جت يداعبها الخجل قبل الكلام .. لين ضاعت سالفتها من الخجل
عز في همسة شفايفها السلام .. كيف باقي سالفتها تكتمل
في ملامحها تفاصيل الغرام .. صمتها شوق وحاسيس وغزل
جت تصب النور في وجه الظلام .. تهدي الخفاق لحظات الأمل
في شفايفها حديث الصمت دام .. في حشاها جمر الأشواق اشتعل
ودها مره تنادي للهيام .. ودها لاكن يعاندها الثقل
غيمة العشاق وبروق الغمام .. لهفة المشتاق أحلى من العسل
يوم داعبها الخجل قبل الكلام .. من هوا الي ضاع فينا من الخجل