ساحات وادي العلي

ساحات وادي العلي (http://www.sahat-wadialali.com/vb/index.php)
-   ساحة الموروث وشعر المنطقة الجنوبية (http://www.sahat-wadialali.com/vb/forumdisplay.php?f=85)
-   -   خيــمة الحمّـاية : شـعـب جعملة يحييكم ويستضيفكم في خيمته التراثية (http://www.sahat-wadialali.com/vb/showthread.php?t=190)

علي ابوعلامه 01-24-2008 09:41 AM

خيــمة الحمّـاية : شـعـب جعملة يحييكم ويستضيفكم في خيمته التراثية
 

خيــــــــمة الحمّــــــــاية


شـعـب جعملة يحييكم ويستضيفكم في خيمته التراثية في مقرها شـعـب الشعراء أسبوعياً على شــرف كل من :


جــارنا العـــزيـز جبــل الشـعـبة ،

والرواة وحفاظ التراث
علي بن حسن , وعبد الله بن رمزي ، وعلي بن حمدان
والشـاعر المتألق / أبو رائـد صالح بن عطية.

في هذه الخيمة ستطرح القصائد ( المحفوظ منها والجديد ) ,
والقصص , والحكايات .

ويحق للجميع المداخلة بالنقد والتحليل والشرح لما يطرح في كل سهرة علماً أن الخيمة مفتوحة للجميع وترحب بأي زائر فعلى الرحب والسعة .
ومــرحبـــاً ألـــــف


أحمد بن فيصل 01-24-2008 09:46 AM

أنا استحبت بقرتي وجبتها لكم تذبحونها والا تتشركونها والا تتصدقونها هي صدق انفتحت الخيمة يالله حيهم جميع

ها ولا حد ياهب فيها عذاريب، قهرنا في الفتنة، البقرة قدامكم من أبدع ما يكون، صحيح إنها ملتي كراع قصدي متعددة الكراعين لكن هذه ميزة إضافية وفي خاطري إنها أحسن من البقرة الهولندية ذا ورا الخيمة





أي بقرتنا ملك بلقيس ذا ما ملكها إلا سليمان


أقيس الأشوار بالقيس وأنا من الشرهة سليمان


يالله حيهم يالله حيهم




عبدالقادر قسقس 01-24-2008 10:27 AM

وأنا جيت لكم خروف مقااااس XXXXL وإن كان قدرت ياشعب الجن الليلة تكعره وتذكيه
قبل ما يجون ضيوفك فإنت وإنعم واما بقرة أحمد بن فيصل أبو كراعين معلقه فوق سنامها
فإسقها ماء من توقيعي لين تروى وردها لراعيها وإذا كان ماودك بخروفي والله لاخلي البنقالي اللي جنبه يفلته ولو فلته من إيده آهو بينطح خيمتك إلا وهي معلقه وتومي فوق
توتكم يا حبابي ..

http://www.moq3.com/img/17012008/3vy71956.jpg

عبدالرحيم بن قسقس 01-24-2008 10:41 AM

.

*****

الله يحييكم جميع

واحد جاب البقره والثاني جاب الخروف وأهل الخيمه بيذبحون ويتصدقون

أن معي لكم بدع قاله علي بن عثمان فيه اكل وشرب ولكن أكيد الشاعر عنده معنى ثاني والقصيده قالها زمان في عرضه في عراء ومكان العرضه بين عراء والغشامره جهة بيت الصحافي لكن نسيت عند من الزواج وودي ندور على الرد

المهم البدع يقول

أشره على الضيف إلا جا من بعيد
من أهل خولان وإلا من زبيد
وقال شفي تعال به من صميد
يبات والصحن جمبه ما تعشى
لو كانت إيده نضيفه كان كل



زبيد وخولان في تهامه قريبه من القنفذه وأهل رحلات تهامه يعرفونها

وياليت نعرف الرد وللجميع التحيه


*****

علي بن حسن 01-24-2008 12:07 PM

ماشاء الله ياشعب جعمله على مكان خيمتك شعب
هيل ودافي ....شي خيمه للبرد .. وخيمه للصيف
وأشوف جنب الصفح حصن من اربع طبقات ،
للشرده فيه لو جاء هوشه وإلاّ...وإلاّ .. والغنم
ماشاء الله بتتفقع من النعمه في الشعب .. وحتى
فوق ضهر الخيمه فطرت النّجمه من كثر النعمه
ياربي لك الحمد وماشاء الله اليقره للحليب في آخر
الليل نجدحه وناهب جنزبيل ونحليه والباقي يتروّب
إلى الصبح ويمّخض وناخذ دهانته ونحميها مع حلبه
وتتسوى سمن ! ونتفاول عليه، على خبزه مخموره
وهات ياخفس .. في الحقينه .. وبل في السمن ..
أمّا النجدي حق عبد القا در هذا بنخليه عشى على
رز عربي
البندقه خلّها.. لسناديل الرهوه ينقلعون بها عنّا في
الشعب يصيدون بها قرعان وإلاّ فرفر :
أمّا بقرة الفرحه منضوره وقامت نفسي منها ومن جلدها
آهي لكم .

