|
ديوان شاعر غامد الهيلا / مسفر بن جمعان الصفا
بسم الله الرحمن الرحيم السلام عليكم ورحمة الله وبركاته ايها الاحبة اضع بين ايديكم الديوان الشعري للشاعر الرائع المبدع / مسفر جمعان الصفا الغامدي والذي يحتوي كافة الاغراض الشعرية ولن ازيد في الكلام ولكن اترككم مع الديوان ولكم الحكم ولكم مني كل المودة والتقدير اخوكم / سعد سعيد الهميلي الغامدي |
يارب تغفر لي وترحمني ليامن قيل مات
يالله يامنزل تبــــارك والضحــــــى والـــــــذاريات = يامنزل التوراة والانجيل وكتاب الزبور انت العليم اللي على علمك ما تخفى الخافيات =يالمطلع في خاينة لاعين وما تخفي الصدور انت المجيب لمن دعاك العالم بكل اللغات =يا من حفظ يونس ببطن الحوت في قاع البحور ياربي انا اطلبك ياسامع جميع الدعوات = انت الرؤف انت الرحيم انت الودود انت الشكور يارب تغفر لي وترحمني ليامن قيل مات = وبعد القصور الشامخات امسيت في ضيق القبور وتبددت كل الاماني والامل والامنيات = وفاللحد مسكاني عقب ما كنت في عال القصور ورديت لي روحي وانا اسمع فالخطى اللمقفيات = عن قبري الموحش وانا رهينة تحت الصخور ما عاد تنفعني دموع عيون ناس باكيات = تبكي من افراقي وانا ما بين الالحاد محصور يارب ذكرني الثلاث اللي بقبري المنجيات = ذكرك وذكر محمد وديني على كل الامور سبحانك اللهم يا رحمان واطلب الثبات = واقبل معاذيري ولو ماني في الاصل معذور لاني جنيت من المعاصي والذنوب المهلكات = وانا اعرف ان اللي جنيته ذنب واثام وفجور ياما ارتكبت من الخطايا والذنوب الموبقات = وافرح بكسب الذنب واعيش به لذات وسرور لاني بشر واجهل وتغريني الامور المغريات = خلف الملذات اندفع وانساق والدنيا غرور لو ماني من اهل الرشاوي والدعاوي الكاذبات = ولا اجمع اموال الربا ولا اشهد بظلم وزور ولا اسير في طرقة ضعيفين النفوس التافهات = ولا من ادعاة الظلال اهل التبرج والسفور ولا ني من اقلال الرشاد مروجين المسكرات = اللي يجمّعهم ظلام الليل باوكار الخمور لكني اخشى من الذنوب اللي بعيني محقرات = مسجلات في سجلي من قديمات العصور ولا عاد ينفعني التندم بعد ما يفوت الفوات = لكني ارجي عفوك ورحمتك يالرب الغفور واسألك تغفر لي ذنوبي فالسنين الماضيات = وتظلني في ظل عرشك يالولي يوم النشور وتدخلني الجنات يامنشي النصوب الممطرات = وبجاه وجهك استجيرك من لهب نار تفور |
وصلى الله وسلم على سيد الناس = نبينا اللي بعث باعظم رساله
صلى الله وسلم علي سيد الناس =اعظم نبي بعث باعظم رساله نبينا اللي بعث بالدين نبراس = ومزق فلول اهل الجهل والظلاله وقضى على اهل الشرك شرابة الكاس = وتحقق إله النصر في كل حاله من ام القرى جابت سراياه الاطعاس = وتهربة كل الامم من قتاله مجاهد ما حل في قلبه الياس = ومع التقى والعلم عزم وشكاله بالدين والحكمه تنومس تنوماس = وعلى يديه اشرق صباح العداله ارسله ربي رحمه إلكل الاجناس = وبقدرة القادر تحقق اماله ما نام قلبه لو دخل عينه انعاس = متعلق باللي عظيم جلاله دينه دوى لمن صابه ارهاق وسواس = به يطمئن قلبه ويرتاح باله قرناس لامره يمتثل كل قرناس = ومن حاد عن ملته ياشين فاله يادولة الدنمرك يادار الانجاس = يامصدر الالحاد واهل الرذاله مهما نشرتوا من رسوم بقرطاس = ومهما كتبتوا حولها من مقاله تبقون فالعالم دنيين وخساس =وما تخدشون بسمعته يالحثاله ومصيركم بعد التكبر بالافلاس =والله ما تسوون وطيت نعاله حنا هل الاسلام بقلوبنا احساس = ونجاهد الطاغي بعزم وبساله نبينا ما انطيع به هرج الادناس = ورسومكم ما اتمرنا بالسهاله نفديه بالارواح وبكل الانفاس = واعراضنا من دون عرضه فداله خير الهدي ما جابه بكل مجلاس = وعطر الكلام اللي بذكره جزاله شفيعنا في يوم الارياق يباس = كامل ولا مخلوق يبلغ كماله وصلى الله وسلم على سيد الناس = نبينا اللي بعث باعظم رساله |
حنا بهذا الكـون حنـا الفريديـن=ولا يطبق الشرع المطهّـر سوانـا
يالله نطلب عونـك اليـوم يامعيـن =ياربنـا اللـي مـا لغيـرك لجانـا لك نلتجي يا خالق ادم مـن الطيـن=وحنـا بهديـك يـالإلاه اهتـدانـا نلوذبك من شـر كيـد الشياطيـن=وبجـاه وجهـك لا تخيّـب رجانـا وخـلاف هـذا فالقصايـد مثاميـن=وجزل الكلام اللـي بذكـره بدانـا روابـع تزهـى بكـل المضاميـن=واختار منهـا النـادرات السمانـا واتابع التاريـخ واقـرا العناويـن=وابحث حقيقـة واقـع بـه قرانـا واستنتج الاحداث من بين قوسيـن=وشفت الخيانه من قديـم الزمـان من مبتدا الاسلام لا وقـت ذالحيـن=واهل النفاق بصفنـا ومـن ورانـا زعيمهم نسـل اليهـود الملاعيـن=ابن سبـا اللـي مستحـق اللعانـا منافق له مع هـل الديـن وجهيـن=وحنا بحقيقـة مـا يخفـي درانـا بعهد النبي في معركة بدر وحنيـن=حاول عـدو الديـن يوهـن قوانـا وفي موقعة خيبر بدا منـه تابيـن=نوى المكيـده ميـر ربـي كفانـا وعن مقتل الفاروق ما احنا بناسين=وعثمان ابن عفـان لا مـا نسانـا واشعال نار الحرب في يوم صفيـن=بين الصحابه والسبـب مـا خفانـا فتن سببها من اليهـود الخسيسيـن=تزرع مكايدهـم بـروس اسفهانـا وبداية الشيعه على المذهب الشيـن=بتبع اليهـود وغدرنـا فـي قفانـا روافـض وخــوارج مستذلـيـن=ومصيرهـم دار الفنـا والمهـانـا من معتقدهم يضحكـون البزاريـن=كذب وخرافـات وفجـور وهوانـا من ماضي الاحداث شفنا الردييـن=ومواقف الشيعه بصـف اخصمانـا بمساعدتهـم للتتـر والصليبـيـن=وحرب امة الاسلام في كـل آوانـا ومع صلاح الدين في يـوم حطيـن=بانت نوايـا غدرهـم فـي نحانـا مضت سنين وبعدها تاتـي سنيـن=وهم الـد اخصـام واكبـر اعدانـا هذا الصحيـح وثابـت بالدواويـن=ومراجـع التاريـخ فيهـا البيانـا والحمد للي عـز بمعـزي الديـن=وبمذهـب السنـه رفعنـا لـوانـا عبدالعزيز اللـي يقـود السلاطيـن=ليث الليـوث اللـي بحبـه نشانـا حـرر جزيرتنـا بعـزم وبراهيـن=واشرق ضيا نوره بظلمـة دجانـا جمع بها شمل الربـوع الشتيتيـن=ومـن التشـرد ضمنـا واحتوانـا فرز الوغى مسق العـداة الامريـن=العاهـل اللـي فـي ذراه اتقـانـا ترجح بوقفاتـه جميـع الموازيـن=وليا رسى في كـل موقـف رسانـا ارسـى قواعدهـا بجهـد وتمكيـن=دستورها الشرع الحنيف المصانـا يحكم بشـرع الله فالعسـر والليـن=وبالعدل والانصـاف يحكـم قضانـا ندعوا وتدعو له جمـوع المصليـن=عسى لـه بجنـات طوبـى مكانـا ومن بعده عياله على العدل ما شين=ساروا على نهجه وحـازوا رضانـا سعود مع فيصـل وخالـد مياميـن=وفهـد عسـى مسكانهـم فالجنانـا ندعوا لهـم رب الحجيـج الملبيـن=الله يرحمهـم ويجـبـر عـزانـا واليـوم قايدنـا حبيـب الملاييـن=بو متعب الفـارس طويـل اليمانـا من سطوته تهـاب كـل المعاديـن=ومن هيبتـه يهابنـا مـن شنانـا سياسي محنـك وزيـزوم وذهيـن=وعن ما يعز امر امته مـا يتوانـا تشهـد بوقفاتـه قضيـة فلسطيـن=يبـذل لهـم جهـده بسـر وعلانـا ويشهد بطيبه من يـزور الحرميـن=انجاز شبه اعجـاز ومـن وامانـا مفاخـر بإجلالهـا تبهـر العـيـن=وما احد بياصل فالرقـي مستوانـا وعم التقدم فـي جميـع المياديـن=ومن ناطحات السحب يامـا بنانـا نهضه عظيمه باسمهـا مستطيليـن=ونرقى سنام المجـد لامـن رقانـا وصارت صحاريها مروج وبساتيـن=وبالجهد والحكمه كسبنـا الرهانـا هذي بلاد العـز وارض العزيزيـن=ولا دنـس الالحـاد طاهـر ثرانـا ما استعمرت يوم العرب مستحليـن=مصيونة فـي ظلنـا وفـي حمانـا وحنا بهذا الكـون حنـا الفريديـن=ولا يطبق الشرع المطهّـر سوانـا ولا