ساحات وادي العلي - عشان "" أمي"" أمانه ببتسم ماهو على شاني !!

http://www.alfaris.net/up/21/alfaris_net_1234393143.gif

http://www.alfaris.net/up/21/alfaris_net_1234393373.gif

يضيق الكون ويظلم بي وأدور بالظلام شموع
وألقاني وأتوه بعيد وأضيعني ولا ألقاني

وأشوف إن السراب يحيط فيني والحقيقه تموع
وأشوف اعدائي كل ماأكبر تزيد بعكس أعواني

وأطيح وتجرح ركبي ويجف من التعب ينبوع
ويفيض الملح ويتساقط مطر من منبع ألواني

وأشوف النور في ذاك المكان وأنتبه وآفوع
بشر ثاني إذا ماخانتن عيني بشر ثاني

وأقرب له ويناديني بصوت (ن) هادي ومسموع
علامك ليه تتساقط تعب وتجف وتعاني

وآتسآئل بقلبي كيف يعرفني شكل وطبوع
ويرد وكنه يسمعني انا فرحك يا ""عثماني ""

وارد يومي تذكرته (تعال وإسكن الموجوع)
تعال وكسر إضلوعي فرح متلهف انساني

ياكم مره تقومني كوابيس القهر مفزوع
وياكم مره يكرهني زماني بعالمي الفاني

وياكم مره زرعت وإحترق في لحظه المزروع
بغدر صاحب وهجران الحبيب وظلم عدواني

طلبتك لاتخليني من أغصان الفرح مقطوع
طلبتك يابعد عمر الحزن ريح لي أجفاني

كذا تتركني بصغري من البسمات ميت جوع
تركت (ن) وانتثر حزنن بجوي لينه أعداني

أمانه مابي"" أمي "" تشوفني من فرحتي منزوع
عشان "" أمي"" أمانه ببتسم ماهو على شاني

للشاعر عثمان الضبعان

http://www.alfaris.net/up/21/alfaris_net_1234393373.gif

http://www.alfaris.net/up/21/alfaris_net_1234393102.gif