|
كاتب الساحات المميز / علي بن حسن , وسيارة جديدة من نيسان
تهانينا القلبية لعضو الساحات وكاتبها المميز / علي بن حسن ,, على السيارة الجديدة من نيسان باثندر ربنا يعطيك خيرها ويكفيك شرها يابو حسن تعيش وتركب احس منها .. تستاهل كل خير .. http://sahat-wadialali.com/vb/upload...1212430608.gif بس الاكلة لا تفوتنا منها والا احلام بن رمزي على الذمة .. |
صحيح الريس ملزوم لنا بدعوتنا لأكله بمناسبة السيارة لكن بسسب خطأك الفادح في لون السيارة (أبيض) آشوف أن الريس مايلحقه حق (دا اقتراحي في الئضيه بئا) |
الأخ العزيز علي أبو علامه يا مرحباً بك وبعلومك الطيبه وليس بمشكله اللون مايهم كما قال أبو ناهل بس تعرف أبو ناهل مدهوك على ؟؟؟؟؟؟؟؟ ولا يقدر يهرج خلك منه وأنا معاك على طول الخط والريس يستاهل هذه السيارة وأحلى وعيني عليه بارده والله يعطيه خيرها ويكفيه شرها وعبدالله بن رمزي على الذمه وجاهز ولا ودي أضطر على الحلم بنفسي لا عدمناك أبو الأديب علي |
لابد من طلعة للبر لتجربة الجيب
يعطيك خيرها ويكفيك شرها |
مشكور يابو ناهل ما نواخذك بس خلك بعيد عنا واحنا بنتخارج مع ابو حسن بعدين انا ما جبت سيرة اللون دمت بخير |
اقتباس:
تعجبني يابوعلي جهز الحلم انت وبن رمزي وخلوه في البر |
ألف ألف مبارك
يعطيه خيرها إن شاء الله وأنا سمعت والله أعلم إنها بتقنية Gps يعني لازم طلعة للبر نجرّب ونتعشى على حساب الريس وكل واحد ياخذ له دورة كني سمعت الريس يقول دار بك راسك ..... لكن ماشي خلاف.... مقبولة....!!! المهم يحصل المقصود |
يعني ياأبوأديب كل من حاول يفتل حكم معك أنت والعديلين أبوعلي وأبوسهيل يتعب .. جالس أخطط من أسبوع لمخراج الديره نشوف أبوعلي بجيب ومن جيب الريس وكنت سأضيفك للقائمه أما ذا الحين فمالي صلاح تخارج مع أبوحسن على قولك |
مبروك ألف مبروك لأستاذنا القدير علي بن حسن ، والله يعطيه خيرها ويكفيه شرّها .. أنا أتمنّى تجربة الإكسبدشن أيضاً بشكل جماعي في نفس الطلعة البريّة ، حتّى نفرّق بين الصناعة اليابانيّة والأمريكيّة ونتعرّف عليهما عن قرب .. ومن يملكه سيبدي موافقته ( على طووول ) ولن يبخل على أحد .. مبروك ألف مبروك ، وشكراً أستاذي علي أبو علامة على نقل الخبر .. |
ألف مبرووووووك ياريس,,,
ويعطيك خير ويكفيك شره إنشاء الله,,, وخبري فيك تحب المناظر الطبيعيه الخلابه,وفيه مكان هنه في الباحه يشرح الصدر(جهة زهران)إن كان ودك,,, ومنها نطعم ملح الموتر الجديد,,, |
أقول الريس لا حس ولا خبر لكن الفزعة يا عبدالله بن رمزي ودنا بخالي في طلعة برية ومنها نجرب GPS ونشوف دقته في تحديد المواقع الرجال جالس يتهرب ولاهيب هقوتي في خالي عندي إحساس بأنه بيقول الله يحييكم قريب |
صراحة ان انس جاب الحل اللي يجمد على الشارب وصاحب الاكسبدشن لا يمانع في رحلة جماعية نزور بعض الرفاقة وانا سمعت ان ابو حسن يبي يسوي وليمة كبيره بس مالقي القدور اللي تسع الذبايح لكن بننتظر وفرج الله قريب وش قلت يابو علي |
القدور عندي وانا ابو هندي لا يدور الريس ولا شي وخذوني معكم وانا باركب في السيارة الجديدة بجنب السواق في الغمارة عشان اني جبت لكم القدور .