حسبنـا الحاسديـن الحقوديـن=خبول تبي بالغـدر تشقـر عصانـا شلات غدر من العـدى مستغليـن=من اليهود ومـن حكومـة ايرانـا حوثـي وتباعـه خبـول وذليليـن=ومن غدرهم واخداعهم مـا شكانـا من زمرته كم عندنا من مساجيـن=وكم اكتووا حناشلـه مـن لظانـا ومصيرنا نلقنهـم الـدرس تلقيـن=ونطحن جماجمهم بحومـة رحانـا بجيش يهز الارض مثـل البراكيـن=وتزلـزل افواجـه قلـوب اقبلانـا جيش السعود اللي للامجاد ضاريـن=وبين الـدول يشـار لـه بالبنانا ليا ثارت الهيجـا موايقفـه تبيـن=وتتهرب جيوش العدى مـن لقاننا ياما كسرنا فاللقـا مـن خصيميـن=وياما على روس الاعادي وطانا عدواننا نجزاهم الصـاع صاعيـن=ومن دمهم نروي صفيـح السنانـا عده وعتاد وروس قـوم شجيعيـن=ونـذر بعيـون المعـادي دوانــا وحنا ليا غرنا على القـوم صلفيـن=وروس الجبـال نهدهـا لا ارتكانـا فوارس وقـت الطلـب مستعديـن=دون الوطن وحمى الوطنا ما انتوانا بر وبحـر والجـو فيـه المضليـن=قوات تحمي ارضنـا مـع سمانـا ليا حلقوا فالجـو مثـل الشياهيـن=منهم شجاع القـوم يصبـح جبانـا مطوقيـن الحـد مثـل السراحيـن=من البحر الاحمر لا ضواحي عمانـا نمّن جميع حدودنا يسـار ويميـن=ومع حدنـا نمّـن حـدود احددانـا دون الوطن وامن الوطن مستميتين=ونبين بوجيه العـدى مـا اختبانـا مجاهديـن وبالولـي مستعينـيـن=وما خـاب عبـد بـالإلاه استعانـا على الشهاده نغبط اللـي شهيديـن=هي غاية المطلوب واقصـى منانـا وحنا جنـود الله وبـه مستعزيـن=ومكه وطيبـه وامنـه فـي ذرانـا على النصر والا الشهاده حريصيـن=وما احد بيلحق في المواقف مدانـا ومن نبا يلقـى الرجـال الموفيـن=وكم واحد لا ضـده الوقـت جانـا يلقى المكارم والزحـول الكريميـن=وصدق الكلام اللي عليـه الضمانـا وان كانها بالحلـم حنـا الحليميـن=وكم واحـد زلّـت قدمـه وعفانـا نعليّ النظر ونقابل الشيـن بالزيـن=علم على قول وفعـل مـا ادعانـا وعن غامد الهيلا القـروم الوفييـن=نذيـع الـولا لملوكنـا واومرانـا في ظل ابو متعب سعوط المجانيـن=ويبشر بنا وقـت الطلـب لا دعانـا من حيث ما يمضي بنا معه ما ضين=نحيا ونمـوت و مـا تغيّـر وفانـا اسود غـاب وفالمعـارك عطيبيـن=نرقـى سنـود وبالمعالـي زمانـا وبالفضل لاهل الفضل دائم مدانيـن=ونكـرم وتكـرم بالكـارم لحـانـا وصلاة ربي عـد نبـت الرياحيـن=على الـذي انـزل عليـه القرانـا نبينـا اللـي بيّـن الحـق تبييـن=وباسمه يذاع بكـل فـرض الاذانـا |
صقر العروبه
يا قصيدي والقصائد فالمواقيف محسوبه = ترفع اسم الشاعر اللي عن نقايضها حفلها هات من جزل القصيد العذب لا هبت هبوبه = القرائح به تهيض وتنتقي صفوة سبلها شاعر واحمل مشاعر صادقه ماهي كذوبه = من جنيهات الهجوس اصرف ذهب ما اصرف هللها باني جدار القصيد الجزل طوبه فوق طوبه = والروابع شمّرت عن عزمها والغت كسلها الشوارد تنعسف لو في محايلها صعوبه = وانتقيها مثل ما ينقى النحل صافي عسلها لان موقفها جليل وباسم ابو متعب وجوبه = عند من تعقد به الاشوار والاخرى فتلها عند عبدالله عسى الله للهدى يوفق دروبه = ويحفظه للامّه اللي ظمّها وجمّع شملها الزعيم العادل اللي كل الاسلام احتموبه = تحت ظله ظلل قيادات وشعوب باهلها الدول لا نبها علم ترد العلم صوبه = والبشر تعقد املها به قبل قادة دولها من لها غيره يذريها ذراه ويلتجوبه = وتستظل بظلّه وعنها المتاعب يحتملها من هو الاسم الذي غير اسمه الشهم اهتفوبه = تنتخي به من تخوم سهولها لاعلى جبلها دمت يالغيث المغيث اللي تزبر في نصوبه = مزنه تسوق الفرج والخير في مقدم نفلها قائد ما همه الا راحت وعزة شعوبه = دونها يضحي بما يملك ويتحمل جللها ما اهتنى فالنوم يوم المخاليق اهتنوبه = ساهر يرعى مصالحها وفي جاله كفلها لأجهم الوقت النكيد ودق طبله في حروبه = له مراميع بعيده ما حد غيره وصلها يحتميها من التشرد والتفرق كل نوبه = ولا يتقدم للحمول الكائدات الا جملها يشهد إله الكون كله من شروقه لا غروبه = بان ما مثله زعيم لا نطق كلمه عقلها لا وقف وقفته من كل السلاطين مهيوبه = وكل ما مالت موازين القوى بامره عدلها بالكرم لاهل المكارم ينفق اللي في جيوبه = لو ما يملك سوى روحه لطالبها وبذلها وان دعى الموقف وزند الحرب ولعها شبوبه = للعدى مسرج ظهور الخيل وسيوفه صقلها السياسه والفراسه ظمّها في كم ثوبه = والخصوم اللي تروم المجد من دونه فصلها من شهامته العفو مقدّمه قبل العقوبه = والعقول ام الجهاله ما يؤاخذها بجهلها هذا هو رجل السلام اللي لوقفاته عجوبه = للعلا دامت حياته والله يطول اجلها والله عن الدين واهل الدين يجزاه المثوبه = ويكتب إله النصر في كل الدروب اللي بتلها فيه شعري يستفيض ويرتوي منه العذوبه = والروابع له تزوع وصعبها يسابق سهلها وقبل ما انهيها بازف من التهاني له ذهوبه = باقة عبيرها مسك الخزامى مع نفلها من روائع شاعر من طيبها ذعذع طيوبه = قلتها واقولها واقول للهوجاس قلها عاد عيدك بالسعد والخير ياصقر العروبه = انت قايدها ورايدها وسيدها واملها عاد عيدك . عيدك اللي كل الامّه عيدوبه = تقتدي بك لامّه اللي ما لقت غيرك بطلها والسلام ورحمة الله عد خط في كتوبه = من مشاعر شاعر من فرحة العيد ارتجلها |
ملحمة غـــامـــد الهيلا
بديت باســــــــم الخالــــق الرحمانــي = مــــــنزل الاعــــــــراف والعمــــــــــراني الواحــــــــــد اللي لا إلاه غــــــــــيره = دايــــــم وغــــــــــــيره كل شــــــي فاني عالم بما تخفي هجـــــــوس الهاجس = ومقــــــــــدر ما كان لو ما كاني يجازي المذنـــــب بقــــــدر ذنــــــوبه = والـــــــــــتايب إجــــــــازيه بالغـــــفراني الواحد اللي رحمــــــته قد وسعــــــت = ما قد خـــــــلق من الانــــس ومن الجاني اطلبه يلطف بي ويرحــــــــــــم حالي = لا مــــــــنها لفــــــــت بـــــي الاكــــــفاني واسأله يغـــــــفر زلتـــــي وذنــــوبي = في موقــــــــف به لادامـــــي عـــــرياني اليا نفــــــــخ فالصــــــــور اخر نفخه = ونصـــــب الســــــــــراط وقرّب الميزاني يوم اجـــــــــتماع الخلق يوم المحشر = يــــــوم يشـــــــــيّب هـــــــــــوله الغراني اليا نـــــــزع من كل مالك مـــــــــلكه = وبقــــــــي الامــــــــر للواحــــــــد الدياني وصــــــاروا فريقـــــــــــين بليا ثالث = خــــلـــــود بجــــــــــنات او نـــــــــــيراني ياربي انا اطلــــــــــبك تعفــــــو عني = واســـــــالك الغـفــــران والرضـــــــــواني اغفر لــــــي وللمسلمين اخـــــــواني = وإلطـــــــف بــــنا يا مكـــــــــوّّن الاكواني وخـــــــــــــلاف هذا للهجوس مسبب = كلمه وهـــــــــــزّة شعـــــــــــري وّجداني محـــــــاوره سمعـــــتها واتعجـــــــب = من بو جمــــــــــــــــيل ومعه شاعر ثاني بدبـــــــــــها ابو جمـــــــيل مغـــــني = على البحـــــــــر والــــــــــوزن والالحاني يقـــــــول فيها انت جـــــــار الغامدي = والغامــــــــــدي ياصاحبـــــــــــي قوماني لكن لابس ثــــــــــوب ماهــــــو ثوبه = وان كان ما تفــــــهم فانا الفهـــــــــــماني لحـــــق قبيــــــــله كامـــــــله باكملها = تقــــــــول في عقـــــــــــــله خلل وجناني حقـــــــيقه ان هــــــذا الكلام اغضبني= وبقـــــــــــيت من دوافــــــــــــعه زعلاني كلــــــــمه بلـــــيا داعـــــي يدعـــــيها = فاظـــــــــة بلا