قدر الحب
 

ليش تسأل مابقى للحب قدر وقيمة

أكره الحب أكذبه والبعد ياطلابه

سنة الدنيا كذا بس السنين مقيمة

رحل الراحل وينزل في مكانه لابه

ما الزمك وأنا فؤادي ياصعب تلزيمة

ولا بحثت أسباب بعد ما جهلت أسبابه

أترفع عن بعض الأحداث عز وشيمة

عادتي لاشمت لي من شئ أشوم ابمابه

والله أني ماتمللت الحنان وغيمه

لين شفت ان الوجيه الصادقة كذابه

كان عذابك الغرام وعذبك تقسيمه

تدري انه لو تساوي القسم ما يتشابه

كم ضميت الوصل لعيونك وجيت أهيمه

ما حسبت احساب شئ يحسبون حسابه

وكم لبست الحب ظن وجيت لك تعشيمه

ماصحى السور الكبير الا وانا في بابه

وانت غلطاتك تنافس بي وصدري بيمه

وان شكيته لك تقول ان الزمن سوا به

ان عرفت اني سمحت أمن الشداد وريمه

علم اللي مادرا ان عز الدقن بشنابه

الحزن في عيون من ذاق الفراق وضيمه

لو على وجهه ملامح من برود أعصابه

وان سجد قلبه على روض الغلا تعظيمه

عذره انه عذبوه مــ الفراق أحبابه

وانت لايغريك صوتي والجروح مقيمه

التفت للقلب شوف البعد وش سوا به