من حداوى دغسان أبوعالي رحمه الله :
- 1 -
البدع
المشاعيب انقفل بابها والحجنوا
والقضا ماعاد يسمع لفتال الحجوج
وانت لاحصلت منهل وفيه أصفى ومروه
أعتزل صنف المجانين ( وطوافل ) ( وداع)
- يقصد اترك الطفيلية ودعهم -
الرد من الجبلي
ياعلي مايحرم الا الذي للحج نوى
مايجوزله يلتبس ثوب من بين الحجوج
أب يودي سبعه أشواط بين اصفا ومروه
ويختم باقي الحج بطواف الوداع
________________________
ولهما أيضآ - 2 -
البدع لدغسان
عدة البيجو جدد والكفر مالي هوا
والقرنبع لامشا ياتهزهز وله روج
لو تدفه كود يوصل في المثانه (وقروه) أي قروى
والجدد مال السعاده وينكب شر باع
الرد من الجبلي
ياابن عيسى لو عزم غيركم مالي هوى
جيت باآبارك ولاهوب على شان ( الهروج) أي الكسوه
من يسوي مثلكم كل بيت ن فيه قروه
ويورد كل ضيف ن على كبش الرباع
____________________________
أما الباقية فبدعها وردها من دغسان أبوعالي
- 3 -
البدع
الله يخلي قايد الجيش فيصلي
قوله الى قاله وفا مايبدلي
فعله يجملنا وشخصه يجملي
ولايسعنا الا نقول عاش أبوعبدالله
ماشي كما عقله وفهمه وحنكته
الرد
أسمع وش آقل ياابن عثمان ياعلي
الحمد لله يوم جابك رفيق لي
خذلك جمل لاعاد ودك تجملي
مايدخل الجنه يكن كل من عبد الله
والمعرفه ماهي حميصه وحنكته
_____________________________
- 4 -
البدع
لاتعامل غير من في معاملته يفيك
واترك الفاجر وراع الخيانه والعليك
لاقريت أبجد ترى فيه من يقرأ تبارك
والمواتر نقصت من شرفها القاطره
الرد
يابوعبدالله نقول بارك الله لك وفيك
والزياده طال عمرك وجاد الله عليك
كل يوم أتلى ودنياك من ربي تبارك
بعد ماتضرب بها عوج توقع قاطره
_______________________