معـــــــــــــنى ولا عنواني ثارة بي الغـــــيره على شـــــــــاعرها = لانــــــــــــــها ما جـــــــــــت مع البيباني ولو ان فالمــــيقاف شــــــاعر غامدي = ان كان عن بـــــــــدع المـــــــــثل كفاني ولوانها من شــــــــاعر ما يحســــــب = واللـــه ما احــــــــــــرّك بالقصيد الساني ولا التفـــــــــت صوبه ولا اسمع علمه= واحــــــــــط كلماته تحــــــــــــت حذياني لكـــــنها من شــــاعــــــــر له وزنـــه = ابو جمـــــــــيل معــــــــــــــــرب الجداني من شاعــــــر مواقــــــفه معــــــروفه = تطــــــــــــــــــرب لسمع اشـعاره الاذاني شاعر وشيخ وفالمــــــواقف فـــارس = وشـــــــــرواه ما ينصــــــــــــاع للداداني شاعـــــــر ما يبـــــدي بالكلام الذارف = مــــــــــــثل ابن عــون ومحسن الهزاني وابن ربــــــيعه والقـــــــــثامي مخلد = وبنــــــــــدر ابن سرور و الوقـــــــــداني وكم غيرهم من الرجـــــال اهل الشيم = شعار وزحـــــول وطـــــــــــــــوال ايماني ما لحقــــــــوا الغــــــياب في منطقهم = وقصـــــيدهم مــــن غــــــــــالي الاثماني فان كانــــــها كـــــبوة جـــــواد وعدة = مســـــــــموح فيها يارفـــــــــــيع الشاني ما نواخــــــــذ العـــــــقال باول غلطه = نــــــــــــــزل عنها ونرفــــــــــع النيشاني وان كانها على الهـــــــدف مقصـوده = فقدامـــــــــــك المـــــــــــــيداني يحميداني با اعلمك من هــــــــم قبايل غــــــامد = في ما مضـــــــــــى او حاضــــر الازماني غامد قبل الاســـــــــلام اصل ومنسب = اخـــــــبارهم ســـــــــــــارت بها الركباني غامد هل الهــــــــيلا وساس الهــــيلا = اســــــــــــــــم بــداه الحـــــــــاكم اليماني اطلــــــقه يوم الوقــــــــفه المشهوره = ومثبــــــــته فالمعجــــــــــــــــم الصنعاني الجــــــد الاول بالنســـــب مــــــــوثق = عمــــــــر ابن عــــــــــــبدالله ابن كهلاني مكتــــوب ومــــــدون بكــــتب السيره = ثابــــــــــــت الى يعــــــــرب ابن قحطاني وبلاد غـــــــــــامد بالحـــــــدود مثبته = حقــــــــــيقة ما جــــــــــــــــا لها نكراني من الشـــــمال ارض البقــــــوم تحدنا = مــــــع ارض بالحـــــــــاث ومع زهراني ويحدنا من الشـــــرق سبيع مع اكلب = وصــــوب الجــــــــنوب خثعم لنا جيراني وزهران صـــــــــوب الغرب حد ثابت = حـــــــــــدود مرســــــــــــومه وعلم باني هــــــــــــذي حدود الارض يا جاهلها = واما الفعــــــــــول يجـــــــــــي لها تبياني حــــــــــنا لنا وقــــــــــفاتنا المشهوده= نقـــــــــــــود الجموع ونمــــــــن الحداني ونكـــــــــرّم اللي للمـــــكارم نــــاوي = ونحشّّـــــــــــم الجـــــــيران والظيفـــــاني من ضافنا بالجود نكـــــــــــرم شاربه = يلقى الكـــــــــــرم والطـــــيب والسفطاني نــــــــبداه بالــــترحيب قـــــــبل يسلم = طبيـــــــــــــــعة للغـــــــــامدي عــــنواني وعاداتـــــــنا بين المـــــــــلا محموده = وانجـــــــــازي الاحســـــــــان بالاحساني واليا شكا الضيــــــــــم ونصانا زابن = يبشـــــــــــر بقــــــــــيف يـحتمون العاني مبدا الدخـــــــــــل والملزمه من غامد = بالعـــــــــــزم والاصـــــــــرار والقرعاني دخــــــيلنا نمـــــــنه بين اخصــــــامه = ونظــــلله في ظلــــــــــــنا ما يهـــــــــاني واللي تعـــــــــــدى فالمواقـــــف حدّه = ناســــــمه بالميســـــــم على الحجــــــاني جـــزا له وردع بعــــــــــد لامــــــثاله = لأخــــطا الدلــــــــيل وكشـــــّر النيــــباني وان ثارة الهيجــــــا ودعــــى داعيها = وتنكبــــــــــــوا البنــــدق على الامــــتاني حنا هـــل الوقفات واهـــــــل الشيمه = وقــــــــت اللــــزوم ونطـــــــحة العدواني لطامـــــــــة العـــــــايل كعام المعتدي = ليا قــــــــــرّب المقــــــــبس من الصواني وجـــــــيراننا مــــنا ما لقــــــيوا زلّه = ندرا بهــــــــــــم مـــــــــــــــن اية الابداني ولا جــــهلنا يـــوم كل جــــــــاهــــــل = ولا نقـــــــــــبل العــــــــــالات والحقراني ويوم اللــه ارســــــــــل للعباد محـمد = وانـــــــزل علــــــــــــيه الوحي والفرقاني جا وفد غامــــد فالسنه العاشــــــــره = بالحـــــــــــد والتحــــــــــديد في رمضاني الى رسول اللــه وهـــــــــو في مكـه = يرفـــــــــع لواء الاســـــــــــــلام والإماني وصرنا ظمن جيشه وظمن اصحابــه = نــــــروي الحــــــديث ونـــــــتلوا القـراني ونجاهد اهل الشرك ونحــــــــاربهــم = ونحطّــــــــــــــم الاصـــــــــنام والاوثــاني وبعده مع ابو بكر بحــــــرب الـــرده =ســـــــارة جحــــــــافلنا الى نجـــــــــــراني نجـــــــاهد المرتد عن ديــن الـلـــــه = ونحــــــارب اهــــــــــــل الكفر و الطغياني وفالقادسيه قـيف غــــــــامــد حاضـر = ويحـــــــــمل لوانا الاعــــــــرج الضبياني ومنا الامام بـشير شــــــيخ البصـــره = شــــــــــهيدنا في ملتـــــــــــقى اصفهاني وجنــــدب ابـن كعـــب الفقيه الفـارس = اللــــــــي بســــيفه جـــــــــــندل الكهاني وابن اخـــــــوه اللي تغــــــــمّد سيفــه = وفـــــك اســـــــــر عمه واهلك السجاني ومنا الحــــــكم وصخر وروح ومدرك = وجـــــندب ابن عــــــبدالله وسفـــــــياني صحــــابة مــــــــنّا يجـــــمّل صيتهــم = وبذكـــــرهـــم جـــــــــزل القصيد اغراني وحــــــنا ليامـــــنه دعــــانا الموقــف = نرســــــي كما يرســـــــــي جبل عيساني عشنا كرام نفـــــــــوس من ماضينــا = ولا سلـــــــــبنا رعـــــــية الرعـــــــــياني شهامـــــــة عن غــــــيرنا تمــــيزنــا = يشـــــــــــهد بها القاصـــــــي لنا والداني ولا نعــــــتدي فالمعـــــتدي ما يربــح = في اغلــــــــــب امــــــوره هو الخسراني لكـــــــن ليـــا منّه غـــــــزانا غـــازي = نكســـــــر شموخه كســـــــــرت العيداني وحـــــــنا لحكـــــم الترك ما استسلمنا = ويثـــبت كلامــــــي موقـــــــــعة رغداني يوم التقيناهـــــــــم بخشـــــوم البندق = وراحـــــــت جنايزهـــــــــــم كما الكثباني جا كســـــــرهم على يدين الغـــــــــمّد = وعــــــادوا على العــــــــقاب بالخسراني هـــــذي حــــــــقايق بالدلـــــيل مثبته = في كتــــــــب ابن نعـــــــــــــيم والداراني والواقــــــدي وابن سعــــــد دونـــــها = وابن الجـــــــــــــلال خصص لها ديواني ومحمد الجــــــــاسر اشـــــــار الــيها = وما ذكـــــر فالمجــــــــــــــــتازما يخفاني وان كان عندك شـــــــــــــك فيما قلته = ســــــال الجعـــــــــــيدي واسأل الشيباني ربعك ويعطــــــــونك خـــبر لو موجز = عن ما حصـــــــــل في سالف العيماني وسال العــــــــــوارف من كبار عتيبه = وتلقــــــــــــى الكلام اللي على برهــــاني عتــــــــيبه اللي طيــــــــبهم نشهد به = ونعـــــــــم بكــــــــــــم يا لابة العتــــباني قبـــــــــيلة تاريخـــــــــــها ينصــــفها = غنـــــــــــــية عن مدحــــــــــــي وقيفاني لكن واجبـــــــــهم علـــــــــيّ امدحهم = مدح