الله من هم بـروحي سهجها = بخافي ضميري في كنين الحشا لاج
احر من نار(ن) توقد وهجها = منها خطر روحي على سلك ديباج
وعـين(ن) عسى المولى يعجل فرجها = يفوح ناضرها كما عين هداج
استرسلت للدمع من ما رهجها = غيظ(ن) يكض عبارها مثل الامواج
وكم واحد(ن) له غاية ماهرجها = يكنها لو هو للدنين محتاج
يخاف من عوجاً كبار عوجها = هـرجة قفا يركض بها كل هـراج
يـقضب عليك المخطيه من احججها = حلو(ن) نباه وقلبه اسود من الصاج
والله خلق دنيا اوساع فججها = وعن مايريد العبد له كم منهاج
ودنياك لاضاقت تواليك سجها = عـسى توليها تبشر بالافراج