علي بن حسن

صالح بن سعيد 01-24-2008 01:46 PM

اقتباس:

المشاركة الأصلية كتبت بواسطة أحمد بن فيصل (المشاركة 1084)

أنا استحبت بقرتي وجبتها لكم تذبحونها والا تتشركونها والا تتصدقونها هي صدق انفتحت الخيمة يالله حيهم جميع

ها ولا حد ياهب فيها عذاريب، قهرنا في الفتنة، البقرة قدامكم من أبدع ما يكون ،




احمد بن فيصل اشوفك جبت بقرة بستـّـه كراعين ( يعني متوصي ) بصاحب الخيمة

وإلا ايش الحكاية.


سمعت ان فيه ناس ما يحبّـون يشربون القهوه

وهذه براريدد القشر بمقاساتها جبتها لكم عشان تشربون فيها القشر .

http://www.up4ksa.com/uploads/6c89e96c7b.gif

..



محمد التابعي 01-24-2008 02:04 PM

الله يعطيك العافية يا شعب جعملة

ماشاء الله عليك مجهز امورك حتى السفان هبيت لهم مراجيح

شكل الخيمة المره هذي خيمة نعايم

بقر ، غنم ، حقينة ، سمن ، خبزه مخمورة ، قشر ، كراعين

شكلي اجيب معى طراحة وبطانية واسكن فيها خلاص ما نبغي البيوت

اشرايك نسوي لنا جنبها حفرة مندي لكن مدري نلاقي برميل يوسع خروف عبد القادر ؟؟

الله يعطيكم العافية

علي ابوعلامه 01-24-2008 05:40 PM

يالله حيهم واكثر شيهم

قطع الله ايدي من قدام الاصابع جيتم ماليقيتموني علي عنكم ابشروا بالعوض الكرامة فالكم لا تشرهون علية شيبة يالله حسن الخاتمة ,

طلعت اليوم الشعب وصيحت فيكم كان ودي بواحد يجي يعاوني بنصب الخيمة والله ماحد رد عليه , وانا والله ماعد فيه حيل ماهلا فزعلي واحد من الرعيان ,

ويوم غلقت رحت البيت انكرت من التعب وتقهويت انا وكهلتي وتفاولنا وسرحت لشعبي ,

وما شاء الله عليكم في هذي النعايم جبتوها .

الله يخلف عليك ياحمد بن فيصل انت وعبد القادر ويكثر خيركم ماودي يكون تعبتم نفوسكم , البقرة وافيه وفوقها كراعين هدية , والخروف يبغالنا نفتزع بالجماعة اذا جينا نذبحة مادري وين تربى ذا الخروف ,واش كان ياكل اضنه ما ياكل الا بسكوت ابوقشطة .

وختمها عبد الرحيم بهذي الحدوة الله يعطيه العافية لقيته علقا في عمود الخيمة يوم مالقي حد ,
وصالح مايهنيه الا القشر قاعد يتكنفح ,

وانت ياعلي بن حسن جيت بايد قدام وايد ورا ماكان هبتلنا حدوة والا هرجه والا غرتك النعايم شفت الغنم والبقير واختلفت الوزنية .. الحبيني سلم منك ماهفيت بحذفة تراه اليف لا تنفره علينا خلنا نتونس به ,

محمد التابعي الله يحييك خذ فراشك وتعال منها تحرس الخيمة وترحب اذا احد جاء وتقهويه الين نجي ,

ابن رمزي ماله بديه يقولون انه في الطايف الله يرده بالسلامة .

عبدالحميد بن حسن 01-24-2008 09:01 PM

سلام عليكم مساكم الله بالخير كل وحاله والنظر سلام والله ما احد يقوم انا باقعد عند القبس ذبحنا البرد صبوا لي قشر من براد صالح بن سعيد البراد الصغير المحروق ماهو الكبير الذي فوق القبس ( ما كنه يلقى ولا يلتقي ما جاب لنا الا براد سواده تقل غراب ) ليته ما يسمعني ويزيد يرمعني بالبراد .
احمد بن فيصل امتحنا ببقرته وانا نشدت عنها وقفرتها واظنها مندولة ( مندوله يعني حامل والبقرة المندولة غير مرغوبة خاصة عند النسوان ما ادري وش السبب يقلن تضرهم ) واحمد ما خلى بها سوق ولا حد دزها بعود ويبغي يمتحنا بها .
واما خروفك يا عبد القادر فسبحان من خلقه اظن ان ابوه ثور ، ما شاء الله تبارك الله الذي يبغى يتجمل يذبح مثله ما يجيب بقرة مندولة حتى ولو كان معها اربع واربعين رجل .

عبدالله رمزي 01-25-2008 12:30 AM

السلام عليكم ورحمة الله

ماشاء الله تبارك الله متى نصبتم الخيمة وجنتم الغنم والبقرة والمعاميل


.... طيب علمونا نفزع لكم ....

من شان البقرة أم ست كراعين خلاص بارت في حلق صاحبها من قبل الحج وهو يحرج عليها .. والموسم فات ..
ومادام جبل الشعبة قفرها ولقيها مندوله خلها يمكن الله يطرح فيها البركة ويجيلك حسيل يشوق العين ..

بس ترى ما ودنا تخليها جنب بقرة شعب جعملة .. لو خليتها تراها يتموت جوع ..

( خبيثة المذهب ماعينها تخليها تاكل معها وأذل عليها من نطحة تندر ذراها ..)

من شان الكفكيرة .. خلوها فوق القبس .. الجو ممطر وشي ضريبة ماحد يقدر يتوضا إلا بماء دافي ..


انا باروح الليلة عندي تكملة شغل في قصايد دغسان .. وإذا خلصتها بدري مريت عليكم ..


الساعة الآن 10:08 PM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By Almuhajir