ساحات وادي العلي - [ وَجْهَ الغِياب ..! ]

http://sahat-wadialali.com/vb/upload...1279245379.jpg

:

ضَحَك وجْه الغياب وْعانق القنديل

طِفى ماشَبّ ضَـوّه ليـل قنديلـي

على صفحة جبينه دمعتي وتْسيـل
تِهِـلّ أحزانهـا وتْبِـلّ منديـلـي

تَزاوَر فرحتي عنّي واصيح بْ ويل
ويَغرق حلمي المعنـي بِتزميلـي

وبِشْفاه الأمانـي ضَـجّ بالتّرتيـل
ثِقَب شوف الحنين بْراس إزميلـي

مِسَح راسي بِكَفٍٍّ ترتعش تنميـل
وتِخفي بينها صوره حَوَت جيلـي

أنا واطفال وُامّ ٍ للجـروح تْشيـل
تَعَرف السّالِفـه مِنّـي وتحكيلـي

على ضْفاف المحاجر بان لي تأويل
تَنَهّـد وَجْـه بالصّـوره يِغنّيلـي

توارت دمعتي تِخلِف وعَد ماقيـل
تِخبّي عنهم اكسور ٍ نِضَت حيلـي

ترتّبني على صَـدر الحَيـا تبتيـل
تِوارينـي / تِغَنّيلـي مواويـلـي

تِعيد السّالفه مَـرّات لـي تعليـل
وأسامِرها بَعَض مَـرّات تعليلـي

أعالج عينيَ الثكلـى بِغـزّة ميـل
ومِن زود الملامه يِنكسـر ميلـي

تِقول اغياب واشهق: ليلنا ياليـل
واقول انْحِنّ / تشهق : آه ياليلـي