ساحات وادي العلي

ساحات وادي العلي (http://www.sahat-wadialali.com/vb/index.php)
-   ساحة الأدب الشعبي (http://www.sahat-wadialali.com/vb/forumdisplay.php?f=88)
-   -   اقلط تربع بالحشا حط مركاك (http://www.sahat-wadialali.com/vb/showthread.php?t=13869)

سعيد راشد 03-23-2011 07:37 PM

اقلط تربع بالحشا حط مركاك
 

[read]اقلطْ ترَبَّعْ بالحَشَا حُطْ مَرْكَاك[/read]

للشاعر: صالح المسعود

عز الله إنك يوم تقفي حلاياك=ما ارجي سوى وصلك وراحة معاليك
عيني تبي شوفـْتك دومن وتبغاك=وانته بعيدن ماتبي شوف باغيك
وصيتني واليوم ابذكر وصاياك=مااذكر سوى بالطيب طيفك وطاريك
اعرف ترى حالي بعد طول فرقاك=يرجي وصالك يا بَعَد روح مغليك
البارحه حاولت أعدّد مزاياك=واصبحت يومي ما بعد جبت ثلثيك
أتعب ليا من جيت ابفهم سواياك=وارتاح إلى شفته غرامي بعينيك
أفرح ليا شفتك تبسّمت وانصاك=ويضيق بالي من تروَح واناديك
لابان زولك في سماي ومحياك=انسى همومي واحتفل بك واقهويك
القلب دايم يغتفر لك خطاياك=واللوم والشرهه ترى دوم تخطيك
بالصوت اغني وارتجي له توحّاك=لا من طرَت لي بسمتك لي وخديك
اقلط تربّع بالحشا حط مركاك=هذا مكانك يانصيبي واراضيك
لا زلت اهذري بك وحالي ترجّاك=ترجع بعد طول الغياب وتواريك
ارجع ترى خلك يدور خفاياك=ارجع ولا تنسى وليفك وماضيك
ارجع ترى قلبي يعزّك ويهواك=ارجع ولا تنسى حلايا مباديك
ربي يسمّح لك دروبك ويرعاك=والله يعوّض في غرامي ويغنيك

محمد سعد دوبح 03-23-2011 10:43 PM

اقلط تربّـع بالحشـا حـط مركـاك
هذا مكانـك يانصيبـي واراضيـك
لا زلت اهذري بك وحالـي ترجّـاك
ترجع بعد طول الغيـاب وتواريـك
ارجع تـرى خلـك يـدور خفايـاك
ارجع ولا تنسى وليفـك وماضيـك
ارجع ترى قلبـي يعـزّك ويهـواك
ارجـع ولا تنسـى حلايـا مباديـك
ربي يسمّح لـك دروبـك ويرعـاك
والله يعوّض في غرامـي ويغنيـك

استاذنا الفاضل سعيد راشد الرائعون امثالك لاياتون الابماهو اروع فشكرا لك على نقل هذه الرائعه
للشاعر صالح المسعود التي جاءت على مافي الخاطر ولامست جوانب مهمه فلك مني الشكروالتقدير
تقبل مروري ودمت بصحة وسلااااامه ى0

نايف بن عوضه 03-27-2011 03:28 PM

يا منبع الابداع في ساحات وادينا
لك التحايا وشوقي لك يناجينا
ابو محمد 0 انت ابداع في ابداع وماذا اقول غير ذلك ان طرحت او اخترت انت رايع 00


الساعة الآن 01:53 PM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By Almuhajir