|
|
|
|
نبضـــــات منــــــــوعة
.
.
.
.
في جلسة خاصة وبحضور البرق وأبو ثامر
حــــــــدث مــــا يلي
بدع من عبدالعزيز الزهراني *|*=*|* الرد من سعيد راشد
_________________ *|*=*|* _________________
والله اللي رفع عرشه عن الناس في سابع سما*|*=*|* أنا نقـَّـــيت مــا لأصحاب رجَّال صيته قد سما
إنك ونْعم يا بو ماجد ويكفي من الرَّجَّال طيبه *|*=*|* وارتقى في المعالي سلَّم العز وشعاره لطي به
و ِاللا كلٌ يسده مصرفه ما طلب مصروف حد *|*=*|* واكتسب مجد عالي في حياته ولا حد قد جحد
واكثر الناس كوْدٌ يطلع الهرج لك من حنجريته *|*=*|* اكتشفت أن مدحك لي من القلب أنا بالقلب ريته
كنـّه اللي بنى جده وكنـّه تولَّى عمرها *|*=*|* فاصطفيتك من الأصحاب للروح باقي عمرها
.
.
.
|
|
|
|
اســــتدراج مقصــــود
تأليف : سعيد راشد
صالح عطيه ما توقَّعت تبخل=وما توقعت أن طبعك كذيّه
نَشَدْك بن رمزي وقلـَّك تفضل=شارك معي في حل تي القضيّة
ما شا الله في الخيمه لسانك يجلجل=أمّا في الألغاز ما شفت زيّه
أنا ادري أن الجائزة ماتجمل =القيمه - في مقدارها - معنويّه
القصد منها لفت الانظار والعقل=لساحة الألغاز بالشاعريّه
بس انت ما شرّفت قل لي وش الحل =تبغى نزيد الجائزة خمسميّه؟
ما عندنا مانع تعال اقبل اقبل=تجد مرح والنفس تصبح رضيّه
ألغازنا تنجح بفعل التواصل=وتعم فيدتها علينا سويّه
عبد الله بو ناهل تقدّم وحاول=مشكور بو ناهل وروحه الفتيّه
أشوف ميزان القوى صار مختل=ضع بصمتك في الشعر يا بن عطيه
رد بن رمزي على القصيدة نيابة عن صالح عطية
أقولها من صدق ما أبيك تزعل= ولا يجي في خاطرك مشنوية
اللغز ما أظنّه قراناً منزّل = على حبيب الخلق سيد البرية
اشّر وشاور لجل يقرب لنا الحل= من شان كلاً يفتزع في خوية
والجائزة مسموح آمر تدلل= ما عاد أدورها ولا أبي هدية
صالح عطيه من عيال ابن منشل= الظاهر إنه مشغلته ال ........ية
أما أبو ناهل تكرّم وحاول =انا اشهد إنه من رجالاً وفية
أشغلت بن رمزي وفكره تعطّل = من كثر تفكيري حياتي شقيّة
حليتها وأشوف وجهي تهلل= وشربت لي كاسة عسل من خلية
تجيك مكتوبة على الخاص توصل = وإن جتك قرّب دلّة شاذلية
إن كان حلّي صح قل لي تفضّل = وارفع يدينك ثم رد التحية
وإن كان ماهو صح وأصبح يفشّل = فالستر زين ولا تعلم عليه
.
.
رد سعيد راشد على بن رمزي
شف يا ابن رمزي ياذكي يا مبجَّـل=سيرة رسول الله خير البريَّـه
ذاك الرسول اللي تغاضى وحلـَّل=وبعد موته صار فعله خطيَّــه
إلا..إذا ما عاد تقدر تحمَّـل=يجوزفعله دون ذنبٍ وسيَّــه
بس - أنت لا ترغب ولا تزيد في الأكل=يكفيك ماتبقى به النفس حيَّــه
لا تنسَ صالح علّمه ، وابو ناهل=انشدهم يمكن يعرفون القضيَّــه
.
.
سؤال شعري من تأليف : سعيد راشد
أنا بانشدك عن جندٍ يجون العاصمه مرضان=وتنقلهم إلى ديره تعالجهم وترْجَعهم
وتحجز بعضهم واما الكثير يفرّ مالميدان=مساكنهم جميع المملكة والله حرَّمهم
عملهم مستمر بصمت طول العمر والأزمان=وينحدرون من أربع قبائل في توابعهم
إذا جاهم عدو قامت جماعه تحمي السكان=وتبقى العاصمة دايم تتابعهم وتجمعهم
.
حل بن رمزي للغز السابق
هـلا بك مرحبا بك ياسعـيد الـراشد الـفنان=جمـيع الـناس قالوا أنـت تسعدهم وتـمتعـهـم
جواب اللغز هذا ياسعيد بداخل الإنـسان=ودمّه يحتوي أربع فصايل أنت تعرفهـم
بقـدرة خالقي الدم يجري داخل الشريان=إلى كل الخلايا وأورده للقلب ترجعهـم
وفي جسمك خلايا بيض دايم تمنع العدوان=إلى منّه نوى يدخل تهاجمهـم وتمنعهـم
|
|
|
|
|
|
|
|
|
|