|
نهار سبعة عشر
نهار سبعة عشر سبعة بتالي رجب = يا ليتني ما دخلت السوق وانا اجنبي العصر مريت يوم السبت سوق الذهب = لقيت مخلوق لا هندي ولا مغربي من شوفته ما لقيت الا السهر والتعب = صار السهر والتعب من شوفته مكسبي اللبس لبس اجنبي والدم دم العرب = زولٍ ليا شافه الشايب يعود صبي مكملٍ بالجمال وبالحسب والنسب = قلت:السلام وتبسم قال: لي وش تبي وليا تقربت من زين الحلايا هرب = واقول:عطني الصراحة وانت ابو ما تبي بغيت اعرفه وش اسمه مير ما الله كتب = يقول:ابي سمعتي واخشى على مذهبي تبين النور من خده على واحتجب = يالله عليك الخلف تخلف علي تعبي انا قتيل العيون النجل سود الهدب = ذقت العنا والعذاب ولاحصل مطلبي قلت : ارحم اللي طواه الهم وانت السبب = قالت : لعله يطاولك السهر بسببي قلت : الظليمة حرام بكل حشمة وأدب = قالت : معي علم وصانا عليه النبي انشد ولا يلحق النشاد لوم وعتب = انا غريب وقضى مايي وقضى مزهبي انت من اهل الكرك والدير ولا حلب = قالت : يشيب الولد ماحصل اللي يبي قلت : انتي من السويد اهل الفرح والطرب = قالت : بلاد العروبة رغبتي وطلبي انتي من اهل الخليج مخلصين النشب = قالت : من المسلمين وجد ابوي عربي و اللي يقول الهوى كله خطر ما كذب = قلت : اوعديني وعد بس اذكره واكذبي قامت تعجّب وقالت : يا زمان العجب = يا لايم اهل الغرام انا اشهد انك غبي عليك رسم البداوة والزمان انقلب = قالت : عظامي ودمي واللحم والعصب انا من البدو كان الدم وصْل الركب = يوم السلاح المفتل والرصاص حلبي الشاعر / احمد الناصر منقول مما راق لي |
. ***** يا سلام يا سلام على الاختيار الجميل سلمت وسلمت ذائقتك ونقلك ومن عندي الصوت للقصيده ***** |
شكرًا جزيلا أخي عبد الرحيم برغم جمال القصيدة لكن مرورك وإضافتك أجمل
|
اختيار موفق لهذه القصيدة يا سمي للشاعر احمد الناصر وإضافة أبو توفيق إنشادها بالصوت كانت إضافة موفقة القصيدة حلوة ووصف الشاعر لأحداثها أجمل ...وفي النهاية ما عرفنا من فين هذا الهيل الذي حمل كل هذه الأوصاف لك تحياتي . علي بن حسن |
تكفى يا عمي وسميي أنا ضاعت علومي ولخبطت وأنا ما عرفت من أي بلد أخاف اعرف يطلبون أهلي العوض من الله في ولدهم أو أعلم إذا عرفت البلد ويقنتن نساء أعضاء المنتدى ويدعين عليه بدعوة ساحقة ماحقة وش تنفعني معارفي ذيك الساعة . لكن ما غاب عن العين يحلى على الكبد . حامض يا عنب |
هلا وغلا اخوي علي نورت الساحات قريت الأوصاف وبحثنا بكل الكتب ... والراس شيّب وشابت لحيتي وشنبي ما نالني من قرايتنا يكون التعب ... مذهب حسين الوصايف خالف لمذهبي لكنّي استمتعت بما كتبت لك الشكر |
اقتباس:
شكرا جزيلا أبا سامي متميز في ردودك وفي أخلاقك وفي تعاملك تقبل تحياتي |
| الساعة الآن 03:33 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir