|
اصابع الزمـــــــــــــن
ماجيت ازايد /على جرحي/ وانا ادري به ...................... جيت انهي القلب /مير القلب مايوحي اكتب قصيدي /على لحني/ واغني به ...........................واصابع الوقت / تكتبني ولاتمحي غريب/ والعمر كله/ صار تغريبه ....................... غريب! ماتعرف العالم/ سوى جرحي من كثر ماخان هذا الوقت/ ترتيبه .............................تعلِقـت/ مفــرداته/ وجهي السمح ِ الليل/ غيّب عيوني/ في غياهيبه ....................... وانا انتظر فزعتك / بالنور ياصبحي اوثقت ( شيطان روحي) من تلابيبه ................ ......... وجودته بطعنتين / وخانني رمحي والسيره/ اللي غشاها الشك والريبه ........................ مزوحها جـِــدها /والجـِد من مزحي مديت بالـود جسر / وجسر من طيبه .......................لاحبابي /اللي تناسو / زادوي وملحي وباشرتهم بالتمر/ والنخل يزهي به .......................من حِلوة الجــوف / والا نخلة البرحي واشركت من حسّ بابهامه / خلا جيبه ...................في راس مالي / وفي عيدي / وفي ربحي لكن في شيمة /اهل العز/ والهيبه .......................... بعض المواقف/ ابد/ ماتقبل الدمح ِ عن منطق اهل الخنا/ والعيب/ والخيبه ....................اهون عليّه من ( احساس القهر ) ذبحي واليوم ياهاجسي / لحن ً تلالي به ...................... يرقى( صروح الوفا) لو ينهدم صرحي لو تاخذ القلب/ يالهاجس/ وتسري به .............................. ماينفقد قلب / لكن ينفقد جرحي |
. ***** صح لسانك وعلا شأنك ما شاء الله كل بيت يمثل قصيده لك التحية والتقدير ***** |
من كثر ماخان هذا الوقت ترتيبه ...تعلِقـت مفــرداته وجهي السمح سليمان لو ما كتبت إلا هذا البيت فقد أجدت وأبدعت فكيف بقصيدة كاملة شكراّلك |
صح لسانك وعلا شأنك اخي سليمان الشدوي ما شاء الله كل بيت يمثل قصيده تقبل مروري ودمت بووود0 |
ابدي اعجابي بك وبما تطرح وانا لي الشرف ان 0 الشدوان 0 ارحامي واعتز بذلك لي اغنيه في زمن الطيش اسمها الاصابع مش سوا 0 وذكرتني ما مضى واسال الله حسن الخاتمه 0 انا سمعت لك قصاايد في حلسات ونالت اعجابي اتمنى ان تكون انت الذي سمعته واتمنى معرفته تقبل تحياتي واحترامي 00 |
الشاعر: سليمان الشدوي. صح لسانك، وسلم ينانك، وعلا شأنك. للشاعرية عنوان، وللإبداع فيها؛ فكرٌ راقٍ يتجدّد، وللجودة والإتقان؛ مقدرة فذّة، وتمكّنٌ يتـّقد. هذا انطباعي بعد أن استمتعت بقصيدتك الرائعة. تمنياتي لفكرك، وشاعريتك، وقلمك التألق المستمر. ولك التحية والسلام، والتقدير والاحترام. |
الشاعر القدير: سليمان الشدوي ساحة الأدب الشعبي تفتخر بك وبأمثالك من الأعضاء النشطاء الذين يثرون الساحة بكثير من المواضيع، وتقدر جهدك وتفاعلك المتواصل .. فاستمر حفظك الله وجميع محبي الشعر النبطي لك من المتابعين. دمت بود ولك أجمل ورد. |
| الساعة الآن 01:06 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. TranZ By
Almuhajir