|
أبوسامي لك داعي
الغالي / عبدالله بن رمزي : السلام عليكم ورحمة الله وبركاته ..... وبعد : عندي جار يشكي من ولده = شكلاً ومضموناً = الولد غير مبالي بالدراسه ومعه فوق راسه كما القفه ورأيته يوم يتحدث مع والده وعرفت حينها معنى جملة سمعتها قديماً ( ولدي مايهرجني إلا جنبا ) المهم طرأ على بالي هالبدع --- اقرأ لاهنت . البدع ولد جاري ياأبوسامي يبي موتر كيا غير حنه فالدراسه ضعيف ومالبلد شعرعالموضه وياشين ماتبصر كدش جيل ليت افعالهم ماتعجل مصرعنّا مايطيق يرد لطمه ولايد العدي -------- وسلامتكم جميع ---------- |
مرحبا اركداش srab حياك الله وعلومك وفي انتظار اركداش ابوسامي لا عدمناكما اخوين عزيزين |
الله يصلحك ياسراب ؟! أول 3 محاريف أتوقع انها مقبولة عند أبوسامي أما الإثنين الأخيره فالله يعينك .. ذكرتني بمدرب الوحده ( أبورجيله )وقصته مع ماجد عبدالله وقوله وهو يضرب بكفه على فخذه بعد تسجيل ماجد 3 اهداف فيهم (ماكان نايم صحيتوه ليه ) والقصه يعلمك بها علي ابوعلامه . |
طال انتظارنا يا ابا سامي ومتشوقين إلى ردك .
يمكن تقل وش احرق رزكم انتم والموضوع بيني وبين سراب . واقول صدقت وما لنا شغل والموضوع بينك وبينه لكن وش تقل في اللقافة ابت تريحنا ... |
وشبكم شعترتم القصائد من ساحه في الثانيه اجمعو قصايدكم في الموروث ورا الشفا نقاده |
سراب الله يمتعك بالصحة يعلم الله إني يالله يالله أخارج نفسي في القصايد بالعربي تقوم توهقني بلهجة الترك حسبك الله . أما محرقة العشاش فلا تؤاخذهم هذا طبعهم .. ما يصدقون إن فيه حريقه هم يجون يسعون تقل إنهم في الدفاع المدني .. والمصيبة إن كل واحد معه تنكة بنزين .. من يخاويني في الصيف ناوي تركيا ضايقا خلقي من البيت وأيضا ما البلد ما اعرف اتكلم معاهم ولا فيه اركداش لا تقل لي مصر فالله يبعد مصر عنّا ما عد أتحمل منوّر ولا يالدلعدي |
لا تقل لي مصر فالله يبعد مصر عنّا ما عد أتحمل منوّر ولا يالدلعدي اي بالله أي بالله أي بالله يالالالاللا لاله لالالله يالالاله مااعد اتحمل منوّر ولا يالدلعدي ...... رد غاية في الروعة ياشاعرنا الكبير ... |
صح لسانك يا ابا سامي ردك رائع كعادتك وفقك الله وما اخفيك كان ودنا يكن تأخرت اكثر وكما تعرف سوق محرقي العشاش هذه الايام مش ولا بد ولو تأخرت اكثر كان لقينا ما نتمصلح من وراه ولو ما يجينا الا صحن تمر وما يقتله .. لكن خلفت بالظن ورديت رد رائع الله يمتعك بالصحة والعافية .
|
اقتباس:
سلامة خلقك يابو سامي ابشر بعزك انا خويك في تركيا وغيرها واما مصر الله يغنينا عنها اخوك خوش اركداش قل تم |
بيض الله وجهك ياابوسامي وصح لسانك -- رد أكثر من رائع من استاذ بارع في مجال الشعر -- ماادري تسمح لي آخذ دوره في الغرفة المباركة فقد يتبناني أحد فروخ جنية الكاهن -- بارك الله فيك وادامك . |
عبد الحميد على ابو علامة شكراً لكم على المرور وأنا ادري إنكم مادخلتم لله لكن معكم نوايا الله يبعدها عنّا .. كذا كذا كذا كذا اما سراب فاعتقد إن القصيدة هذي ربما تكشف جزء من الغموض الذي يعيش فيه ومن شان يحسب حسابه في القصايد .. يا سراب الله يحييك الغرفة تحت أمرك لكن لو حصل لك شيء من احد الفروخ اللي أنت تقصدهم ما أنا مسئول واسمع يا سراب الظاهر إن أخر اسمك فيه ياء أنا فارش غرفتي زل ما فيها جُعد كل من قد زارني يلتقي وجهي بشاش مرحبا بالضيف وان زارنا لا يمتحنا يشرب القهوة ويمسي ويتعشا ندي |
بارك الله فيك ياأبوسامي وفي غرفتك وفي جنيتك وفروخها وشهادتي في كرمك وحسن الإستقبال مجروحة ولست بحاجة لها فقد شهد لك القاصي والداني -- آنا بأسوي يامعنني مافهمت مقصدك وسأوجه الرد لمعنى آخر يقول بن رمزي : يا سراب الظاهر إن أخر اسمك فيه ياء أنا فارش غرفتي زل ما فيها جُعد كل من قد زارني يلتقي وجهي بشاش مرحبا بالضيف وان زارنا لا يمتحنا يشرب القهوة ويمسي ويتعشا ندي وأقول : المطرنعمه ويلحقه تعبه لاهيا وان بلاك السيل عده ومالأفلاج عد لاتقل غرقان ماعد يبالي بالرشاش افترح به لاهطل لاتون ولاتحنا ماأحسن الآرض النديه مع العشب الندي -------- تحياتي للجميع ------- |