|
تم تم تم
أقول يا أخي علي بن محمد أبو علامه خالي جبل الشعبه جاب الحل اللي كما قلت سبب إختفاء أبو حسن القدور وأنا أقول تم تم تم |
ابشر ياجبل الشعبة اركب جنب السواق ,, بس حرك الرجال دورنا له عذر وحليته خله يتحلحل هوه ,, والا بنحلحله بذاك الحلم اللي يشوق العين وفزعتك يابو علي معنا بالرجال |
المشكله أن أبوأديب وأبو علي مايعرفون كيف يفكر جبل الشعبه تراه خطير ماشاء الله عليه وقصده يطبق مباديء قصته (الرجل الذي ضرب على وجهه) ويشوف عن ردة فعل الريس وحلمه وآبو أديب ياغافل لك الله ... خذ علم مؤكد ياعلي تراها خطه وتبريره جاهز ... القدور ضاعت - آنا قلت في الغماره والجيب مافيه غماره ... آنا نصحتك ياأبو أديب وانت بكيفك |
طيب يابو ناهل براسك حلها ورنا شطارتك هذا عمك وانت اعرف منا به والله اظن الريس ماهو سهل ما سموه الريس الا على اسمه لكن ان كان بتطاوعوني نصهده احدى الليالي في بيته ونحطه امام الامر الواقع |
الف مبروك لجدي ويستاهل كل خير (دايم) :cool:. ويالله طلعة بر كلنا بعدد الركاب والقدور بالخلف ونشوف قوة التحمل في التطعيس :66: |
يا أبو أديب
الظاهر الريس كما قلت ريس على اسمه لكن أنا معك بنصهده في بيته وبعدها نحلم على راحتنا بعيد عن عبدالله بن رمزي ها قل تم |
نما الى علمي يالربع أن الريس سافر للمشاركه في سفاري دبي وقد اجتاز التجربه الأوليه وبيختبر بعد أيام ... لأنه يبغى يقنعهم ان الباثندر جيد في التطعيس تراني علمتكم ولاعاد يلحقني شرهه http://alittihad.ae/assets/images/20...8_b_030406.jpg الصوره السابقه توضح حمى التنافس وهنا سيارة الريس تحت التجربه http://mjbryan.com/FosbergD/pics/Dubai%20015.jpg |
أولا .. ألف مبروك لأخي علي بن حسن الله يعطيك خيرها ويكفيك شرّها .. وتستاهل الخير .. ثانياً.. بالنسبة لأحلام بن رمزي .. فأنا البارح حلمت إني أشوف مجموعة من أعضاء الساحات عند بيت الريس وكل واحد في أيده زرف .. قلت خير يالربع وش فيكم هنا .. قالوا الريس اشترى سيارة جديدة .. وقلنا ما يسير .. صاحب وصديق لازم نجي نبارك له في السيارة وتعرف ما قدرنا نتفق على مبلغ واحد .. عود كل واحد جاء بمباركته بنفسه .. قلت طيب بتحرجون الرجال .. قالوا يستاهل .. يستاهل .. قلت لهم الحقيقة إن محفظتي فاضيه والصراف بعيد ودّي بواحد يسلفني ( 1000) ريال حتى اصرف قالوا أنت مجنون من يسلف اليوم .. وثانياً ما عندنا زرف تحط فلوسك فيه .. لذلك أضطريت امشي .. خايف يخرج الريس ويشوفني معهم وأتورط .. ومشيت من عندهم وطبيت في مطب كبير .. وإذا بي صاحي من الحلم .. بس على الله ياريس يكون الربع تجملوا معك ... |
اقتباس:
ياحيا الله أبو سامي وأحلامه أ ولاَ: الله يبارك فيك وشكراَ على الدعوات الطيبه كما أشكر كل من دعى لي بدعوة طيبة من المشاركين في هذا الموضوع ثانياَ: حلمك بخير وأبشر ..حلمك أمر أما الأخوة الذين رأيتهم في الحلم وكل واحد معه ظرف فالله يخلف عليهم مباركتهم مقبوله ..النقد مقبول .. والعينية مرفوضة مع عدم الأحراج ..وما أبغاها في ظروف ..أبغيها مكشوفه حتى تبان للجميع ويكون حرارة ردي بالكثار بالخير على قدر قيمة المباركه ..الله يحييكم تحقيقاَ لحلم أبو سامي ...مابيبرد كبدي إلاّ إن أبو هندي جبل الشعبه اللي معبي قدوره وبيربطها في فوق سطح السيارة مكببه على عراويها على شان تفلج العراوي لها مجرى فوق سطح السياره ..وهو يعاد راكب في الغماره وفي يمينه خاتم كما الفرفرة ينقع به في سطح السيارة من الفرحه بالعزير ..آسف قصدي العزيمه ..خلوه يريحنا من قدوره وانتم الله يحييكم لتحقيق الحلم في البيت . علي بن حسن |
