ليتني ماقلت احبك
 

وش يهمك؟ليه غبت؟! ووين غبت؟! وليه جيت؟!..
دام ما هزّك غيابي وش يهزك.. لا لفيت؟!
~~~
ما تعوضني دموعك .. عن صدودك .. والجحود ..
ليتني ما قلت أحبك .. ليتني لك .. ماحكيت !
~~~
ليتني ما جبت طاري .. ليتني .. ريحت بالي
وليتني في مثل حبك .. بالمحبه .. ما وفيت !
~~~
كنت ما افهم بالخيانه .. كثر ما اسمع .. بالخيانه!
وكنت وافي بالمحبه .. كثر ما عني .. سليت !
~~~
وكنت أشوف الناس مثلي .. غلطتي وأكبرذنوبي
ايه لاني بالمحبه .. في هواك انت .. ابتليت .!!
~~~
ايه لاني في عيوني كنت أشوفك شي ثاني ..
وش أشوفك شي ثاني ؟! كنت ملكك ! ما حييت ..
~~~
كنت أردد في غيابك .. أجمل بيوت القصايد ..
كنت أررد (من يقول اني بنسيانك .. نويت؟)
~~~
ثم أردد (وان قويت أنساك ؟ نسيانك صعب!)
وكنت أرددها بصوتي في غيابك .. بيت .. بيت ..
~~~
وطحت من عيني حسايف من مكان(ن) كنت فيه
ما رقا به شخص غيرك ..!! لا ولاغيرك .. رضيت !
~~~
لأنك أول شخص عندي وآخر انسان(ن) أبيه
ولأنك انت اللي ملكني ولأنك انت اللي قويت ..
~~~
يسكن بوسط الحنايا وان جرح قلبي يمون ..
ساكن(ن) وسط الخفوق وفي عيوني له مبيت ..
~~~


من غلاتك ,, من قساتك ,, من جحودك للوفا ..
من ضياع سنين عمري .. وأروع أحلام(ن) بنيت..
~~~
أصبحت مثل الحطام اللي تطاير في هبوب ..!
ودي أستدرك شتاتي .. لا ضميت ..ولارويت ..!!
~~~
غير حبك .. يوم حبك .. ضيّع سنيني معاه.. !!
حسبي الله ..ان صدفتك ..وحسبي الله ان طريت ..
~~~
وين ما لديت وجهي .. ألمحك تضحك علي
ألمحك تضحك علي ..!!

وغير ربي ما شكيت ..!!!
~~~
مات قلبي وش بقى بي؟ أسألك بالله حي؟!!!
والخفوق اللي رميته في هواك اليوم ميت ؟!!!
~~~
كيف أنسى؟!..وكيف أسلا؟!..أسألك بالله كيف؟؟!!
ولو اقول اني نسيتك .. يعلم الله ما نسيت ..!!!
~~~
طعنت(ن) أدمت جروحي .. من كفوف اللي عطيته ..
كل شي(ن) في حياتي... وإعتبرني ما عطيت .!!!!!!!
~~~
أكرهك ؟!! وأكره حياتي ؟!! وأكره سنيني معاك..!!
وأوعدك ما احب ثاني .. طول عمري ما حييت ..!!!
~~~


..
وش يهمك؟! ليه غبت ؟! و وين غبت ؟! وليه جيت؟!.. دام ما هزّك غيابي؟!
.. وش يهزك.. لا لفيت؟!!!! ~...



هادي القصيدة ماهي لي
لكنها لرجال فاضي كتبها وعجبتني ونقلتها ليكم

00وش يهمك ليه غبت00 وين غبت وليه جيت00 دام ماهزك غيابي وش يهزك لا لفيت00 وانا هزتني هذه القصيده - للرجل - الفاضي مثل ما اسميته - ومثل ما هزنا حضورك تحياتي لك