أنا للمنتدى جيت واتحدى رجاجيل=
وعندي معرفه للطروق وللقوافي=
إذا كان القصايد بلا معنى وقانون=
فقولو للذي ياتمعرف كان منها=

تعدى جيل ياشيخ واحنا في رجاء جيل =
تغير وقتي الي قديم ولا القاء وافي =
تووق من الخلايق كما من هو وقا نون =
كثير الناس يـاصاحبي ماعد نمنها =

دعيتانا بصوتك وكثرت المراسيـل =
ولآجلك والله إني لاجي لوكنت حافي =
وإذابه ناس ياشيخ عني مايسالـون =
فأنا ماهمني شوفها ولا سألت عنها =

يصيح الناس مالسيل لاكني مارا سيل =
ومن قيّل في الشمس ياليت انتحى فيّ =
سلي قلبي وقلبك من الي مايسالون =
ونعذر نـاس بـاشغالهـا يـالله تعنهـــا =

أنا بابدع وباقي معك ماعنك باحيل =
قصدتك وانتحيتك ولا عنّك مصافي =
وغيرك من قصيدي لهم مده يعانون =
وعندي معرفه مابعد قفـى زمنهـا =

ابو نواس يحتال في علمه وبااحيل =
تجود في المثايل وجاك العلم صافي =
توخ الاجر لاعنت لك ناساً يعـاانون =
وتالـي العلم خيلك انا مافز منها =

أنا ولعت ناري وقربت المعاميل =
ونار الشعر ماظن تطفيها المطافي =
في الأسوق لابد من بايع وشارون =
ولكن السبايك تثمّن مـن وزنهـا =

اجي مالخط سيده ولا باجي معا ميل =
وحوت القرش ماعاش فوق البحر طافي =
لاهو ميت ولا حي ذاك الشين شارون =
تزين القارعه حيث ابن هندي وزنها =

تولّف بالقصايد وتعجبك الاقاويل =
وضيعت الهدف بين متواصل وجافي =
اداري بك ولكن ناسُ مايدارون =
واطفي نارك اللي تقول مولعنها =

عصى فرعون ربه وتدري به لقاء ويل =
وجانا الدين الاسلام بالحكمه وجا في =
يبخت الي على مافرضه الله يدارون =
وويـل اهل الكفر والضلال الله لعنها =

يابو ماجد هبينا الرشا فوق المحاحيـل =
وحب البرّ كلنـاه واصبـح بالقفافـي =
رضيو بعض الأصحاب والباقي يمارون =
وأنا تايه معاهـم وروحـي موجعنهـا =

انا باقبل نصيحتك ياخي والمح احيل =
ولكن ماقبل الرميه الي من قفا في =
قصايدنا عليها بعد باقي يمروون =
سفينه غارقه من يرد الموج عنها =

قصايدنا صريحه ولا تحتاج تاويل =
نوجّها ونرمي ولابه شي خافـي =
فقارا يالبطل مامعانا مال قارون =
ولو طال العمر فالحياه مودعنها =

يابو ماجد في الحرب جاء علماً وتاويل =
وما خوف كثير البشر من لا يخافي =
تدري الوعلان ماتهدم النايف بقارون =
انا وديت لك علم وانته ود عنها =

مريّح خاطري وأبصر دروبي تساهيل =
ولا يختل شعري معا نونـي وكافـي =
تواضعنا على شانكم يامن تجـارون =
وجوه أحبها وأي وجوه أصدّ عنهـا =

وجوب الضيف عندي تراحيب وتساهيل =
حصل ماقد وصل والبديع يقول كافي =
يابن هندي نقل للذي خايف تجارون =
وصحبة كل جيد انا ماصد عنها =

بنرميكم وترمي معي طيرُ أبابيل =
وامشيكم على خط مافيه إنعطافي =
مادام أنتم غشم بالقصايد لاتبارون =
ترون المعرفه ربي اللي موزعنها =

تمثلنا في العلم ماحسب هبابيل =
نعينا صاحباً مات ولا انت انع طافي =
من بر ابوه ياشيخ جاه اولاد بارون =
والعاقل رميت الغير ليت توز عنها =