ساحات وادي العلي - حلو اللغز ياجماعة الخير الشايب هاج بسبب ولده بغا ينفعه وانقلبت عليه وعلى امه

:7:من يقول وش هو العلاج الي اعطاه الولد والده وهاج الوالد عليهم وخربها تخريب ههههه

اليكم القصيده

بشرونا بالصحافة عن علاج جديد …………….…ينعش الأبدان و يرجع الشايب ولد

صانعينه بواشنطن و مفعوله أكيد ………...…جعل من جابه يوسع له بقبره و اللحد

قلت فرصة شايبي له زمن ما يستفيد ………...من كبر سنّه يعاني و روح بلا جسد

له سنين منعزل لا شقي و لا سعيد …………… كل ما شاف العجيز تثاوب ثم رقد

ما بيده حيله و إنتهى منه الرصيد ……………... العظام مهلهله و العروق بها سدد

بندقه ما عاد تنفع و لا تقدر تصيد ……….… و السلاح اللي معه الفشق فيها فسد

قلت أبر بوالدي و أنفعه حتى يعيد …………… ماضي الأمجاد و يصبح بعيشه رغـد

إشتريت أربع قوارير بألفين أو يزيد …………… الحبوب اللي تخلي من الثعلب أسد

يوم أخذ منها تنافض رجع كنه وليد ……..… و من نشاطه قام يركض و يصدم بالعمد

و قام مثل الشجاع و قال هذا اليوم عيد ……. (...........................................)

شهر كامل ما تشوفه من بعيد لبعيد ……..… منهمك هو و العجيّز كل ما ينزل صعد

و بعد مده قال ودي أسافر للصعيد ……………….. من مصر ناوي أفيّز لعمال جدد

غاب عدة أيام و جانا معه شيء فريد ……..… بنت شمحوطة و بيضاء و مركوزة نهد

عمرها تسعة عشر عام ينقص أو يزيد …….… إسمها فيفي و أبوها حج عبدالصمد

هام فيها أبوي و الحكي ما عاد يفيد ………..… حلّق اللحية و عن ربعه قفا و إبتعد

صار خاتم في يديها و يفعل ما تريد ………… و أصبحت تتحكم فينا مثل شيخ البلد

أسلبّته المال و العقل و الراي السديد …….…. و بالمقالب و الحيل عيشتّنا في نكد

طلق أم عياله اللي لها ساس جويد ……..… قال طسّي يا عجوز المشاكل و العقد

من يذوق الكيك ما يرجع يذوق العصيد …...… و إنتي العيشه معك مثل حبل المسد

هانت العشرة و خان عسى عمره مديد ……… باعنا بأبخس ثمن و راح عنا ما نشد

أعرف إني سبّة اللي حصل و الله شهيد …... جيت أكحل عين محروم و أعماها الرمد

أثر بعض البر وسواس شيطان مريد …………...يفسد الاخلاق و يضيع الوالد و الولد