بيت قحيقح ونجي ونلقا يجي قلاب حجران تحت الحدة والله وان الكهلة ترفع الشون على عقلزة وقالن ليش ترجمنا ياضروبة واشسوينا لك لايكن كلنا مال آبوك خاب وشمعه ما معه الا القمل... وان البنت ترغي وتشغب وتقل سامحيني ياجدة متعبه والله ان الدكتور قلي اسوي كذيه.. وبعدين عرفنا القصة .
عقلزة أفلحن بها أمها للدكتور عشان ينقص وزنها تبغي تجوزها ولا حد بياخذها وهي كما البرميل قام الدكتور هبلها شرنقات وحبوب وقلها تسوين رجيم وجاء بيكتب الرجيم قالن له عقلزة الله يادكتور تحسب انا بقر ما نعرف والله ماحد يعرفله كماية وبس ...قعدن ترجمنا ...عليه عنها ضعيفة تحسب إنها لارجمنا بتصخف . والله ياعقلزة ما معها عقل ولا فوق ظفري الله لايعيد تاك الأيام ... والله يالكهلة لين ذحين شوي ، من الخرعه وغبن على ديكها الكلنج.
منقول........
يتبع..........