لعيونك اللي علمت قلبـي الطيـش
والبسمه اللي نـورت لـي مكانـي
ورموشك اللي كنها للعـدو جيـش
اني لأخلي الليل لـه شكـل ثانـي
دامك وصلتي والحكي صار بشويش
وشلون انا ماأقول شعـر وأغانـي
طفل المشاعر بيننـا علـه يعيـش
يلقى له ام ٍ تحرسـه واب حانـي
وشللي دخل بالنوم ووسادة الريـش
ما دام حضنك ضمنـي واحتوانـي
طيفك يشاركني على لقمـة العيـش
ان ما لقيتـه ف المحانـي لقانـي
والعاذل اللي قال لي قلت له ايـش
رح رح ترى مالك لـوى ياأنانـي
تبغاني انساها وانـا احبهـا ليـش
من جدك انساها وأضيـع زمانـي
المبــــ فيصل اليامي ـــــدع