يلــــــــــيق بهـــــــــم على الاوزاني بدت بحلـــــــــف بين روق وبرقـــــــا = بقـــــــــــيادة ابن حمــــــــــيد والربيعاني وعلّــــــــــت على روس القمم رايتها = زحـــــــول قـــــــــــــــوم وفاللقا فرساني راياتها بالعـــــــز دايـــــــــم عـــــاليه = وترسي في الموقـــــــــــف كما الضلعاني وحــــنا وعتيبه ما تزعزع صـــــفــنا = ولا نســـــــــــتمع في هرجــــــــة الفتاني اصــــل العــــــروبه والشرف يجمعنا = وصرنا في الشـــــــــــرع الحنيف اخواني واليـــوم حــــــــنا يالزلامي وانـــــتم = في ظـــــــــــل هيـــــــــــبة قايد الاوطاني في حكم ابو متعب عسى الله يحفــظه = ويحفــــــظ لنا نايف مــــــــــــــع سلطاني ملـــــوكنا اللي نلتجـــــــــي في ظلهم = من دوننا ما صــــــــــــــكّوا البيــــــــباني في ظلهـــــم نعيــــــش بافضــل نعمه = في نعـــــمة الامــــــــــن مــــــــع الإماني في ظلــــهم كل القــــــــــبايل هــــــيلا = من طــــــــــارفة عرعـــــــر الى جيزاني ومن حـــــد الاردن في شمال المملكه = الى حــــــــــــــــدها مع ســــلطنة عماني نجـــــــدد لهم في كل وقــــــت البيعه = مشايـــــــــخ وشــــــــــــــــيب مع شباني ونعلــــــــــــن لهم منا الولا والطاعه = ونقـــــــر لهــــم بالشكــــر والعـــــــرفاني والله ينصـــــــرهم وينصـــــر دينهم = على جمـــــــــــيع الخــــــــــلق والادياني واللــه يرحــــــم من جمــــــع وحدتنا = اللي بســـــــــيفه جـــــــــــندل الشجعاني عبدالعــــــزيز اللــــي رفـــــــع رايتنا = وتشــــــــهد بطـــــــــيب افعوله العرباني شــــيّد لنا مجــــــــد عظــــيم باهــــر = مفاخـــــــــــره بنـــــــــيت على السيساني كم من زحــــــول وقفــــــوا في دربه = على جـــــــــــثثهم حــــــــــــامة الغرباني غـــــدّا الكـــــــواسر فالضحى قادتهم = واتباعـــــــــــــهم عشــــــــاهم السرحاني بالعـــــــزم والتصميم مـا جــــــا مثله = ليث فعــــــــــــــوله تذهـــــــــــل الاذهاني ضحى بروحــــــــــه دون حكم اجداده = واستل بســـــــــــــيفه راس ابن عجلاني ورفع علمها فـــــــوق قصر المصمك = اشـــــــــعاره النخــــــــــــله مع السيفاني ندعــــوا له اللــه يرحـــــــــمه ويثيبه = وعسى له بجـــــــنة عــــــــــدن مسكاني وتم الكلام النسجـــــــــت احـــــــروفه = بالمســـــــك واليشـــــــــــموم والريحاني مبرهـــــــــن مدلــوله و مفهـــــومه = ومزخــــــــرفه باللـــــــول والمرجــــــاني واللي يخالــــــــف علمـــي ومضمونه = ويجــــــــي بعلــــــــــم ثابــــــت الاركاني علم على قــــــول وفـــــــعل ومبرهن = ما هو بقــــــول افــــــــلان والا افــــلاني انا مــــــــعه والشـــــــك عـــنا زايــــل= وعــــــــــذري عن التقصـــير والنقصاني واللــه رفــــــع عن عــــــبده الملامه = فالسهــــــــو مع الشـــــــــك والنســياني وعلم بلا برهـــــــــان ما احســــب له = ولا يحــــــــــرّك كــــــــفة المــــــــــيزاني ورفعـــــــــــــت نيشان القصيد وقدره = ولا نـــــي بدانــــــي به مع اللي دانــــــي يشوقني بــــدع المـــــــثل واطرب له = وانقى من اجـــــــــــزال الهجوس اسماني وانا مع ربعي واعرف حقوقي = ولا حدن عن ماقفي عداني وافخـــــر بخــــــــدمة قادتي وبلادي = لو ما اكل إلا مــــــــن لحــــــم ذرعــــــاني ماني كما اللي فالغـــــــــــنى يشريها = ويبـــــــيعها لا مــــن غــــــدا جــــــــيعاني اضحــــــــي بمملك من اجــــل ابلادي = واقــــــــــولها في ســــــــــــر وإلا علاني وابا انهـــــــي الكلـــــمه كما مبداهــا = باســـــــــم الإه الخالــــــــق الرحــــــماني وصلى الله الباري صــــــــــلاة دائمه = على النبـــــــــي فالـــــــــــبدع والختماني عــــــــدد ايات اللـه ومخـــــــــلوقاته = وعـــــدد ما ناض البـــــــــــــرق بلامزاني |
مجاره من الشاعر الكبير / عمير بن حزام الغامدي /لقصيدة ملحمة غامد الهيلا
باسم الله الهادي رفيع الشاني = جل جلاله مخزي الشيطاني الشاعر الكبير / عمير بن حزام الغامدييارب تسمع لي وتغفر ذنبي = وثبت على القول السليم الساني نسألك ياربي رضاك وعفوك = لا بلغت الاغلال للاذقاني اكتب لنا فوزا بجنّة طوبى = وانهارها والروح والريحاني يارب تكفينا شرور انفسنا = ثم اكفنا من فتنة الفتاني والشعر جاء دوره وجاء مقدوره = وخيّل سحابه وامطر الوداني واجب لنا رد الثناء لاهل الثناء = قرار ثابت ما يبي نكراني ولا دعاني للقصيد ونظمه = الا الكلام اللي سمعت وجاني سمعت ليّه ملحمه شعريه = وتحركت معها جميع اشجاني وسألت ابي علم الثقات وقولهم = لان الكلام اللي حصل يعناني قالو بطلها شاعر من غامد = واسم البطل مسفر ولد جمعاني مئه وثلاثين عدد ابياتها = بالعدّ والترتيب والا تقاني معلقات الشعر سبع حسابها = والثامنه ما نظمه سفراني فيها بنيات الفكر وظفها = ولا شفت فيها شطر بيت داني ما قدّم الا دسمة من دسمه = كل المعاني طيبه وسماني اراهن النقاد تلقى ثغره = على قصيده قالها صفياني اللي خدم ربعه بقول طيب = مدان له بالشكر والعرفاني من حقي التوضيح عن شاعرها = بالاصل والجدان والعداني الاصل من غامد وجده حلّي = والاسم والشهره من الصفياني الله يبيض وجه من ذا قوله = وتنشر له البيضا على الشفياني ما دام هذا شاعر من ربعي = فالرمح رمحي والسنان إسناني لي الشرف يوم افتخر في مثله = والراس تحمي دونه الامتاني من لابة تحمى الدخيل وتمنه = في سابق الازمان والعيماني تشهد بماقفهم رسوما بينه = وعادات ما غابت عن الاذهاني ابو مدرج في ثوار مسمى = وجدعان وايضا هضبة العكفاني رسوم لها تاريخ وإلها سيره = ثبات ما يبغي لها جحداني وتراك شاعر قيف غامد لاول = اقولها وكل ابلج وفاني والعفو يا شاعر قبيلة غامد = اقبل معاذيري على نقصاني وباسم الله اختمها كما مبداها = وصلوا على سيّد ولد عدناني |
صامل الشور
سلام يا محمد سلام به ازهور = من الولا والود والاحترامي تسليمة تفوح باورود وعطور = لك يالكريم ابن الملوك الكرامي وما جور ياراع النواميس ماجور = الله يجيرك يارفيع المقامي يامساعد الوزير يا صامل الشور = يابن الامير ويا حفيد الامامي حفيد من اشرق مع اشراقه النور = وقضى على روس الجهل والاثامي وجمع بها شمل مشتت ومنثور = واسقى بدم اعداه عروق الضوامي على النضا باج الجلاميد والبور = لين اذعنت لرضاه شرق وشامي وزال الجهل والغش والظلم والجور = وسطع بها نوره وزال الظلامي واصبح عليها بيرق العز منشور = ورقت سنام المجد والحظ قامي ومن بعده عياله لهم بالرقي دور = قادوا مسيرتها بكل اهتمامي جدوا وجادوا ما حصل منهم قّصور = وصارت حضارتها على مايرام تحكم بشرع الله والدين معمور = بمنهج السنه دعاة السلامي فيها المواطن مستريح ومسرور = ويعطى حقوقه ما يبي له محامي واعود بالمعنى على وزن وبحور = لمحمد ابن نايف زعيم الاسامي صاحب سمو بكل ميقاف منصور = مطوع العاصي بحد الحسامي سيفه على روس المعادين مسطور = ويخلف مرام مخالفين المرامي صقر شهر للعز من ماكر صقور = نادر حرار صيرمي عصامي بالطيب والناموس والعدل مشهور = سليل مجد من خوال وعمامي لا كبرت الاحداث يرسي كما الطور = وموقفه