أنا يابحر ماجيتك فاضى ولمشهدك شفقــــان
أنا جيتك ابنسى اليأس وبعض الهــــم ساكني
على بالك أنا جالس اسامر موجـــك الغضبان
اسولفه له عن أوجاعي وعني وغـــربه سنيني
علامك يابحر غاضب علامك تصرخ بكتمـــان
أنــا جيتـك ابشـكيـلك وأبـي منـــك تــواسينـي
أنا مثلك بحر لكـن وسـط نفسـي أنــا غــــرقـا
تعبــت ابحــر مــع نفسـي واسألهـا انـــاويني
أنـا محتار في وصفي ومع نفسـي حيـران
أنــا لاقــادر افهمها وهــي تجهــل مضــاميني
أنا مليت من حزني وتعبت ابحث عن الســلوا
ولاضــنيت بــه شــي عــن أحزانــي يســلينـي
أحــس أن الحزن عالم بحوره وصــحوه وديـا
تخيــل يــابحر حجمــه إذا حجمـــه سكـن فينـــي
تصور لو شقا الدنيا تجمـع في كيـــان إنســان
أصـــدق مــابقى بالكــون أسى مابات في عينــي
تــرى كل الحــزن لـو غاب وراح لآخر الأوطان
يغيــب ويرتحـــل لحظــات ويرجــع يستقـر فيني
أنا آخــر فصول الحزن وأنا لدروبه ألــوان
وأنـــا آخــر عزوفـــاته وأصــــــواتــه تغنينـــي
أنــا واللــيل والغـــربه تعانقنـا مثـــل أخـوان
ليـــلي كــــل آهــــاتي والغـــــربه عنـــاوينـي
تعبت اسقي ثرى أحلامي وازرع بالوهم بستان
تعبت ولا نبت زرعــي وتعبت وجفت بســاتيني