افا يا لعلم .. يعني ما بعد جوك الربع بالمباركة ... ويقلون الريس الريس كبيرنا وبيننا وبينه صداقه ... طلع كله مجرد كلام .... وجبل الشعبة ما صدق .. الله يحييكم على حساب أخي والقدور عندي وهو أبو هندي ... وأنا أقول .. الربع ما رضوا يسلفوني أثار الظروف فاضيه من الدراهم بس على الله ما يكون فيها محاقر .. ولا يهمك ياريس .. عبد الله رمزي .. يسدّك في هذا الأمر .. أي واحد يجي يبارك لك ولامعه مباركة .. أرسل لي على الخاص وخلني أمارس هوايتي في الهجاء .. واغديه لكّه عند كل من دخل الساحات .. |
اخي الفاضل علي بن حسن انا من حقي اركب في الغمارة بصفتي راعي القدور وانقع نص قرشي واما نقعي بالخاتم في ظهر السيارة فمثلك ما يعلم راكب مع اخي في الغمارة والقدور قدوري وخذتني النشوة ومن حسن حظك اني ما شليت بالطرق ولو تسمع اخوك وهو يشل بطرق الجبال ومقطوعة ( احن حن الكناور في الخلا الخالي ) العاطفية كان شفت من دنياك عجب ادري انك بتشبهني بشي يعوي . من باب الغيرة من جمال صوتي ليت معي بصيرة واسمعكم ذلحين صوتي وتحكمون ....مع السلامة يا شيخ جرحت مشاعري وانا رجال حساس . |
اقتباس:
خلهم ينفعونك.. وشل بطرقك عندهم ..ولاتفك عنهم إلى الصبح. |
احم احم انا اتفرج بس لكن اشوفها حامت حدادي بعض الناس شغلك يابو علي لا يختلف |
. ***** ابشر بي يا خال علي بن حسن بكره وانا مبندر عندك اعد الدراهم وأصب القهوه وأحمي السياره وإدرجها على اليمه ***** |
اقتباس:
ابو حسن كريم في بيته كريم بخلقه بادبه بطيب معشره احتويتنا باسلوبك الأخاذ بحبك للكل دمت حبيبا ومحبوبا للجميع نهني ونبارك ونسال الله ان يمتعك في مركوبك وان تقضي فيها اجمل واحلى ايامك ويطول بك العمر في صحة وسعادة وعبادة لمولاك .. حبينا نداعبك لعلمنا بسعة صدرك ولما نكنه لك من محبة وتقدير واحترام لذا تجرأنا عليك لثقتنا بك ... ولا نريد الا سلامتك وسعادتك في الدارين وندعو لك بظهر الغيب يكفينا منك تواجدك معنا في الساحات كما هو تواجدك في سويداء قلوبنا دمت بخير وعلى خير .. يالغالي وختامها مسك |
اقتباس:
امدح وإلا اقعد ما معك إلا ميص ... إلا أن تنفذ ما ورد في الحلم عندها ابو حسن يعمل ما يريد ... وخلوا جبل الشعبة يقصد لكم بطرق الجبل وأنتم تطبلون في القدور والأخ علي يقول الله يحييكم لتحقيق ما ورد في الحلم لاتحسب إنه يرحب ببلاش .. وبعدين ياما من ناس إشتروا سيارات جدد ما شفنا منهم براد شاهي . إش معنى الأخ على تطالبونه بأكلة .. خاص ..الأخ على ..ماعليك منهم معهم واحد من سند البيت يحرضهم ... يعني ( شرّك من قاعة إيدك ) .. |
أبو أديب أبو سامي وكل الأخوه الذين شاركوا بالتعليق والله إن أسعد وقت قضيته كان مع مشاركاتكم في هذا الموضوع ..وأول ما أفتح النت أذهب للموضوع وأتابع التعليق وأستمتع بمحتواه والتعليقات الخفيفة والظريفة والدعوات الصادرة من القلب ...أسعدتموني بتعليقاتكم ...وأسعدتموني بدعواتكم لي بالبركة ...والفضل يعود لحبيب الجميع أبو أديب ..فتح الموضوع عن محبة وتوالت التعليقات عن محبة من محبين ..شكراَ لكم جميعاَ على ما أبديتموه من مشاعر طيبة .. أما أبو هندي أبو قدور فدواه عندي . علي بن حسن |
لحسنا فكس
