ساحات وادي العلي - ونورك شع في الصافح ينور لي كما الإتريك...

قال أبوأحمد ، عبدالرحمن بن عوضة

تصيِّرين .... ؟؟
يوم كنا نستقي .... تصيِّرين ..
يوم كنتي بالغنم ترعين ..
وآنا آتلمح فيك ... واخفي العين ..
ذاك الحين ..
شلّيتي .. بصوتك وارتفع ..
صحتي عليّه .. وما سِمعتْ
وآنا اسمعِك ..
وقلتي : يا عذابي ... ردّ الغنمْ
لا تِنْقِحِمْ في الحِشِرة ..
مثل قلبي .. ما انقحم ..
واكتوى بالحِسِرة ..

تصيِّرين .. ؟
يوم ضاعت هوشنا ..
وسرينا ندوِّر لها في الغِدِرة ..
في ذاك الضِّريبْ
ما فوقنا قمْرة وكنت باتريكي ..
أضوّح لك ..

تصيِّرين .. ؟
ولاّ غرَّتك السنين ..
وغيّرك الزمان ..
والاّ غربتنا كوتني .. وانجبرتي ..
وتندسين عن عيني ..
لا جيت من السفر ..
تندسِّينْ

******************

فردَّ عليه : عقيلي بن عبد الغني

تصيِّرين ..
يوم كنا نستقي ... ما العين ..

تصيِّرين .. يوم كنّا نرتوي ..
ما العين ..
وآطم .. وتطمين ..
نشرب ما الكُظامة ..
وتِعْطيني شيلتك
أشرب بها ..

تصيِّرين ..

يوم كنتي بالغنم ..
ترعين
وآنا المحْ فيك .. وارخي العين ..
ذاك الحين ..
وشليتي بذاك الصوت :
ياطرق الجبل ما احلاه ..
صدى صوتك .. في الشعبين..
والوادي ..
وصحتي لي .. وانا مذهول ..
وانا سارح في أحلامي ..
تقولي : الْحَقْ ..
آليك .. الحق .. رد الغنم ..
لا تنقِحِم في الشِّعب ..
وشِعْبكم محمي ..
وانا قلبي انقحم .. قبل الغنم ..
ولا تدرين ..

تصيِّرين ..
ولاّ نسيتي .. يوم ضاع الكبش ..
ذاك الطّلي الزين ..
سرينا ندوّر له ..
في الظَّلما ..
وما نبصِر ولا قُطْرة ..
وكنت بالكشّاف أنوِّر لِك
ونورك شعّ في الصافح ..
ينوّر لي كما الإتريك ..

تصيِّرين ..
يوم كنتي واردة للبِيْر
وانا ارقب لِك
غيرتي كانت عليك ..
حتى من القِرْبة ..
كم تمنيت احمل القِرْبة
وتنتسِمين ..
كم تمنيت احمل الحِزْمة ..
وتمتنعين
ما اسمع منك غير ..
الدَّفْعْ بي الدفع بي ..
تابيْنْ
تصيِّرين ..
يوم نتواعَدْ على المِسْراح ..
للوادي ..
ونِحْمي الطّير ..
ونشتوي في العشَّة ..
ونتشَوَّطْ ..
ونتمصمص قصَب حالي ..
وما نشدنا عن كلام الناس ..
وما علينا .. من أحد ..
يوم الأحد ..
يوم عيني سما اخلاقك ..
وعينك ترقب اِلْثَامِك
عسى ما ينكشف ..
لولك .. ومرجانك ..
ويوم السوق يوم الْحَد ..
يوم الخوخ والرمّان ..
والريحان والكادي ..
يجي لا حدّنا ..
عنْد الحِمى والطير ..
في العُشّة ...

وسافرتم وسافرنا ....!!
وكُلٌ راح في حاله ..

وانا ما انسى ..
ومن ينسى؟؟
كلام : الدفْع بي ..
وآنا حوى .. ولوا ..
وحتى كلمة امْتصّوك وامْتقّوك
من ينسى .. ومن ينسى .. ؟!

منقول .....