قصيدة بعنوان ( ظبياني ) للشيخ محمد بن حمدان آل نهيان ..
يوم شل برمش الاعيانــي .. مخطــرٍ لـه قلبــــي يتلّه
حور كاعب حور الأجناني .. ملبس السندس على حلّه
اشهد ان الغالي ظبياني
موطــنه والدار ظبيانـــي .. هب دخيل الشـف توصلّه
في الخليج ولا بعد ثاني .. خذ جمال اليوسفي شلّه
اشهد ان الغالي ظبياني
حلو عوده عود روياني .. عــود مــوزٍ بـازغٍ ظلّــه
بو ثمــان حص جيواني .. خشم سيف مرهف يسلّه
اشهد ان الغالي ظبياني
طيّر بضيقي و الأحزانــــي .. و إن تبسّــم ريحة الفلّه
ما يرابع خــوذ طيشاااني .. شهمٍ يداري لومة الزلّه
أشهد ان الغالي ظبياني