.
.
حاجتي لك ماهي سواليف وعلوم = ولاهي يانظر عيني حاجة أموال
حاجتي لك لاغدى الصدر مهموم = تنصت لشكوتي لامن شكيت الحال
أنا معك وماني من الحزن محروم = دام أستوى عندك فراقي والوصال
لاغفت عيوني عيت حلومي تنوم = مدري هو واقعي وهم وألا خيال
شكيت للزمن جرحك قال ملزوم = شكيت لك غدره قلت لي ميال
ماكل ماهبت هبوب تهل بغيوم = وماكل شي بالخاطر عالبال ينقال
تدري بمدى جرحي كيف أنا مالوم = تخفي تفاصليه وهي على البال
تدري عن سبايب شكوتي وكتوم = تدري عن سبايب علتي وتختال
أعذلتني ظروفي وأنهكتني العزوم = ضيعت عمري في رجا وحلم وأمال
.
.
.
.
.
.
.
.
.
.
.
.