لاوأنته الصادق السالفه ماهي كذه هذه السالفه اللي أنقالت !! وحتى عبدالرزاق مايدري كان نايم جنبي والكفرات مابها شي عاد (الله يسامحني) على الكذبه ذيك حتى أبورزق مشت عليه ...وش السالفه؟؟
الحقيقه كنا نازلين القريه وعند مدخل المردد او المنعطف الخطير ياتروح يمين للمردد ثم قرية العباله أو يسار جهة رحبان وطريق الحله المهم عبدالرزاق نايم جنبي وأنا ماني مسرع بس مع النزله السياره أنفلتت فقلت بأسوي مقلب في أبورزق وأفجعه وهو نايم
ولما وصلت المنعطف سحبت بريك عشان السياره تاخذ نصف لفه وتوقف وافجع أبورزق ولاعاد يرقد في سياره المهم سحبت البريك والكرسيدا لفت شويه على جنبها وما وفقت أستمرت تمشي للامام جهة الركيب والوادي أظن البريك همل أو أيدي نزلتة مع اللفه ماادري طبعا خلف السياره جهة رحبان وقدمها (الامام) نازل في الركيب لامحاله قمت رجعتها بالقوه أقصى اليسار ولا وقفت الا في الجبل (من الغشامه) الكفرات الاماميه بنشرت بعد ماطلعت على الصفا صحي أبورزق والجبل أمامه والتراب فوقنا قلت ضرب عليه الكفر الامامي وحاصت السياره والحمدلله ماطاحت في الركيبه قال الحمدلله اللي خلاه يشك مر شيبه والله مدري من هو ؟شاف الحركه من أولها
وجلس يشمت ويقول تستاهل ليتك طحت يا.... ومن ذا الكلام ههههه
طبعا هذا أول وأخر بريك أسحبه وتوبه حلفت ماعاد أتفنن وأسوي سواق.
بعدها بسنين ورط في حذفة الهوندا في القصه الماضيه اللي سردتها أمس بس كانت عفويه وردة فعل يوم أتفكر في الاحداث أقول احنا صاحين والامجانين والله لو نزلت في الوادي لنتقطع أوصال وش ذنب عبدالرزاق ينشل أو يصبح معاق بسبب مراهقه متأخره
فياأخواني نصيحة محب لاحد يمزح بالحديد (السيارات) أن نجاك الله مره احمدالله ولاعاد تكررها واللبيب من أتعظ بغيره لا بنفسه .. وسلامتكم