انفكت السبحة وضاع الخرز ضاع = وبغيت ألمه يا سليمان وأزريت
صار الذهب قصدير والورد نعناع = أنكرت ريحه مختلف يوم شميت
الباب طايح والمسامير خـــلاّع = والحَبّ فيه السوس والفار في البيت
أمسيت أكيل الراى بالمد والصاع = قست الأمور وعفتها ما توريت
لا فاقد الحيلة ولا قاصر الباع = ويا الله يامولاي فيك استغريت
الذيب رزقه في مباديه الأرواع = ونا برزقي في زماني تعنيت
وأنا مربّى من زماني ومطواع = ربتني الأيام حتى تربيت