|
ركبت من فكري تراكيب وهجوس ! ! !
ركبت من فكري تراكيب وهجوس ! ! ! . . . ركـبّـت من فكري تراكيب وهجوس اقولها والقصد للي درى به . بعض العرب هرجه غريبٍ ومنكوس ما ياتي الموضوع من عند بابه . في السالفة يلف ويدور ويحوس سوالفه جت بالملل والكآبة . احسن لبعض الهرج لو ظل محبوس لا صار ما ينفع ولا ينبدى به . كلمتك مثل السهم يرمى من القوس ما عاد ترجع والخطا له حسابه . خل اللسان بداخل الفم مدسوس تراه مثل السيف داخل نصابه . بعض الكلام ان زاد راحت به انفوس كم واحد سبّـب بقوله عذابه . كم واحدٍ عوّد وهو حيل متعوس شاف الندم باسباب هرج ٍ حكى به . ويعض فوق اصبعه باسنان وضروس ويقول ياليت القدر قد غدا به . ترى العـمَـر ياناس دقات ودروس للي معه عقل ٍ فهيم ٍ ونابه . اللي حفظ قوله من النقد محروس ما يلحقه لوم العرب والعيابة . والصمت للرجّـال هو خير ملبوس يحفظ له الهيبة ورفعة جنابه ! . . منقوووووووول |
بعض العرب هرجه غريبٍ ومنكوس ما ياتي الموضوع من عند بابه . في السالفة يلف ويدور ويحوس سوالفه جت بالملل والكآبة 00000000 سلمت وسلم منقولك اخي الكريم تقبل مروري ودمت بصحة وسلامه 0 |
اقتباس:
خوي محمد لكم التحية ولشخصكم الكريم كل التقدير |
| الساعة الآن 12:28 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. TranZ By
Almuhajir