|
ضاق صدري
ضاق صدري و رحت افضفض قاصد ٍ نفس الرصيف !
شفت نور الحي زايد و آنا خبري به ظلام و الغريب انه خفوقي زاد نبضه .. مدري كيف !! كني طفل ٍ .. يبكي .. خايف .. ضايع ٍ وسط الزحام اثْرها كانت وراي .. و الضيا ما كان طيف قبل ما اوقف و اسلّم .. قلبي المشتاق قام ما طرى في بالي الا يا بَخَت من لك وليف عينها بعيني .. و نظره .. رجعتني كم عام فجأه شفت اشجار تخضر و هْيَ في عز الخريف و هذا هو حال المفارِق يوم يطري له الغرام يبتسم .. يشبه بشوقه .. للنظر شخص ٍ كفيف الأمل ضايع .. ولكن .. الأماني مو حرام الثواني تمر و تمضي .. اشهد ان الوقت سيف فجأه قالت كيف حالك ..قبل ما ارمي السلام ! كنت احسْب اني قوي .. لين اكتشفت احساسي زيـف ما عرفت انطق بكلمه .. شاعر و خانه الكلام !!! كيف اقول اني بخير و باين بقلبي النزيف ؟ و الملامح بان فيها عين ما عادت تنام مرتبك .. واقف .. و ساكت .. انفض غبار الرصيف بالعجل هزيت راسي يعني اخباري تمام و انسحبت بْلا تردد لآني انسان ٍ ضعيف و القوي لا شاف موته .. يوم يضعف ما يلام مما راق لي |
حلوة يا أبا ميس القصيدة رقيقة ودقيقة الوصف ودي يكون ذكرت الشاعر إذا كان موجود لك تحياتي وتمنياتي لك وللأسرة الكريمة بالتوفيق . علي بن حسن |
كيف اقول اني بخير و باين بقلبي النزيف ؟
و الملامح بان فيها عين ما عادت تنام كيف اقول اني بخير و باين بقلبي النزيف ؟ و الملامح بان فيها عين ما عادت تنام كيف اقول اني بخير و باين بقلبي النزيف ؟ و الملامح بان فيها عين ما عادت تنام رائع وأكثر من رائع |
حياك الله ياعم علي مرورك علي الموضوع وسام علي صدري لك مني كل الشكر والتقدير
|
حياك الله اخي العزيزالمبدع علي فرحه مشكور ياغالي علي الاطراء لك مني اجمل تحيه
|
سلامة الصدر من الضيقة يابو ميس لكن رجاء لا تلعب بالمشاعر .. خلينا رايقين وفي النفس حاجات وفيك فطانة ........ الحق والحق يُقال الاختيار راقي وذوقك راقي والى هنا ونعقل العداد وفي (جمة )اخرى نلتقي وهذا علمي وسلامتك يابو ميييييييس |
حياك الله وبياك ياابااديب واللي في النفس مخبور طال عمرك تحياتي
|
| الساعة الآن 02:13 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. TranZ By
Almuhajir