والله البلشه لحستنا فكس يا أبو حسن طيبت خطرنا بكلامك الهيل ورحنا من المورد بلا حمص وا جبلاه ما معنا إلا إنت تقصدلنا وما يهم بنقع في القدور أخيرأ تستاهل أبو حسن خالي ووالدي العزيز كل خير والله يعطيك خير هذه السياره ويكفيك شرها والحقيقه إنها كلها مداعبه مع والدنا العزيز على قلوبنا متعك الله بالصحة والعافية ما حييت وجعل عيني ماتبكيك وأنت نورها |
. ***** ان كان تقبلون الشور فندور لنا استراحه في طريق المدينه ونجيب عبدالله رمزي ونجهز له غرفه يحلم فيها وترى احلامه ما تخر المويه وعنده حلول المهم جبل الشعبه لا يدري وإذا نشد أوعدناه على طريق الليث ***** |
اقتراحك جيد وجبتها يابوتوفيق لكن ليه ماتكون في طريق مكه (حي العدل مثلآ) لقربها من عبدالله والمكان تراثي يخلي الحلم فيه علوم وعلوم وأيضآ أحمد بن فيصل يعرف استراحه طيبه هناك وتراها على الشف . |
اابشركم استغنينا عن احلام عبدالله بن رمزي وماعد لها فايده مع التقنية الجديده اللي جابها الريس في سيارة الجديدة GPS تحديد المواقع وبدقه متناهية وجرتها قبل يومين معه وقمنا بعمل تجربه عشان نشوف مدى الدقه وممكن مشاركة الجميع في التجربه حددنا موقع وسوينا الاحداثيات على الموقع وبنبدأ التجربة والاحداثيات هي ( الباحة _ وادي العلي - قرية الحلة - بيت ابو علي ) وبنشوف الدقه في التحديد وبمشاركة الجميع وبدا السهم يأشر علي بيت ابو علي بس نحدد تاريخ الانطلاق للتجربه (متروك لكم )
|
صوهد بالعربي تعجبني هذا الكلام اللي يجمد على الشارب ويطيح الطير من السماء جاهزين للتجربة حددوا الوقت وانا اول القوم وخلي ابو على يحسب ارشاده قاعد في الديرة يفتل حكم ويحرق عشاش ما درى انا له بالمرصاد غلق موسم اللوز والمشمش والتفاح ما تعذر بحبة يرسلها لنا في ادارة الساحات لكن ياويله ويا سواد ليلة تجي الصيفية ويكون خير يابو علي حـــــول !! |
يا مرحباً تراحيب المطر
يا مرحباً تراحيب المطر وأنا مستعد لكل الأعضاء الكرام في وادي العلي إنشاء الله بس لا تعجلون عليه خلوني أغلق البيت حقي في عام 1435هـ إنشاء الله وإن أعطانا الله وإياكم عمر لأنه ما هو معقول أقول الله يحييكم في بيت الوالد لذك المشكله في البيت فقط ولا تقولون نخليها بريه فأنا ما أحب البر ولا أحب الإستراحات ولا المطاعم فخلوها في البيت في نفس التاريخ المذكر أعلاه وأبشروا بكل خير |
اقتباس:
حلو لا والله حليتها يابو علي ما خليت لنا باب مفتوح نقدر ندب معه لكن ما فيه مشكله الحل عندي بنريحك من الموضوع كله , اعطناها ورق كم ورقة زرقاء واحنا بنتصرف نسويها في البر والا البحر وانت خلك الين يغلق بيتك واسكن مسكن العافية والسلامة ,, هاااااااا وش قلت حل في مكانه والا لا |
. ***** أفا يا أبو أديب وشيقلون الناس عن ابو علي لو اعطانا ورق زرق انا اشوف ندور غير أبو علي ***** |
لا فوض فوك يا أبو توفيق
يا أبو توفيق الأخ علي يبغى يغديني لكّه بين العربان وكلامك يا أبو توفيق ينحط على الجرح يبرى وبعدين أن ما قلت شيء قلت إبشروا بالخير وكل شيء في وقته حلو وما بيحلى إلا عندي فالطرفين ويا أبو أديب فرمل شويه لا إلاه إلا الله ساعة معي وساعة ضدي خلها شوي وبشروا ها قل تم 0 ( قاعد تشمت يا أحمد بن فيصل طيب طيب ) |
عداك العيب يابوعلي وكلامك عين العقل وأبوتوفيق جاب الحل وأنا حددت المكان لكن ... |
| الساعة الآن 09:49 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir