- دائماً مسرعين وماوراهم شي


- لازم هوشه في اي لعبه جماعيه سواء كانت " كيرم " أو " بلوت " مروراً بـ " الـ أتاري "


- ألام السعودية اذا ضاع ولدها تبكي .. وإذا لقته ضربته


- لازم تنكسر صينيه ولا كاسة شاهي بالبيت اذا فيه ضيوف


- كل الحريم عيالهم ما ياكلون ، حتى السمين: مسيكين ولدي ما ياكل أبد


- كل الهنود و الاجانب اسمهم محمد


- مايحلى الإنترنت الا وقت الاختبارات والنوم


- الحريم اذا اتصلوا على الرجال اول كلمه تكون : "وينك؟" والرد دايم : "قريب"


- أي طالب سعودي "ما يداوم اول يوم بعد اي إجازة" او "اخر يوم قبل الاجازة" ماتفرق إجازة الصيف ولا إجازة خمس ايام غايب غايب


- في كل بيت لازم مجلس للحريم ومجلس للرجال ويشوهون مخطط البيت ومع ذلك مايجيهم احد


- أم توصي عيالها : "اذا سألوكم اي شيء قولوا : مادري"


- الطلاب ما يذاكرون للاختبار إلا ليلة الاختبار وينجحون بأمتياز”هذا الشي حير علماء العالم


- الأم تعاتب ولدها : "حرام عليك ليش طقيت أخوك الصغير وبكيته ؟؟" ... الولد : "هو اللي بادي"


- الولد مع اهله مايدفع ريال ومع اصحابه يحلف عليهم ماتدفع ريال



- فشلتونا :كلمة يقولها الولد لأهله إذا جاء يمشيهم

- الدولاب فيه مليون لبس و اذا جت عزيمه تقول الزوجة "ماعندي شيء البسه, ياربيييه ليتهم ماعزمونا"



- يوم الجمعه : يوم السمك أو البيك



- يستخدمون كأسات الجبنه للشرب (ماء أو شاي)


- لازم ماتقول انك بخير ومبسوط .. ضروري ضروري تكون تعبان ومهموم ومديون او ماتكون انسان


- في عز الفرحة: "مناسبه سعيدة، عيد، سفر،مجتمعين على الغداء ..الخ"، تلقى الام تخاصم بناتها و الولد يضرب اخواته



- انخطبتي؟ اسكتي لا تعلمين احد !! نجحت بممتاز؟ اسكتي لا يدرون عنك! وكله عشان لا يطقونها عين


- لا تسلمين خليها هي تسلم .. ويخلص العرس وماسلموا على بعض



- عند كل سوق لازم تلقى مجموعه شباب يبون يدخلون وهم يدرون أنه عوائل


- سعودي يسأل عامل اجنبي ... انتا مسلم؟ مين كفيل؟ وين شغل؟ كم راتب؟ امممممم ايش اسم انتا يا محمد


- الام كل ماشافت عيالها عند اللاب توب او معاهم البلاك بيري او الايفون: تدعي ع اللي صنعهم


- حالة طوارئ يوميا الساعه السابعه صباحا


- إمك وابوك من عرفتهم وهم الأوائل في كل دراستهم وأنت اللي ما طلعت عليهم




- رمضان حزة اذان المغرب: أذًّن؟ لا ما أذن؟ إلا كني سمعته! اطلع شف اذن ولا لا؟ اسئلو بالبيري أذن؟ طيب حطو القناة الاولى نشوف



- الرجل السعودي : يلا أنا عند الباب اطلعي وهو باقي له ربع ساعه ياصل البيت

- مواصفات زوجة المستقبل عند أي سعودي .. طويلة وبيضا وشعرها طويل ..



- كل الطلاب اللي درجاتهم ضعيفه ..بينهم عذر مشترك ..وهو ان المدرس حاقد عليهم


- الأم : يا ولدي ارجع للبيت بسرعه بس ( لا تسرع ) !!



- عندك واسطه ! تدخل جامعه، مستشفى حكومي، وزارات ! ما عندك شي ؟ أجل اقعد في بيتكم


- يمر لمحل وجبات سريعة .. والطلب: همبرجر تريبل .. اكسترا شيز .. مايونيز , وعشان الرجيم : الببسي دايت


- مستحيل تأخذ سندويتش للمدرسة عشان ما يقولون عنك مصري


- أكبر بنت وولد على اسم الجد والجدة , بنتهم الكبيرة لطيفة والثانية ميار


- نتواعد نطلع 6 وتصير الساعه 8 ولسى ماطلعنا



- عندهم مشكلة مع الجنسيات الأخرى ! يحسون أنفسهم أحسن ناس محد قدهم ! وباقي الشعوب متخلفين وما يفهمون وفقارا -


- الصغار ما يحبون يسلمون عالضيوف الا بالقوه .. وبالعيد ما يخلون احد ما يسلمون عليه عشان العيديه



- الام تدلع ولدها والبنت ملعون خيرها

- اذا جو يصلون لازم يلفون شوي يسار للقبله

- اذا مريت عند ناس وهم واقفين ولا سلمت قالوا شايف نفسه واذا سلمت قالوا يبي يتعرف

- الطفل السعودي اذا كان بالشارع ومرت سياره، يشوت نعلته علشان تدعسها السياره


- العائله السعوديه اذا راحوا لمكه لازم يسكنون بنفس الشقه حقت العام والا ماكأنهم راحوا لمكه