وعليكم السلام ورحمة الله وبركاته
اللهم صلِ على سيدنا محمد وعلى اله وصحبه وسلم تسليما كثيرا
اذا ماني متوهمه ماشفت الاخ عبدالرزاق شكك في المرأه .. بالعكس الظاهر لي انه مشكك في الجنس الاخر 
واللي يقول المرأه لاتخلوا بسائق
فابشروا فسينفتح لها المجال بالاستدراج من مليون ومليون رجل بالخارج حتى وان كانت فترة قيادتها محدوده
واتحدى اي حرمه الا من رحم ربي ماتحط ع الاقل كحل في عيونها والا مسكرا قبل تطلع
والعطر اللي اذا شمه الغريب تعتبر زانيه
فبدال هالبلاوي كلها ليه ماتكن وتقعد في بيتها اميره معززه مكرمه
والله ان كانت ملاك فشيااطين البشر كثير واللي تبغى الردى من قعر بيتها بتسويه .. << توضيح ان الشيطان موجود في كل مكان لا اكثر
انا مرأه واتمنى من الله ان لايسمح للمرأه بقيادة السياره
لو بيخلون السواقه للي مضطره فعلا اللي معندها لا اخ ولا والد ولا احد يوديها مكان والله بنقول انه هه مافي حل الا هالحل
لكن والله والله والله ماراح تخلوا البلد من السواقين ومن الليموزينات ومن الحريم اللي تركب مع الليموزين
بس اقول ادعوا الله في الستر
هذا شي ازلي معروف من بدأت الحياه والشيطان قدر على ابونا ادم واغواه مابيقدر على نسوان
هو شر لابد منه السواقه بس والله ثم والله انها ستستغل اسوأ استغلال
ماسلمنا اذا رحنا السوق والهيئه منشره في كل مكان كيف بنسلم في السياره ولا معنا رجال
اذا السياره اللي فيها سواق وحرمه احيانا يطاردونها الشباب كيف لو كانت حرمه لحالها؟؟!!
والله لو تكون مغطيه حتى عيونها الشباب عندهم هوس اللون الاسود ومو كلهم ترى مااحب اعمم
وفي النهايه الله يختار الصالح يارب
وترى في قضايا اهم واكبر من السياره وقيادة المراه لها
......
انا اوافق الاخ عبدالرزاق غرامه في كل اللي قاله
لانه قيادة المراه للسياره ستفتح ابواب جهنم علينا واحنا مو نااااقصين البلد فيها من البلاوي مافيها بدون خروج المراه عمال على بطال
وترى البنود والنقاط مجرد حبر على ورق والله اذا خرجت المرأه ماتقدر تمسكها وتذكروا كلامي هذا لانه هو اللي بيصير
وسلامتكم
<<<< انسانه خايفه على دينها .. جا الزمن اللي فيه يكون المؤمن القابض على دينه كالقابض على الجمر
الله يحمينا ويختار لنا الصالح