ساحات وادي العلي

ساحات وادي العلي (http://www.sahat-wadialali.com/vb/index.php)
-   ساحة الأدب الشعبي (http://www.sahat-wadialali.com/vb/forumdisplay.php?f=88)
-   -   هذا فراق ٍ ما ذكر مثله افراق (http://www.sahat-wadialali.com/vb/showthread.php?t=11877)

شوقب 10-07-2010 05:24 PM

هذا فراق ٍ ما ذكر مثله افراق
 

هذا فراق ٍ ما ذكر مثله افراق=إلا فراق الموت نهّاب الارواح
فرقا تحل اوزارها وانت مشتاق=يا كيف منها تقضي الوقت مرتاح
وشلون اسلّي خاطري كل ما ضاق=ما همني من جا قبالي ومن راح
فكري بعد من سكرة الحب ما فاق=مما تشوف العين ودعت الافراح
يوم الفراق اليوم وقف على ساق=ما بين مجروح ٍ وما بين جراح
دفنت في حضن الصبر عيد الاشواق=يمكن ظروف الصمت تسعى بالاصلاح
يلومني شخص ٍ من الوصل ما ذاق=ما يعتق المذبوح من عين ذبّاح
راع الهوى مجموعة أشواق واخلاق=يقوم من عثرات الاحباب لو طاح
لو تختلف عذب المشارب والاذواق=ما يلتفت للبارق الحي لا لاح
مشاعر الفرقا على بيض الاوراق=تصورت في ناظري مثل الاشباح


تحياتي،

محمد سعد دوبح 10-08-2010 08:37 PM

وشلون اسلّي خاطري كل ما ضـاق ما همني من جـا قبالـي ومـن راح
شوقب يعطيك العافيه وودي اقول :
من فارق الخلان ربي يعينه ــــــــ والله يعين اللي على الغبن صبار
تقبل مروري والله لايجيب الفراق للغالين ياغالي علي ودمت بود 0


الساعة الآن 06:50 PM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By Almuhajir