بارك الله فيك وفي عملك الصالح واحسن لي ولك الختام
اختيار موفق للويحان وذائقة عالية لتمييز الشعر
وشعر اللويحان تميز بالقوة والجزالة والوصول الى الهدف مباشرة
من سامريات الويحان ( الرقيقة ) قوله:
البارحة ما هملج الطرف بنعاس = ما فاض من نجم عيوني تخيله
لا باس يا عيني على السهر لاباس = على وليف فات ما القى مثيله
عنا قطع شوف المواصل له ارماس = ولا في يدي من نابي الارداف حيله
فيما مضى ياخذ جوابي من الراس = واليوم لا عاني وانا ما اعني له
العشرة اللي ما توثق على ساس = تطيح لو صارت حصون طويلة
يا ونتي منها المعاليق يباس = صبري قضى ما باقي الا قليله
صبرت صبر صابني منه وسواس = صبر له النفس العزيزة ذليلة
على وليف حال من دونه الياس = والياس طب للقلوب العليلة
من يتبع المقفي مرده با لافلاس = مثل الذي بالقيظ يدفق صميله
هذي دروب الحب جده ودراس = الله يمضيها بستر وجميلة
موفق للخير يا ظبي الاطعاس = لا تحسب الدنيا باهلها طويلة
الصاحب الغالي تحطه على الراس = واللي يودك لا تدور بديله
صلاة ربي عد ماهب نسناس = على نبي وضح الله دليله
ويقول اللويحان كذلك :
خطاة الزول صوره يحسب الجمعه ضحى الاثنين=
يـغـرّ الاجنـبـي زولــه وفــي ملبـوسـه الـضـافـي =
إذا منـك قرعـت زنـاد عرفـه مــع هــل التثمـيـن=
لقـيـتـه عـمـلـةٍ مـاتـنـدرج مـــع كـــل صــرافــي =
الا يـاتـابـع المقـفـيـن تتبـعـهـم وهــــم مـقـفـيـن=
نقاصـة عـقـل يالـلـي تتـبـع الـلـي معـطـي قـافـي =
ربـيـع مـاتـذوق احـمـاه لـويـذكـر نـبـاتـه زيـــن=
فهـو مـن حـظ غيـرك فيـه لـه مربـع ومصـيـاف =
ورى ماتعـتـبـر يـادابـشـه والا الـذهـيـن ذهـيــن=
يقيسـك فـي طـرف حبلـه وياخـذ ســدك الخـافـي =
لقـيـت الـشـور ماينـفـع ويقـعـد عيـلـة الـغـاديـن=
على مثل ايش أبا نفخ لي على كيـر وهـو طافـي =
تقبل شكري وتقديري حفظك الله