الشوق بعيوني يجنـن ديـره= وطيف المحبه دائمـاً بعيونـي
طول النهار الشوق هو والغيره= يتنافسو في خافقي وجفونـي
غيره وخوف مغلفه بالحيـره=من كثر هفواة الزمان الدونـي
يا الله تلهمني الرِضى الخيـره=في وِد من قلبي بهم مفتونـي
مالي غِنا عنهم ولا لي سيـره=إلا سعادتهـم بهـذا الكونـي
اشد حيلي دوم فـي تطويـره=وجدان يغليهـم بليـا هونـي
واخص منهم صاحب التصويره=من يحسب الدنيا سلا وفنوني
لِساه ما يـدري بهـا دوّيـره=تشبه مسماها عديـم اللونـي
عفوية التخمين فـي تفكيـره=تجعله يحسبها فلـم كرتونـي
تدرون من هي حلوتي لصغيره=هذي الحلا روح الغلا (تهوني)