عن كل المواقيف زامي على جهات الامن له دور وحضور = بامره وتوجيه يدوم النظامي ولمحاربة الارهاب جنّد له نّمور = زحول الرجال اهل والوفا والتمامي اشاوس وقت المهمات ما تبور = يصخون بالارواح يوم الزحامي وحنا سمعنا علم مكتوب بسطور = في ليلة الجمعه بشهر الصيامي فعل دهانا عبر الاعلام منشور = اقدم به النذل الحقير الحرامي لا هو بلاصاحي ولا هو بمخمور = ناكر جميل وذي صفات اللئامي قليل دين ورشد تايه ومغرور = والله جعل كيده بنحره وهامي الجسم راح اوصال والعظم مكسور = وعساه في نار تذيب العظامي مثواه نار تصطلي وسط تنور = ومن الندم يعض راس البهامي وانا باسم غامد ضيا كل ديجور = نعلن ولانا مع جميع الانامي نجدد البيعه لكم سر وجهور = ومن حبكم نلبس وشاح وسامي ونشجب ونستنكر وذالفعل منكور = وتستنكره كل الرجال الفهامي ونقولها من صادق احساس وشعور = إلشلة الارهاب حان الصرامي لابد ما نقضي على شلة الزور = ونطمس مخادعهم بجحور العدامي ونبيد شجرتهم من غصون وجذور = ونفصل خطرهم مثل فصل السيامي وانا ببدع القاف ماني بمعذور = واجب عليّ مفروض ماني بكامي روابع تجوش بالصدر وتفور = وثعولها مثل السحاب الركامي وماجور ياراع النواميس ماجور = والله يحفظك يارفيع المقامي ياصامل الوقفه ويا وافي الشور = يابن الامير وياحفيد الامامي والحمد لله مخزي كل معثور = في مبتدا الكلمه ومسك الختامي |
ديوان العرب
هلابك يا قصيد ما انحصر فاللحن والموال= على قول وفعل وادراه فالافكار واصونه عن هزال الهجوس اللي بعضها صدق ما ينقال = ما تحوي من بنود الشعر كود اسمه مع إلحونه حشمتك ياقصيدي عن قلال العرف والجهال = ولا اقارنك مع هزل القصيد اللي يقولونه لجل عينك ولجل ارضاك بأعلن عنهم الترحال= ولا اهبّطك في سوق الرخيص اللي يهبطونه باعدّك مع رجال شعرهم تضرب به الامثال = جزيل العرف وسط قلوبهم دايم يحفظونه هل الراي السديد مكملين الوزن والمكيال = زحول علمهم لا من دعى الموقف يوفونه صناديد مواقفهم تجمّل والرجال إرجال = يدلون الغوي للدرب والمايل يعدلونه قصائدهم حكم تثبت على الاقوال بالافعال = تخلّد ذكرهم في كل ميقاف يمرونه حموا قدر الشعر حد الشعر له فالنفوس إجلال = ما هاموا به كما من هام به لين ارخص إفنونه لان الشعر ديوان العرب من ماضي الاجيال = تراث امه يحفظ امجادها وتصون قانونه واذا كان الشعر جاله حراج وسائم ودلال = ترى عاره على شرايته واللي يبيعونه ناس تبحث عن الشهره وترخص لجلها الاموال = لقوا فالشعر غاية قصدهم واللي يرومونه وانا لي فالشعر وجهت نظر يا معشر العقال = حقيقة واضحه من كل عيب ونقص مضمونه ولا باقايس اللي عن طريق اهل المعرفه مال = ضعيّف والضعافه قسمه وطبعه وديدونه هبيل غايته يحجب شعاع الشمس بالغربال = لكن عوّد بغيضه ما استفاد وخابت ظنونه ولا يمكن اجاري يالعوارف مثل هالاشكال = لكن واجب عليّ اعطيهم اللي يستحقونه ولا بازعل ليامني سمعت من العلوم هزال = على قول المثل كل يجيك بشطر ما عونه وانا اعرف واجبي واعرف حقوقي والدروب طوال = ولي قصد شريف ولا انثني واعود من دونه عبرت بحور واجتزت الصحاري واعتنقت جبال = عسيره او يسيره ما ترد القلب عن شونه اغامر والمغامر فالمواقف ديدن الابطال = قروم تقتحم حوض المنايا ما يهابونه على منهاجهم اسرجت خيلي وانطح الاهوال = تدثرت بثياب العز والاوضاع مامونه وصلى الله وسلم عد ايات الحشر والانفال = على اشرف من نصى البيت الحرام وطاف بركونه |
رساله عاجله لولاة الامر
يا شعر انا ماني بطربان على بدع اللحون = وشعر ما يزمي في ميادين الشرف ما هو شعر وانا بدعتك ياقصيدي وانت برهان الشجون= وصّل رسالة عاجله فالحال لاولاة الامر ود الرساله خادم البيتين حماي الضعون = حلال عسرات المشاكل والزعيم المعتبر وقله ترى الجيش السعودي في رواتبه مغبون = ويحتاج منكم يزعيم المملكه لفتة نظر رواتبه متدنيه ما تقنع اللي يحتمون = حدودنا من اهل الطمائع والمكايد والغدر رقيب يعدل راتبه جندي ( بالامن ) او منه دون = ما هو قهر ؟ إلا هذا هو القهر واكبر قهر بارواحهم يا سيدي دون الحدود يخاطرون = ويستاهلون المدح والناموس ووسام الفخر وانا بأخوّل شعري بهالموقف وشعر يمون = واقولها عن جندي من الجيش لا ظابط خفر واجب علينا اكرامهم في كل وقت ويكرمون = ونرفع رواتبهم ونعطيه بدل موت وخطر الى اسدل الليل بظلامه والاوادم نايمون = عيونهم على حدود الدار يكحلها السهر وما هيّض هجوس القصيد وحط في قلبي طعون = إلا اسرة الشهيد تشكي حالها باتلا الخبر عبر الجريده يشتكون من الديون وياملون = احد يمد إلهم يدين العون وينال الاجر ويالعامري ما هي غريبة لو شكيت من الديون = رواتب الجيش الزهيده تفتح ابواب الفقر كل أزملاك من العوز والفقر دائم يشتكون = ولا يلام الفرد لو يموت غبن او ينتحر سيف الفقر يكسر يدين الفارس ويعمي العيون = وقد قيل ما فالعسر ياهل المعرفة اية بصر |
درووووووووووووب الضياع
الهجوس اللي تلف الفكر وتبعثر شتاته = اكشفت سر الخفوق اللي تطوقه المحاني واقع يحتاج له وقفه تبرهن مبهاماته = وان دعى الموقف فانا موجود ولساني سناني يوم اسل الهيض من غمده تجمل مفرداته = ما ابدي الا بالبديعات الجزيلات السماني وانا ما اتشمّت على الجاهل ولا احب الشماته = لكن الموضوع يا اهل المعرفه واضح وباني من بعض هذا الشباب اللي كبار موبقاته =كان ما يهدم حصون المرجله ما هو بباني الشباب اللي على الجدران يكتب ذكرياته = اشهد انه عن دروب اهل الوفا والطيب هاني البلد شوّه حضاراته وشوّه منجزاته =بالتفاهه والسفاهه والتلف والامتهاني شوّة يده اللئيمه رونقه ومجسمات = والعبارات البذيه افسدة صفو المكاني النذاله من صفاته والسماجه من سماته = ضايع وصايع ومتردي في دروب الهواني فالمقاهي والملاهي مرتعه وبها شفاته = ما يروّق لين ينصاها مع افلان وفلاني والا فوق الارصفه يسهر وليله ما يباته = ما يغادرها يلين الفجر يصدع بالاذاني الصخب والمهزله من عادته و ممارساته = مرّه بصوت اللعان ومرّه بصوت الاغاني ومعه شله وصفها مطابق لكل مواصفاته = بين مكنون الظمير وبين منطوق اللساني ما يرافق كل شخص الا الذي يحمل صفاته = وكل داني ما يصاحب كود مثله شخص داني المياعه منهج له في مسيره والتفاته = يتخنّع ويتثنى مثل عود الخيزراني بالتمكيج والتغنج صار يتحدى خواته = ما تحسبه رجل لا شفته تحسبه جنس ثاني حاد عن درب الهدايه وانعثر والعز فاته = هام بدروب الضياع وكن في عقله جناني كل فرض ما عرف وقته ولا صلى صلاته = المساجد ما بها يصلي ولا يقرا القراني ولا قرا كتاب الحديث ولا اقتدى بسيرة رواته = ولا نصى البيت الحرام وطاف بالركن اليماني واقعه مولم ويعرف كل عاقل منكراته = واضح ومكشوف ما ظني يبي له ترجمان والكلام ان طال يفقد قيمته ومناسباته = واختصار العلم كلمه تجمع افاق المعاني الله يهدي كل غاوي . والا الله ياخذ حياته = الذي مافيه خير ولا تحقق به لاماني |
سود مقاديمه وبيض تواليه
