|
قصيده للسديري
اليكم هــــذه القصــيده للأمير / محمد بن أحمد السديري رحمه الله وهي معروفه عند اكثر الناس - لجزالتها ومعانيها الساميه وهو يقول في قصيدته يقول من عـدا علـى راس عالـي رجمٍ طويـل يدهلـه كـل قرنـاس في راس مرجـومٍ عسيـر المنالـي تلعب به الارياح مـع كـل نسنـاس فـي مهمـهٍ تلقى مـن النـاس خالـي يشتاق له من حس بالقلب هوجـاس قعدت فـي راسـه وحيـد الحالـي برأس الطويل ملابقه تقـل حـراس متذكر ٍ فـي مرقبـي وش غدالـي وصفقت بالكفين ياس ٍ علـى يـاس اخـذت اعـد ايامهـا و الليـالـي دنياً تقلـب ماعرفنـا لهـا اقيـاس كم فرقت مابيـن غالـي و غالـي لو شفت منها ربح ترجع للافـلاس يا ماهفابـه مـن رجـال ٍ مدالـي ماكنهم ركبو علـى قـب الافـراس ولاقلطوهـن للكمـيـن المـوالـي ولاصار فوق ظهورهن قطف الانفاس ولا رددوا صـم الرمـك للتـوالـي كل ٍ يبي من زايـد الفعـل نومـاس من بينهم سمـر القنـا والسلالـي مثل البروق برايـح ٍ ليلـه ادمـاس يقطعـك دنيـا مالهـا اول وتالـي لو اضحكت للغبن تقرع بالاجـراس المستريح اللي مـن العقـل خالـي ماهوبلجـات الهواجيـس غطـاس ماهـوب مثلـي مشكلاتـه جلالـي ازريت اسجلهـن بحبـرٍ وقرطـاس حملـي ثقيـل وشايلـه باحتمالـي واصبر على مر الليالـي والاتعـاس وراسى كما ترسى رواس الجبالـي ولايشتكى ضلع ٍ عليـه القـدم داس يابجـاد شـب النـار وادن الدلالـي واحمس لنا يابجاد مايقعـد الـراس ودقـه بنجـر ٍ ياظريـف العيالـيي جذب لنا ربع ٍ على اكـوار جـلاس وزله إلى منـه رقـد كـل سالـي وخله يفوح وقنـن الهيـل بقيـاس وصبـه ومـده ياكريـم السبـالـي يبعد همومي يوم اشمـه بالانفـاس فنجـال يغـدى ماتصـور ببـالـي وروابع ٍ تضرب بها اخماس واسداس لاخـاب ظنـي بالرفيـق الموالـي مالي مشاريه علـى نايـد النـاس ياعـل قصـر مايجيـلـه اظـلالـي ينهد مـن عالـي مبانيـه للسـاس لاصـار ماهـو مدهـل ٍ للرجالـي وملجا لمن هو يشكي الظيم والباس بحسناك يامنشـى حقـوق الخيالـي ياخالق اجناس ٍ ويامفنـى اجنـاس تجعـل مقـره دارس العهـد بالـي صحصاح دو ٍ دارس ٍ مابه اونـاس البـوم فـي تالـي هدامـه يلالـي جزاك ياقصر الخنا وكـر الادنـاس متـى تربـع دارنــا والمفـالـي وتخضر فياض عقب ماهيب يبـاس نشـوف فيهـا الديدحـان متوالـي مثل الرعاف بخضر مدقوق الالعاس وينثر على البيـدا سـوات الزوالـي يشرق حماره شرقة الصبغ بالكـاس وتكبر دفـوف معبسـات الشمالـي ويبني عليهن الشحم مثل الاطعـاس وسلامتكم تحــــــــــياتـــي # منقول # |
شكرا سراب الحقيقة أن السراب غيرك أما أنت فقد روينا من نهلك وسنرتوي في الأيام القادمة ومن منّا لا يعرف الشاعر محمد السد يري عليه رحمة الله تعالى وهذه مشاركة منّي للسد يري لولا الهرم والفقر والثالث الموت .. يالادمي بالكون ياعظم شانك سخرت ذرات الهوى تنقل الصوت .. وخليتها أطوع من تحرك بنانك جماد تكلمها وهي وسط تابوت .. تاخذ وتعطي ماصدر من بيانك وعزمت من فوق القمر تبني بيوت .. من يقهرك لو هو طويل زمانك لولا الثلاث وشان من قدر القوت .. نفذت كل اللي يقوله لسانك |
جزاك الله خيراً ياابوسامي على الإضافه وماانا إلا طالب في مدرستك وافخربالحديث مع امثالك - حفظك الله ورزقك الجنة وماقرب إليها من قول او فعل اوعمل - |
|
أستاذ الأجيال وجيل الأساتذة القدير / سعيد بن راشد يحدوني الفخروكامل الإعتزازبهذه الإضافة الرائعة #الله يجزاك خير ويرزقك الجنة وما قرب إليها من قول اوفعل اوعمل # |
| الساعة الآن 01:10 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. TranZ By
Almuhajir
