ساحات وادي العلي - ما كل من يضحك سعيد بدنياه >>وما كل من يبكي دموعه حزينه

ما كل من يضحك سعيد بدنياه
وما كل من يبكي دموعه حزينه
أحدن بكى .. والكل يدري عن بكاه
وحدن مع الضحكه تحس بونينه
ياشين فرقى الحب وياشين بلواه
والمشكلة دنيا بلا حب .. شينه
والزين ما يكمل ولو كان ماحلاه
إلا حبيبي ماتغيّر بزينه
ماجيت أسولف عن حلاه ومزاياه
يكفي أحاسيسي وقلبي عارفينه
كن الفضا في غيبته ضاق مسعاه
وكني غريقٍ ينتظر له سفينه
شف دنيتي ياصاحبي عقب فرقاه
مثل الظلام اللي حصل بالمدينة
باكتبه أنا في صفحة الشعر واقراه
وباذبحه بزود الغلا دون سكينة
وبارسمَه في لوحة الشعر وانعاه
وبادفنَه بين الضلوع الحنينه
بوسط الحشا في داخل الصدر مثواه
إما يسار القلب وإلا يمينه