يا صابغ اللحية لجل تخفي الشيب = الشيب واضح فيك مهما تخفيه مهما توقّف له بكل الاساليب = ما تقدر تخفي وقائع مواريه شيب الرجل من دون شك ولا ريب = مافيه دكتور بطبه يداويه وليا صبغته صار في وضع مريب = وعليك تلقى من الخلا يق مشاريه تشوف في دقنك بعاض العذاريب = سود مقاديمه وبيض تواليه واذا تبي نصيحه وراي مصيب = وكل على ما قيل رايه يقديه خله كذا ياراعي الجود والطيب = يزيدك جمال وهيبة في مباديه الشيب بوجيه النشاما ما هوعيب= وقار للي وافيات معانيه ورجاحة بالعقل من غير تكذيب= وتقدير للي بالشهامه يوفيه راع الوفا والطيب جزل التراحيب = كساب كلمة والنعم عند طاريه صقر الصقور معكّفات المخاليب = اللي ليا من قال له قول يحميه هذا بياض الوجه يا اهل المواجيب = دلايله بالرجل بيض نواصيه وهذي نتايج معضلات التجاريب = للي تقصّر بالرجل عن هقاويه يلقى بها الرجال بعض المصاعيب = ويشيب راسه ما تحقق مناويه يدربه وقت على كل تدريب = قاسى صنوف الدهر مره وحاليه ونذير للمخلوق من عالم الغيب = بان الصبا قفى وفاتت لياليه مرت سنين العمر من غير تحسيب = والموت قرّب واستحزت حراويه وتم الكلام اللي نظمته بترتيب = وجهة نظر لاهل الجمايل وتوجيه وصلاة ربي عد خط المكاتيب= على رسول حقق الله مساعية |
الى هنا اليوم نتوقف
وانتظر انطباعكم عن الديوان واتقبل ملاحظاتكم وسوف اكمل الديوان بايراد ما يتوفر لدي من قصائد الحكمة والقصائد الاجتماعية والقصائد الى انتم تحبونها بلاشك وهي القصائد العاطفية فيوجد منها الكثير والكثير اتمنى انني اتيتكم بقصائد شاعر تستحق القراءة ونلتقي باذن الله |
الأخ سعد الهميلي شكراً على ايراد عدد من قصائد الديوان عند تصفحي لعدد من القصائد استهوتني الأبيات التالية ــــــــــــــــــــــــــــــــــــــــــــــــــ ـــــ وصلاة ربي عـد نبـت الرياحيـن على الـذي انـزل عليـه القرانـا نبينـا اللـي بيّـن الحـق تبييـن وباسمه يذاع بكل فـرض الاذانـا ــــــــــــــــــــــــــــــــــــــــــــــــــ ـــــ وصـلـى الله وسـلـم عــد ايــات الـحـشـر والانـفــال على اشرف من نصى البيت الحرام وطاف بركونه ــــــــــــــــــــــــــــــــــــــــــــــــــ ـــــــ وصـلاة ربـي عـد خــط المكاتـيـب علـى رســول حـقـق الله مساعـيـة ـــــــــــــــــــــــــــــــــــــــــ بهذه الأبيات الجميلة والعبارات الخالدة ينهي الشاعر المبدع قصائده بحيث تكون ( الصلاة والسلام على نبينا محمد صلى الله عليه وسلم ) مسك الختام للقصائد لك شكري وتقديري |
سامسات الذووووووق
عن واقع الشعر نشكي حال واقعنا =فيه اختلط وارد الكلمه وصادرها ولو حاول البعض بافكاره يقنّعنا =جزلات الامثال ما تخفى نوادرها وان كان لمسيرات اشوارهم طعنا =بنتيه في طرقة تذهل مسافرها لكن ليا ضاعوا الجهال ما ضعنا = انميز احكامنا من قبل نصدرها وبعض الطواريق ما ترضي مسامعنا =مختلة الوزن باطنها وظاهرها اذا استمعنا لها زادة مواجعنا =بضاعة ما تجمل وجه تاجرها وبعض التماثيل تروينا وتشبعنا = وقلوبنا من جمال الشعر تاسرها باسلوبها العذب والباهر تمتعنا =روائع تشرح الخاطر جواهرها وانا ادري ان القصيده مالها معنا =مدام تقرى بغير احساس شاعرها لكن مادام به ناس تتابعنا = ما ودنا بالردي نجرح مشاعرها ان دور الجزله اللي فوق ترفعنا =تشوّق افكارنا وتسر ناظرها نهيم في حبها وبها تولعنا = كم ليلة لا مسوا العالم نسامرها تعصى لنا امرار وامرار تطاوعنا= ونختار من ساميات الذوق فاخرها كله على شان ما نخلف طبايعنا = يبقى على العز ماضيها وحاضرها وجزلات الاثمان نشريها ولا بعنا = بالحبك والسبك والحكمه نسخرها نحلق بها في سما الابداع وابدعنا= ونكد على رحلة الحكمه تذاكرها والساقطة ما نسجلها بموقعنا= ولا نشوه بنشرها صفحات ناشرها |
في زمان الواو
في زمان الواو ضيعنا الحروف الابجديّه= كل حرف غير هذا الحرف ما نعرف مقامه ارتدا ثياب المهابه والفخر والمقدريّه = ونال من بين الحروف اعلى مواثيق الزعامه صار له قيمه عظيمه فالحياه الواقعيّه = والذي ينكر وجوده لا تسمع في كلامه انتصب كنه زعيم القوم في وجه الرعيّه = فارض قدره على غيره بتمكين وصرامه له وعود وله عهود وله مواقيف جريّه = وصار من فوق النظام ولا حد يغلب نظامه ومثل ماله في طريق الخير وقفات وفيّه = يعطي اصحاب الحقوق حقوقها ما شي ظامه له بعد على طريق الشر وقفات دنيّه = يسلب حقوق الاوادم غصب ويجرد حسامه مرة يشفع شفاعة خير والنيه بريّه= وتنشر إله الرايه البيضا بجده واهتمامه ومرة يشفع شفاعة شر والنيه مطيّه = وتنشر إله الرايه السودا وتغشاه الملامه هذي طبوعه وذا وصفه ضحى والشمس حيّه = والله اعلم ويش حاله لا اجهم الليل بظلامه ودام بامره كسب راع الجاه في حسم القضيّه = مالي الا انصاع له وافرض على النفس احترامه مير وش ذنب الضعيف اليا غدا فالمهمهيّه = كان عجز الواو لا يعفيه من بعض الغرامه والحقيقه يمكن ان بعض البشر يزعلى عليّه = كان ما وافق مرامي في بنى المعنى مرامه لكن الواقع يبرهن والقضيه سرمديّه = والحقايق فوق تبرير الجهاله والغشامه |
عزوتي غـــــــــــــــامد
بيض الله وجه من شار بالشور الجميل = وبيض الله وجه من سمع شوره واستجاب جمّل وكمّل وفي موقفه ما له مثيل = وامتثل راع النواميس للراي الصواب الوفا للاوفيا طيب . باسمه تستطيل =وقفة تشبه لوقفات ابو زيد وذياب الرجال فعولها تبين فاليوم الثقيل = الزحول اللي تخوض المواقيف الصعاب ما دخل في صفنا لا ضعيف ولا ذليل = من رمى الاهداف صايب وراع الراي صاب لا اجتمع ثنتين يتحقق اللي مستحيل = حكمة من راس شايب وعزم من شباب في سما القالات شعّت قناديل المخيل = واشرقت شمس الجمايل على روس الهضاب دوّنت الاسم المسمى على قمّت سهيل = وارتدت من غاليات اللبوس احلى الثياب غامد الهيلا اسمنا واسمنا ما له بديل = اسم جد وقسم جد ومواقيف عجاب غامد الهيلا هل العز ممنت الدخيل = من لجا في جالنا يرقد امن ما يهاب من طلب الاثبات يبشر بعلم له دليل = علم مبرهن ومثبوت في صفحة كتاب والا برجال عن الحق دايم ما تميل = ما تغط النور لو صك دونه الف باب وحتى الارض بها شواهد ما يمحاها المزيل = اسمها شاهد على فعول متعبة الركاب الثلاث الغامديات شاهد كل جيل = تشهد إلماضين الافعال في ذيك الحقاب وان لفانا الضيف نكرمه من بن وهيل = بالكرم لاهل النواميس دمثين الجناب وغدّة للي عن الحق والمنهج يعيل = وعلى روس اهل التخارف سوط من عذاب وانا شاعر وابدع القاف والمعنى جزيل = ورافع سهم الشعر قبل سهم الاكتتاب واجب عليّ مفروض وانا له وكيل = وهذا وقت الشعر والحكمه وفصل الخطاب عزوتي غامد اذا الخيل ضجت بالصهيل = والسيوف تسابق الموت في قصف الرقاب يوم وقت الحرب والضرب والسيف الصقيل = حدنا ممنوع . ممنوع منه الاقتراب لاحما الموقف وناش الزند روس الفتيل = واجتمع ملح الثميدي كما ليل الضباب في نهار فيه صم الرمك تعول عويل = والعدى نسقي بدمهم جلاميد التراب كم جموع عند هجماتنا راحوا جفيل = في نهار من لظى هوله يشيب الغراب ثلث اسرا وثلث مشرد وثلث قتيل =منهم اتغدى الكواسر وتتعشى الذياب وكم عقيدة قوم امسى تحت حمر النثيل = واصبحوا ربعه يعضون ناب فوق ناب غامر بروجه ولكن ما حصل حصيل = ومن نوى يفعل فعوله من الغزوات تاب لا بطشنا بطشنا بالعدى هول مهيل = وان تكرمنا كرمنا كما وبل السحاب وكم كفلنا من قبايل قبل وقت الكفيل = وشاهد الاعيان واضح ولا دونه سراب وان تنكّر طيبنا تالي الوقت الهبيل = ناكر المعروف نحسبه من صنف الدواب الغباوه للغبي والهزاله للهزيل = وتجتمع في منكر الطيب مكسور النصاب ولا حسبنا اللي بهزل الحكى يحط ويشيل = العرب قالوا ما ضر السما نبح الكلاب ولا جهلنا في زمان به العالم جهيل = ومن نشد عن ماضي افعالنا لقي الجواب واختصار العلم يكفي عن الشرح الطويل = علم مبرهن ومثبوت ما فيه ارتياب وبيض الله وجه من شار بالشور الجليل = وبيض الله وجه من سمع شوره واستجاب |
هــكـــــــــذا الايام
الو يغار الورد بالاغصان من حمر الشفايـف =او تغار احلامنا مـن واقعنـا فيـه اوقعتنـا ولو تعود امالنا من واحـة الغربـة نكايـف=تصتدم في صمت با اسوار الظروف اللي دهتنا ما لقينا فالحياه ابراج يـا زيـن الوصايـف =تهدي البسمه لنا من بعد ما اغتالـة بختنـا عاتيات الوقت تطوي حبنا طـي الصحايـف=ياكثر ما قد خذت منّا ولا ادري وش عطتنـا؟ غيرلوعة ماضي باقـي مـن ايـام عجايـف=كل ما لاحة بـروق الفكـر صــــــوبـه ذكّرتنـا ذكّرتنا بالبدايه قبـل مـا نصبـح طوايـف=رغم انّا مـا نسيناهـا وهيـه مـا نســـــــــتنـا ونعمة الحرمان تاخذ من وطن حظي مصايف=وقبل ما نعلـن ولايتهـا تجـرّت واحكــــــــــمتنـا بعد هذا ما لنـا الانومـن بحلـم الوظايـف=والحياه ان ما رضينا با امرها مـا شاورتنـــــا وممكن الدينـا تفرقنـا بعـد كنـا ولايـف=وممكن الدنيـا تجمّعنـا مثـل مـا فـــــــــــرقتنـا القضا والقدر يرسم فـي حواجبنـا طرايـف=وكان ما انحلّـت قضيتنـا بتكبـر مشكلتنــــــا وهكذا الايام ترعب فارس مـا كـان خايـف=كــم عـزيـز بهـذلـت حـالـه مـثـل مـــا بهذلـتـنـا وان رجعنا للحقيقه ما على الدنيـا حسايـف=كلهـا ايـام وليالـي ثـم تطـوى ســـــــــــــــالفتنـا |
. ***** أخي الكريم "سعد سعيد الهميلي الغامدي" تتشرف ساحات وادي العلي بتسجيلك وتواجدك وتقديمك لديوان شاعر غامد الهيلا/ مسفر بن جمعان الصفا نتابع ونقدم الشكر والتقدير ونتمنى المزيد ***** |
أخي الكريم :سعد سعيد الهميلي الغامدي
شرفتنا وشرفت ساحات وادي العلي بتسجيلك واكرمتنا بنشر روائع الشاعر مسفر بن جمعان الصفا والذي اتمنى ان تتكرم علينا وتعطينا نبذة تعريفية عنه ان امكنك ذلك كما ارجو أن تستمر في نشر ما يتوفر لديك من شعره وشعر غيره وتقبل خالص شكري وتقديري وفقك الله ورعاك . |
اقتباس:
شكرا شكر ا لك على حضورك واقتباسك واشادتك التي اعتبرها تاج فخر واعتزاز لي شخصيا وللشاعر مسفر الصفا الذي ما انا هنا الا ناقل لبعض قصائده واتمنى ان تجدوا فيها المتعه والفائده دمت بالف خير وموده |
ايها الاخوه الاعزاء في ادارة منتدانا الراقي
اتمنى منكم تثبيت الديوان حتى يتسنى لي ايراد بعض القصائد الاخرى فالشاعر من شعراء غامد الهيلا وقد كان له مواقف مشرفة اتجاه قبيلته في كثيرا من القصائد ومن حقه علينا رد الجميل ولكم الشكر الجزيل |
العضو الكريم: سعد سعيد الهميلي الغامدي نرحب بك اجمل ترحيب ونقدر جهودك الديوان يستحق التثبيت ونأسف على التأخير نتمنى لك التوفيق |
الأخ العزيز سعد الهميلي الغامدي احييك واقدر جهودك رعاك الله والشاعر مسفر جمعان الحلي الغامدي شاعر رسالة وشاعر مواقف وقصائدة وملا حمة فخر لكل غامدي تقبل شكري وتقديري حفظك الله |
راي العوارف
يا هاجسي . للقصايد والحكم والعلوم = مناسبات تهيّض فكر شعارها تثير فكر الحصيف اللي بعرفه يشوم = إلجامحاة الهجوس ويعسف مهاره وانا مولّع بمرقى عاليات الرجوم = واصيد من شاردات هجوسي اخيارها ادوّر الجازي اللي مردفه بالشحوم = اللي تجمّل بسوق العرف تجارها جزيلة سهمها يفوق كل السهوم = اشفق على فيدها لو غليت اسعارها افرح بها اللي موالي وارهب بها الخصوم = لامن روس الفتايل ولّعت نارها شعاعها لانبلج يجلى ظلام الغيوم = وتشع في مظلمات الكون بانوارها بها استدل الدليل ويعتلن العزوم = قدري تعلاّ وتعلاّ معه مقدارها اشرح بها صدر من ضامته عوج الهموم = وتنقل صداها رواة الشعر واخبارها ولا يلزم اللي جهل عن مبتغاها اللزوم = من لا عرف ويش مغزاها ولا اسرارها وما اشره على الجاهل اللي ما يعرف اليموم = لا اخطا دليل العوارف واخلف اشوارها من عادة الخبل عن درب الجميل محروم = ويمناه عن كل طيب تردها يسارها شف موقعه بعد ما عافوه روس القروم = عليه عوج الذواري تنسف غبارها خالي جنابه من اصحاب الحكم والسلوم = عنه العوارف تشوم وتبعد انظارها ما طاع شور العروف اللي بشوره يروم = درب المعالي ويحفظ عزها وكارها لكني اشره على صقر بجوه يحوم = عاقل ويعرف لماردها ومصدارها نجم في الشعر يحسب من كبار النجوم = يحسب حسابه بروس القوم وكبارها تمت وصلوا على سيد البشر يالعموم = عداد ما هلّت الامزان بامطارها |
اقتباس:
اخي عبدرحيم بن قسقس كل عام وانت بخير واتشرف بمرورك الفريد على ديوان شاعرنا مسفر جمعان الصفا فلك شكري وتقديري |
كرامة غامد إلحاها
سلام الله على وضح النقا ياسامع القيفان = سلام يشرح الخطّر ويرضيها ويمنّها سلام يسبقه ريح النفل والمسك والريحان = تعطر به بيوت الشعر وبفنّه يفننها ازخرف به بيوت الشعر واوزنها على الاوزان = بحبك وسبك واجمّل معانيها واقننها اظمنها مثل معروف عنا من قديم ازمان = بمضمون المثل ارسم قوافيها واعنونها على قول وفعل ما هو بحبك فلان والا فلان = لنا تشهد به العراف والشيخان بألسنها كرامة غامد إلحاها بفعل الطيب والبرهان = مثل يثبت مواقيف الرجال وطيب معدنها بحل المشكلة والمعضله في مجلس الحقان = فرضناها بعزم ولادعى الداعي نبرهنها ليا دارت رحى الهيجا فحنا فاللقا شجعان = جنون الارض في يوم الوغى حنا نجننها برميٍ من بلاجيكٍ ما تخطي رمشة الاعيان = سهوم الموت يوم الحرب تطلق من مخازنها من كفوف القروم اللي بها تاقف على الذرعان = بواريد ليا حان اللقا تحمى ضعاينها وليا منّا عقد الشور جبنا من العلوم سمان = صفوف القوم نجمعها وبالحكمه نحصنها نلم الشمل ونقود الجموع ونحمي الحدان = وكلمتنا ليا فاظة في الموقف نثمنها لنا قيمه لنا شيمه لنا هيبه لنا سلطان = لنا صولاتٍ وجولات والتاريخ دونها حضرنا واحتوينا المشكله في ساحة الميدان = وليا كادت حلول المعضله حنا نهونها خذينا وجيه وارسمنا وفعل اهل الجميله بان = فرضنا الفرضه اللي في نهار الصلح نعلنها وثبتنا الوعد وبه استبقنا في لقا الشيخان = نبي نجبر صفوف القوم ومن الموت نحقنها دعانا الواجب وجينا ندير الصلح للجيران = وروس القوم من ضرب السيوف الحدب نظمنها وساعة خالف المخلف وطاوع بالردا الرديان = ما فاد من الا مور إلا الغباين من غباينها عادة من يصفق وجيه الرجال يبور بالخسران = ولا يظفر من جزال الحقوق يكود باهونها هذا القول الصحيح اللي عليه الثبت والختمان = حقايق واضحة وليا دعى اللازم نبينها وكرامة غامد إلحاها بفعل الطيب والبرهان = مثل يثبت مواقيف الرجال وطيب معدنها |
شكرا لك من مر بمتصفحي هذا
واشاد بما قدمه الشاعر وما انا الا ناقل لكم هذه القصائد للشاعر / مسفر جمعان الصفا وللجميع اصدق الموده |
توحيد امه وسيرة ابطال
