عيني اللّي سِعدها من شوف ( نوره ) = علّ ماتبكي على ( نـوره ) عيونـي
كان جَتْ يمّي فانا صِـرت مسـروره = وكـان عنّـي روّحـت لا واغبونـي
رحـم أبوهـا يومنـا كنّـا بـزوره = ماتزعّلنـي ولـو هــم زعّلـونـي
خيّتي وقـت الشّدايـد لـي صبـوره = يوم بعض النّـاس بالشّـده مهونـي
خيّتي وإن صارت الحـال إمعسـوره = وقّفت يمّـي ومـن حولـي ودونـي
وكان زانـت لـي مـن الأيّـام دوره = جـتْ تبشّرنـي بتوديـع الحزونـي
علّنـي فـدوه لهـا مانـي نكـوره = مثلما صانـت تـرى حِنّـا نصونـي
حقّها بالقلـب مـن دافـي شعـوره = وحقّهـا بالطّيـب نافـي مانخونـي
عيني اللّي سِعْدها من شوف ( نوره ) = علّ ماتبكي على ( نـوره ) عيونـي