ساحات وادي العلي

بلغي يانجوم الليـل حبـي وشوقـي
خـــلّــــي الــغــالـــي
واخبريه ان مضمون الرسالـة سـلام
مُنْية الروح محبوبي ونبضة خفوقـي
والله الـــــــوالـــــــي
لجله الطرف سهـرانٍ يعـاف المنـام
طلعة البدر من وجهه ونور الشـروقِ
مـــالــــه امــثــالـــي
جلّ من كمله بالحسـن بـدر التمـام
نار حبه كوتني خلّفـت بـي حـروقِ
وانـــظـــروا حـــالــــي
من يرى حالتي يعـذر وكـف المـلام
صاحبي صاحبي حبّك سرى في عروقي
كــيــف يـهـنــا لـــــي
مـرّ وقـتٍ طويـلٍ مابلغنـا المـرام
مرّة آحسّ ما بينـي وبينـك فـروقِ
مــنــزلـــك عـــالــــي
وآتباشر عسى في القلب طاب المقـام
ومرّة آراك عني مثـل بعـد البـروقِ
والله اقــــــوى لـــــــي
آترقّـب لبـرقٍ مِعْـرِضٍ فـي غمـام
أنت يازين لي شهد العسل وانت ذوقي
يـــاهــــوى بـــالــــي
وانت لي في توالي العمر مسك الختام
لجلك آردد الحانـي وعالـي طروقـي
شِـــعْــــر ومْـــلالــــي
وانت خصمي وبشكي لك جروح الغرام
يامنى خاطري تُقْتل في المهد شوقـي
وانـــــــت قــتــالـــي
مادريت ان قتل النـاس شـيٍّ حـرام
ياهـل الله ماللزيـن قلـبٍ شـفـوقِ
يـــرحــــم الـــحــــالِ
بعدما شال مني مهجتي فـي الزحـام
ردّوا القلب لـي ولاّ علـي السـروقِ
ويــــش يـبـقــى لـــــي
ما ترفّق علـى قلـبٍ رمتـه السهـام

منقول