ابتداء للعز ميلادٍ فريد = واشرقت شمس الريادة من جديد جاء معزي يرفع النصر المجيد = وجمّع الامه عقب ما هي الشتات بالف وثلاث مئه وتسعة عشر = انتفظ راع الزعامه والفخر عبدالعزيز الامام المعتبر = واشرقت انوار عز مبهجات سار من صوب الكويت مع اربعين = موجهين للرياض ومنتصين وصبّحوا عجلان فاليوم المكين = وراح عجلان وزماميله رفات ثم معه اهل الجنوب من الرياض = ادخلوا فالحكم من دون اعتراض وبايعوه ومعه ساروا فالفياض = يلطمون اهل الوجيه المغضبات وبعدها هيمن على الوشم وسدير = وفر ابن رشيد فاليوم الكبير واذعنت للقايد الفذ القدير= وبادت اطماع النفوس اللاهثات واتجه يقود جيشه للقصيم = يسالم اهل السلم ويبيد الخصيم ولاذ ابن رشيد بالطبع القديم = وانهزم منها بدون مقاومات وصار في روضة مهنا ما يريد = وثبّت الله خطوة الشهم الفريد وقتل فالميدان خصمه بن رشيد = بضرب شابية السيوف الصارمات ثم وجه قوته صوب الحسا = واقتحم سور الهفوف وبه رسى وبايعوه الناس في ذات المسا = وانتهى ظيم السنين الفايتات وبعد ذلك ظم حايل في حماه = واسلمت له بالسيوف وبالرماه والتجى له شيخها يبغى النجاه = ثم رفع عنه الزعيم اللايمات ثم واصل فالتقدم والمسير = لين صبّح ال عايض في عسير ويوم حجلا زفت النصر الكبير = انطفة نيران ظلم وارِيات واعتزى به بن لؤي ضد الشريف = وفالخياله التقى قيف بقيف وانتصر بالسيف فاليوم الكليف = رغم قوات العدو الضاربات ثم للطايف توجه بالجموع = واتجه لْمكه بجيش يروع وانتحى عنها الشريف بلا رجوع = شارد ظمن الجموع الشاردات واقتفت اثاره جيوش السعود = عبر جده والمدينه في سنود لين عدّوه الطوارف والحدود = ولا بقى له فالوجود مغامرات بعد ذلك صوب جيزان انتحى = وراح الادريسي كما حب الرحى اسلم وسلّم وقفى وانتحى = واصبحت كل الطوارف وامنات هذا هو عبدالعزيز ابن سعود = فارس ما صار مثله فالوجود صامل الوقفات والفعل محمود = قايد قاد الحروب الطاحنات سل سيفه وامتطى ظهر الجواد = ينطح الغارات في يوم المعاد بالفوارس والذخاير والعتاد = فوق صلفات الجياد الراكضات فيصلي فالمواقف فيصلي = لا بدا في كل موقف جمّلي خصمه بيوم الطراد مجندلي = جامع كل الصفات الفارعات قاد نمرا شيّبت روس الرجال = ما حد ياصل مواصيله محال يجدع اطوال اللحى يوم القتال = بالرماح وبالسيوف الفاتكات به تليق احلى الوصايف والنعوت = والملاحم والقصايد والبيوت اشعل انوار العداله فالخبوت = بعد ماهي بالظلايم حالكات وانتهى عصر المغازي والحروب = وبادوا الانذا قطّاع الدروب ولاذوا ارباب الحناشل بالهروب = واصبحت كل الخلايق وادعات واستتب الامن في كل البلاد = وانقضى وقت التناحر والفساد والعدى راحوا كما اسراب الجراد = كنهم شرد الوحوش الجافلات صبّح الديره وهي ظلم وظلام = لا شريعه لا حكومه لا نظام والعشاير مستبده فالخصام = عايشين في غدر ومشاحنات القوي بسلمهم ياطى الضعيف = علمهم ما بين رمح وحد سيف يومهم بكل حالاته مخيف = والليالي بالجرايم موحشات اسس الدوله على الشرع القويم = وجمّع الامه على النهج السليم وامتثل له كل افاك اثيم = بالسيوف وبالخيول الرامكات ثم بدا عصر الحضاره والنهوض = وقام حظه عن رديين الحضوض واضح الحجه بلا زيف وغموض = وانتهت كل الامور الغامضات نسأل الله يرحمه فانه رحيم = ويحفظه من هول نيران الجحيم ويجعل مسكانه بجنات النعيم = في ظلال نعيمها اللي وارفات وبعد موته قلّد المنصب سعود = وقادها لاعلى المراتب في صعود يبذل المجهود في كل الوجود = وارتقت لاعلى الشعوب الراقيات ثم فيصل فيصل السيف الصروم = الشجاعه والسياسه له تروم الزعيم اللي به تقوم العزوم = فارس فيه المزايا النادرات ثم بعده خالد الشهم الحليم = صاحب الراي المسدد الحكيم المليك العادي الحر الكريم = حاوي كل الصفات الفايقات ثم فهد فهْد الفهود النادري = السياسي الفريد الماهري سيّس الدوله بفكرٍ باهري = وحل عسرات الامور المبهمات ثم عبدالله عسى عمره طويل = الزعيم العادل الحر الاصيل ابو متعب راعي الفعل الجميل = حاويٍ كل الصفات النايدات قايد الامه الى بر الامان = باذل جهده لها سر وعلان مخلص مع امته في كل شان = وملجم افواه الكلاب النابحات السياسه من لها غيره يسوس = والامم من حكمته تاخذ دروس والدول تلجي له بيوم النحوس = لا تنصتها الامور الطاميات صاحب الراي السديد الحاسمي = الحكيم بكل علم فاهمي سيفنا اللي بالاعادي واسمي = صقر يصيد الصقور الصايدات ومعه ابو خالد على الايمنى سنيد = صامل الوقفات والراي الرشيد العضيد الوافي الشهم الفريد = وبالعطا يغني اليدين المعدمات ونايف اللي بالمواقف نايفي = كلٍ بمجهود نايف شايفي في جنابه يامن اللي خايفي = ساهر وعيون غيره نايمات وفي ظلال ملوكنا حنّا بخير = هم ذرانا لا دعى اليوم الكبير وحْنا معهم فالمواقف ما نحير = وحبهم بين الضلوع المهدفات جدوا وْجادوا طويلين الذراع = وصيتهم بالعدل والانصاف شاع قادوا النهضات في كل البقاع = والقرى مثل المداين ناهضات نهضةٍ عمّة جميع بلادنا = وارتقينا للامام بلا دنا نحمد اللي بالعطايا زادنا = من فضايله الجزال الزايدات للحرمين الشريفين اهتمام = معتنين بها رفيعين المقام باذلين الجهد من عهد الامام = وطوّرة باعظم وبارقى التوسعات في مجال العلم حاربنا الجهل = ونافسنا بالمعرفه كل الدول المدارس والمعاهد بالجٌمل = وشيّدت في كل صوب الجامعات وللصناعه فاتحين ارقى المدن = تحتوي بانتاجها من كل فن منتجات ما تقدر بالثمن = نادرات فالوجود وفاخرات وللزراعه ما انتوانا بالجهود = والصحاري صارت ازهار وّرود وفي جمع الاوديه بنيت سدود = والبحار بها تقام التحليات وفي مجال الصحه اذهلنا الامم = وارتقينا في منيفات القمم وانقضى عصر المتاعب والسقم = وفتحت بكل القرى المستشفيات والمواصلات صارت بازدهار = واكبت ركب الحضاره بافتخار ورْبطة خطوطها كل الديار = وعبرت روس الجبال الشاهقات وفي مجال الامن فزنا بالرهان = والمواطن عايشٍ بامن وامان ما يضيم ولايضام ولايهان = وقطْعت يْدين الجناه السارقات والجيش اللي يحمي حْدود البلاد = من هل الاطماع واصحاب الفساد طوّر بروس النشاما والعتاد = واليات من جميع التقنيات والتجاره راس مال ومفخره = قوّة اقتصادنا اللي نذخره السفن عبر المواني مبحره = والبضايع واردات وصادرات نعمة من ربنا جل وعلا = نحمده ونشكره رب الملا ونعلن لْملوكنا كل الولا = الكرام اهل اليدين المصخيات كم لهم من فضل على المسلمين = منفقين بكل وقت وكل حين وللارامل واليتامى كافلين = وامسحوا حزن العيون الدامعات الله يحفظهم لنا طْوال العمار = هم لنا القادات واصحاب القرار نفتخر في حبهم سر وجهار = الحصون اللي علينا مظللات |
تسلم من كل قلبي والصراحة ابو هلال علـــــّــم شاعر مثقف يتسم شعره بالورع والدين والنصح والرجولة وحب الوطن وأبناء الوطن الحقيقة أنه يشرفنا في كل محفل وفي كل منتدى أسأل الله العلي العظيم أن يبارك فيه ويبارك فيك اخي سعد ..... تقبل تحيااااتي وشكراً على هذا الجهد الموفق في حق هذا الشاعر الذي نفخر به ونعتز بمعرفته فنحن نتعلم منه ومن شاعريته الفذة جبل ابو زيد صالح الغامدي |
حره على كف صقار
{جيتك غلا جيتك وله جيتك إصرار = منك اشتكي لك لوعة الحب ياشوق وجمعت لك من دوحة افكاري افكار = سيرة وفاء عاشق وتقدير معشوق اشرح لك شْجون الوله وانثر اسرار = في عالمٍ يضرب على اهل الهوى طوق هذي حقيقة ماضيٍ صار تذكار = ردّة فعل قلب له سْنين مسروق رحتي ورحت وماتت بكفي اعذار = جفّت دموعي لكن القلب محروق من غيبتك مات الامل والسعد طار = ماكن بعدك في هذا الكون مخلوق ساهمتي بقتلي مع سيف الاقدار = على الوعد ما خلت لبروقك ابروق فيني تجفيتي ومعك الزمن جار = اجاذب الونات والصوت مخنوق رجيتك وراح الرجاء حلم شعار = نامت عيون ولا غفى لْشاعرك موق} ***** وتقطّعت في صوت محبوبك اوتار = لا لحن اشعاره وجر طاروق كنتي معي حرّه على كف صقار = شيهانةٍ ما غيري اطلق لك سْبوق لكن مهما صار يبقى لك إشعار = عهدٍ بتاريخ المحبين موثوق نسجت بحروفي وبحروفك انوار = في مبتدا الابيات ياقمّة الذوق تمطر لك مْزون الغلا ورد وازهار = وتنبت لك خْبوت الوله لوعة وشوق |
| الساعة الآن 09:28 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir