الـــــــبدع / حسن الدوسي =
_ =
مرحبا للمثايل روس في نِدّ روس =
عند من يحذرون الفِتنه ودروا سيات =
غامد وإن جاء لهم لافي ومِن دار سينا =
رحّبوا به ولو يخطي دروا سيّته =
_ =
الــرد / غيم السراة =
_ =
طــالــبين العـلا والمــجد فــيــن الدروس =
توّج العــلم طــلابـــه مـــن أدروس يــات =
ودي انصــح لكم ياجــمـــلة الدارســيـــنا =
كـــلاً يعــلى مـكـــانه مـــن دروســيّـتـــه =

البدع / سليمان الشدوي =
_ =
الله الله / ياهذا الزمان النحوس=
المشاكل بوسط الدرب متعاديات =
قل لمن هو يخلص كل دينه بدينا =
لازم انه يغير في طروقيته=
_ =
الرد / رفيع الشان =
_ =
ودّنـا ننتظم بالقــــارعة مـــا نــحوس =
وراعي السو ما شفناه ولا عاد يات =
يابوناهل ترى في الشعر حوب ابتدينا =
وانــا ودّي نــميّـز في طـروقـيـتـه =

البدع / عبدالله رمزي =
_ =
انحن إخوان ما الوادي ليا جبال دوس =
من حضر عندنا لابد يلقى صفات =
والمشاكل ليا جت نحتويها بلينا =
اعرف اللي نوى بالخير وش نيتّه =
_ =
الرد / حسن الدوسي =
_ =
انا ساقي يدُلّ الدّرب وجبى لدوس =
ما يدوِّر على النشبات والقاصفات =
والذي قال في حُبّ التماشي بلينا =
ضمّته ثم صدّت عنه وشنيّته =

البدع / سليمان الشدوي =
_ =
ماتغيب الديّر عن نور شمس الشموس =
وانت ياقاضي الصفين بالمحكمات =
كنت تقدر ترد الحق للعالمينا =
قبل ماتقتل الشاهد بجنبيته =
_ =
الرد / حسن الدوسي =
_ =
قبل ما ينتهي التّحسين وينشّ موس =
بُلّ راسك وخُذ تحسينةٌ محكمات =
يا مِن وِدّك ترُدّ العِلم للعالمينا =
لا توقِّظ شياطينٌ وجُن بيّته =

البدع / أبو ناهل =
_ =
كل حزه لها ميقاف ولهالبوس =
والسيوف البريعه حيهاصارمات =
منهج النصح ياأخواني بنشرهعلينا =
والصديق الصدوق أبغى علانيته =
_ =
الرد / حسن الدوسي =
_ =
كسرة القلب ما يُصلُح عليها الجبوس =
والفِتن لو تعاظم حيّها صار مات =
ليت الاجواد ما تزعل وتشهر علينا =
انا صدّاق والمؤمن على نيّته=

البدع / عبدالرحيم بن قسقس =
_ =
البقا يابو احمد ياحسن يابن دوس =
همكم مالجمايل والقدم راسيات =
في حما الله وتعظيمه وحبه رسينا =
ودعيناه يحفظكم بقدسيته =
_ =
الرد / أبو مشعل =
_ =
حيا الله بندقً له في المواقف ندوس =
عند ناسً مثيل الشمخ الراسيات =
للمواقف عصابة راس وممارسينا =
لو بدو حرروا الاقصى وقدسيته =

البدع / سليمان الشدوي =
_ =
في عميق البحر ماكل واحد يقوس =
من سلم ماغرق في البحر بالروج مات =
وانت من قبل ماتشرع مع الشارعينا =
انشد البحر الاحمر عن ملوحيته =
_ =
الرد / أبو مشعل =
_ =
كان جدي يدربني بسهمً وقوس =
وصرت طيار كبتن قايد الراجمات =
وانت يالتكسي اللي تعكس الشارعينا =
ضابط الأمن سجل رقم لوحيته =

البدع / عبدالله رمزي =
_ =
مرحبا هيل عد السيل قبل الهجوس =
ابو مشعل نعدّه ما الرجال الثقات =
ضيفته واجبة من كل سمن وسمينا =
بعد يومين نسأل عن خصوصيته =
_ =
الرد / أبو مشعل =
_ =
البقا يالذي في كل ديره تجوس =
الحصون القدم بالقفل متوثقات =
ابن رمزي درس بالجامعه موسمينا =
علم الانساب مايعرف خصوصيته =

البدع / رفيع الشان =
_ =
أنا يوم افتكر في يوم كلّه عبوس =
ينكسر خاطري وتصيبني الراجفات =
لكن انحن في الرحمن دوم ارتجينا =
كل مخطي محا تاريخ مخطيته =
_ =
الرد / سليمان الشدوي =
_ =
شوف درب السعد ياكل وجهً عبوس =
فات وقت العبوس ووقت الاحراج فات =
نعرف الدرب من غير الاوامر تجينا =
جودة الخيل في مقدار مخطيته =

البدع / غيم السراة =
_ =
نــــــوب ورّد رديـــــم ونـــــــوب ورّد جـــلوس =
مــا يقـــارن مـــذاق الجلـــس والــردمـــيات =
جــرعــة الشّــهد تشفي علّــة المــارضــيــنا =
واعــروش المــناحـــل مـــن عـــصى ميّــــتـــه =
_ =
الرد / حسن الدوسي =
_ =
مااسهل القارعه والبدع والرّد جلوس =
في دقائق يصير البدع والرّد ميات !! =
نقبل الصّحّ واما للخطأ ما رضينا=
ولا نلوم العِصَامي في عِصاميّته =

البدع / غيم السراة =
_ =
دلّـــة الكــــيف بالتّبـــهير والــها حــموس =
لا تــقــل لي زمـان الطــار والنــاي فــات =
خلّــوا أهــل الطــرب والدنـدنة عــازفــينا =
وأقــصــدوا مـــاي زمــزم يـا ضــوامــيّتـه =
_ =
الرد / حسن الدوسي =
_ =
انا طربان للأمثال ولها حموس =
ودِّي ارقى بها للشُّمَّخ النّايفات =
إن سِهِينا ولا صِدنا الهدف عاز فينا =
يا الذي جال والمنهل ضوى ميّته =

البدع / حسن الدوسي =
_ =
يالله لا هبتني مِثل الفقير الفلوس =
الذي ما لقي مالتّمر والبُر قيات =
ذاك عينيه ما تنفعه وإن حندرينا =
إذا ما جاه مالصّفري وبُر قيّته =
_ =
الرد / رفيع الشان =
_ =
فـ الزمن ذا ترى ما ينفع إلا الفلوس =
الحقوا ياعرب لا تحقروا البرقيات =
قدموا للملك قولوا له انحن درينا =
كل واحد بياخذ قد برقيّته =

البدع / رفيع الشان =
_ =
شيعة إيران تتعبد بنار المجوس =
فـ الفتن دوم تلقاها من المشعلات =
شعبها ما سلم حتى من الناخبينا =
خل نجاّد قد شكّوا بشعبيّته =
_ =
الرد / حسن الدوسي =
_ =
انت تعلم عن الخزرج وتدري ما جاء اوس =
لكن تجهل وصوف جُمالنا المشعلات =
الجمل وإن نهض بالحِمل وإن ناخ بينا =
يقضم الشّوك ويدوِّر لشعبيّته =

البدع / حسن الدوسي =
_ =
آبو احمد يقول بعض الحِكم بتّ تروس =
عِند مِن لا عرف بالصّعبه والعاديات =
وِش مع اصحابنا فالعلم متنوّعينا =
بعضهم ياخذ اعلامي ورى اقفيّته =
_ =
الرد / أبو ناهل =
_ =
قددرينا عن أوباما وقادات روس =
واجتماعاتهم لاحد يقل عاديات =
نعرف أطماعهم في قدسنا من وعينا =
غيم الشر والخاين لحق فيته =

البدع / رفيع الشان =
_ =
لجل ناقة تعالت صيحتك يا البسوس =
وجنيتي على جساس حتين مات =
ومهلهل سعى في ثار شيخاً رزينا =
قال لا تنشدوا فـ كليب وش ديّته =
_ =
الرد / سليمان الشدوي =
_ =
والله ماودنا يبدي في الحب سوس =
ثم ترجع طعامً للنمل والنمات =
ودنا ننتظر : من كل الاثمار زينا =
يعجب الروح في جذبه وشديًته =

البدع / سليمان الشدوي =
_ =
شرعنا مايشابه شرع كل الطقوس =
مايجوز السلف لاحان وقت الزكاة =
ياهل الدخن يا اهل الحب ياصابرينا =
كل واحد يزكي حسب ماليته =
_ =
الرد / أبو مشعل =
_ =
اختلاف المزارع باختلاف الطقوس =
موز الاصدار مايحتاج منا زكاة =
واهل السوق وسط اسواقهم صابرينا =
لين موز الصٌدر يزهي بماليّته =

البدع / رفيع الشان =
_ =
ودّي اسقيك كاسا تشرب العرقسوس =
والا فنجان قهوة كايفة من صفاة =
ضيفنا كلفته فـ الجيب يا عاذرينا =
بس ما جا ولا أدري وين هي جيته =
_ =
الرد / رفيع الشان =
_ =
من يسوس الفرس يا طيب العرق سوس =
ذيك ذا غالية والكاملة من صفات =
وفعال الكرم والجود حنا ذرينا =
قد سطع نورنا ومن سرا جيّته =