ساحات وادي العلي

ساحات وادي العلي (http://www.sahat-wadialali.com/vb/index.php)
-   ساحة الأدب الفصيح (http://www.sahat-wadialali.com/vb/forumdisplay.php?f=87)
-   -   انا البارحه تهت في غبة العاشقين آخر الليل ذقت العزاير (http://www.sahat-wadialali.com/vb/showthread.php?t=20236)

عبدالرحيم بن قسقس 05-16-2015 03:50 PM

انا البارحه تهت في غبة العاشقين آخر الليل ذقت العزاير
 
.

*****

من روائع الشاعر/ خلف بن هذال العتيبي

انا البارحه تهت في غبة العاشقين آخر الليل ذقت العزاير
وانا مؤمن(ن) بالقدر خيره وشره
فـ يذا القلب والعين ملت من النوم مالوم من له مع الناس حاجه
ولا حد(ن) ينوم وحاجته ما قضاها

تعديت واخطيت وابطيت يازين مازارنا من طوارفك زاير
وقلبي ليا جابوا مجالك يسره
غرست المحبه كما غرس جذع النخل صاحي الفكر يعرف خراجه
يعرف السلع ان باعها وان شراها

خبر خير ياطير كانك على نجد مع شلعت النور ياطير طاير
ابا انخاك وابا اوصيك مليون مره
على من سباني بخده وخشمه وعنقه وعينه وسكبة حجاجه
ونفس(ن) خفيفه رافع(ن) مستواها

عليه اشقر(ن) يستر الصدر والجنس ماشفت شكله بسبع الجزاير
ولا فيه من عذروب مثقال ذره
عليه اسهر الليل لو السهر خابره للعيون الشقيه سماجه
اسلي جروح(ن) وين ابلقا دواها

وابا اصبر على الصد والهجر والبعد وبجاه ربي تدور الدواير
وانا خابر(ن) فرقا الحبايب مضره
ويا كامل العقل والميز والملح واللطف والزين لبس بتاجه
مصابيط ربي كيف تلحق جزاها

محبتك تبني من العام الاول وزادت بوسط الضمائر مناير
وقلبي طواريف الهوى ماتغره
ياطول الايام هي والليالي متى ياللطيف النظيف انتواجه
تهنى العيون ويسعد الله مساها

وانا احبها حب زايد على شانها ما بعد وقفت فالعواير
ولا جالها بالسوق سمعه وجره
وياليتني دايم الدوم وياه خلان والجرح يكمل علاجه
تحسن حياتي من خلاها بخلاها

*****

غرم الله الفرنك 05-23-2015 08:26 AM

الله الله يابو توفيق

ذكريات مضت وأنقضت

مع خلف هذال


الساعة الآن 04:24 PM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By Almuhajir