السلام عليكم ورحمة الله وبركاته
هذه قصيدة الراتب عجبتني فحبيت اقدمها لكم
منحاش من نار وطبيت في نار
ويا ويله اللي وقع ما بين نارين
وان الجمل صابر على الضيم صبار
وان طاح تكثر في جنوبه سكاكين
وأنا ماني متابع للسياسة والأخبار
ولا همني فوز اوباما وفوز ماكين
وما همني ويش قال حسني لبشار
وما همني لو زادوا الهند والصين
وما همني لو سوق الأموال ينهار
وما همني إن كسبوا أو خسروا ملايين
ما همني إلا راتبي ذا الشهر طار
كله صرفته قبل يوم ستة وعشرين
ألف وثلاثميه على طول في اجار
واربعمية مصروف جوال في زين
وألف ومية قد راحت في شركة اعمار
قرض أخته وشفطوه الشياطين
وألف ومية باروح أسوي بهالكار
سيارة جرباء ثلاث وثمانين
لا شمت الراتب يجيها كما الزار
تنفض مكينتها كما نفض بكلين
وأم العيال أتصيح يا زوجي البار
هذا الشهر عندي في القصر عرسين
وآخر ميه بتروح في جيب كومار
الحارس الهندي عسى فاله الشين
ويقول ما تكفي للفلفل الحار
يبغى من فوقها زود مني مية وخمسين
منحاش من نار وطبيت في نار
ويا ويله اللي وقع ما بين نارين