يا سامع اسمع من كلامي وش اقول ! ! !
ياسامع اسمع من كلامي وش اقول
لاتحسب اني لو تبسمت طربان
.
ترى بجوفي حزن ماهو بمعقول
تضيق به كل العواصم والاوطان
.
القلب جاه الويل والفكر مشغول
على الذي فرقاه . . لي همّ واحزان
.
اقفى وخلاني من الصد معلول
من عقب ما كنا وريد وشريان
.
احاول اواصله والباب مقفول
ولاعاد له عندي طريق وعنوان
.
والظاهر ان الامر ماهو بمحلول
الا بعلم يكشف الستر ويبان
.
لكنّ يا خوفي يقولون مهبول
ويصير علمي سلوة فلان وفلان
.
يا الله يا خلاق يا اعز مسئول
اصرف خفوقي عنه يا عالي الشان
.
ما عاد لي قدرة ولا عاد لي حول
لاني ضعيف وحيلتي حيلة انسان !
. . .
. .
.
شعر /
راجي الوصل