ساحات وادي العلي

ساحات وادي العلي (http://www.sahat-wadialali.com/vb/index.php)
-   ساحة الأدب الشعبي (http://www.sahat-wadialali.com/vb/forumdisplay.php?f=88)
-   -   الا ياالله ياللي تحت هيبة سلطنتك اسلمت للشاعر سعد بن جدلان (http://www.sahat-wadialali.com/vb/showthread.php?t=20875)

عبدالرحيم بن قسقس 04-30-2019 03:21 PM

الا ياالله ياللي تحت هيبة سلطنتك اسلمت للشاعر سعد بن جدلان
 
.

*****

من روئع الشاعر سعد بن جدلان

http://www.sahat-wadialali.com/vb/up...1556626885.jpg

رحمه الله رحمة الأبرار وغفر له واسكنه الفردوس الأعلى من الجنه

الا يا الله يا اللي تحت هيبة سلطنتك اسلمت = لك المسلم يسبح لك بحمدك ولك الاسلامي
احمدك واشكرك واثني عليك بما علي انعمت = تزودني وفا قدر العشير ووصل الارحامي
ولجك الفجر يا ليل الذهول اللي علي اضلمت = بعرضك واقع الماضي بعيني عرض الافلامي
ولهتك يا النديم اللي على صافي وفاك اضرمت = بصفحة ذكريات العام واللي من ورا العامي
بعد تقرير مشوار التجارب نجحك واجزمت = بان السيف سيفي والعصا والمحزم احزامي
عطتني عزلة اخلاصي معك نسيان من نادمت = كتبتك وانطوت صحفي عليك وجفت اقلامي
اباهي لا ابالي واتبيسط كل ما قدمت = اشب النار قـدام العرب واشيد اخيامي
نهاري حر شمسه يستحي منها لسان الشمت = وليلي ترقب نجومه ملامة كل من لامي
على ضو الكلام اللي كشف عنا ستار الصمت = عرفت اني تحت برق الامل في روض الاحلامي
احسب انك تيمم باتجاهي وين ما يممت = واثر ما انت بورايه في الطريق ولانت قدامي
كثر ما حن صدري للونيس وكثر ما درهـمت = فجر صدري حنيني واتعب الاقدام درهامي
عيون الصد وعيون التجافي حول مهما اكرمت = تشوف المجتهد كسلان والبناي هدامي
مصيبه لا تدنت قيمتك في عين من قيمت = يشوفك بالسهل وانته تشوفه بالسما السامي
مدام ان جانبك شام لجنابي وانت عني شمت = كثر خيرك وانا مانيب لا جايع ولا ضامي
اشوف انه علي واجب ليا مريتكم سلمت = مرور اكرام تربطه الكرامه عند الاكرامي
على شان الخفوق اللي على عرشه قعدت وقمت = حجب عنك الدجى لين اشرقت لك بيض الايامي
ختام السالفه يا طيب العشره كرمت ودمت = هذا حقك علي وحق هقواتي على اوهامي
مصير الوقت يشرح لك دروسه وان غفلت ونمت = يصحيك الزمان اللي يصحي كل من نامي
تذكرني لـ منها خابت اوهامك في من وهمت = وشفت الفرق في حب الخشوم وحب الاقدامي


*****


الساعة الآن 01:26 PM.

Powered by vBulletin® Version 3.8.7, Copyright ©2000 - 2019, Jelsoft Enterprises Ltd. TranZ By Almuhajir