سراب ما شاء الله تبارك الله خرجت خرجة عجيبة وهذا يدل على إبداع شاعر متمكن .. على نفس النهج اسمع هذي اعرف إنك صفت عن ما قصدته من حيا وأنا بتواصل معك لجل غلي ما برد والذي مثلك عرفناه وادري فين عاش اعرف إنك ما تبي تبدل الجيد بالأدنى من سمع شعرك شكر فيه وسرى يحمدي |
أخي الحبيب / أبوسامي ماشاء الله عليك شاعرية مميزة وذكاء فبارك الله لك فيهما البدع الأخير يؤكد أنك عرفتني وهو إختبار لن اخذلك فيه -- عموماً خل السر في بير ولاحد يدري . يقول ابوسامي : اعرف إنك صفت عن ما قصدته من حيا وأنا بتواصل معك لجل غلي ما برد والذي مثلك عرفناه وادري فين عاش اعرف إنك ما تبي تبدل الجيد بالأدنى من سمع شعرك شكر فيه وسرى يحمدي الرد مرحبا بك عد ماقد نظرنا من حيا وعدد مايلمع البرق وحبوب البرد عد رمان المشارق وماتنتج نعاش من لفانا يبصرالجود شيمه في بلدنا ويرى حسن التراحيب وسرايح مدي -------- تحياتي للجميع ------------ |
حياك الله ياسراب في ساحة الموروث وهذا ترحيب بك ولكنه من نوع خاص لاعدمتك . أسمع ولايهون ابوسامي : البدع أبعث الترحيب عن ود مانبعث ريا والوفا منهاج خذته من ابوانً وجد ماأحتفيت إلا بشرواك مانفرح بلاش كم بنينا في زمنا وهدينا وشدنا والرضا غايه ومطلب وفيه نجاهدي .......... وسلامتكم .............. |
أخي الكريم / أبوناهل أشكرلك هذا التواصل الذي يدل على أنك تسعى لذات الهدف وهوخدمة الموروث بأي شكل --- نحن نعي أن للشعرفرسان وعلى رأي أستاذنا / عبدالله رمزي لو كنا منهم لوجدتنا في ميادين العرضة نقارعهم --- اعود للموضوع بدعت فقلت : البدع أبعث الترحيب عن ود مانبعث ريا والوفا منهاج خذته من ابوانً وجد ماأحتفيت إلا بشرواك مانفرح بلاش كم بنينا في زمنا وهدينا وشدنا والرضا غايه ومطلب وفيه نجاهدي ------ وهذا ردي وآمل أن يجي على مافي خاطرك : الرد الرضا والستر ماهو على نبع اثريا وإلا مثل اللول والماس غصبً ينوجد الذي يبغاه يلقاه يالغالي بلاش من قعد يرقب وش اعلى من أخوانه وش أدنى بات يرجي المال مالدهر مايرجى هدي ----- تحياتي للجميع ------- |
مع إنك يالسراب مشروع شاعر قادم لكن أنصحك لا تحوم من حول جنية أبو سامي ، فروخها ينفرون في الوجه إلاّ إذا رأيت إن جنيتك فيها الشجاعة تقاوم فروخ جنية أبو سامي ...تقدم وأنحن وراك ..لكن بد عرفنا بنفسك وانحن معك . علي بن حسن |
( مع إنك يالسراب مشروع شاعر قادم لكن أنصحك لا تحوم من حول جنية أبو سامي ، فروخها ينفرون في الوجه ) حياك الله ياريس ووجودك في هذه المشاركة شرف كبير لنا وانت نشدتني عن علم وهذا ردي بارك الله فيك : البدع جن ياريس مسالم وبه جن أشقيا وابن رمزي فرخ جنيته باقي ولد حوب يعرف ويص خل المثايل والمناش هذا قول الحق مانفتريه ولاجحدنا كم نصدرمن معاني ونقبل واردي --------- تحياتي للجميع -------- |
بما انك ياسراب وضعت بدعاً ولم توجهه لأحد وبما أن اللقافة طبع في لم ولن أتخلص منه فقد تكفلت بالرد عليك مع التأكيد ان الريس بعيد عما تفكر فيه وقصده المداعبة ليس إلا . .................................................. ...... البدع من سراب جن ياريس مسالم وبه جن أشقيا وابن رمزي فرخ جنيته باقي ولد حوب يعرف ويص خل المثايل والمناش هذا قول الحق مانفتريه ولاجحدنا كم نصدرمن معاني ونقبل واردي .................................................. . الرد الذي مثلك عرف وش غزايل وش قيا وعرف ذا في الملمات يتخبى ولدّ ماتلاقي بيننا من بهت مؤمن وناش ومقدمنا بحكمه وبالمنهاج حدنا ماقد آوى أهل الغوايات وإلا آوى ردي ........ وسلامتكم ............ |
تقل لي مصر فالله يبعد مصر عنّا ما عد أتحمل منوّرولا يا الد لعدي الله ما اروع ردك يا ابو سامي تصوير وتطابق وقارعه ما شاء الله عليك 0 والسراب ابدع واجاد في البدع ومنك الرد المناسب 00 |
| الساعة الآن 12:04 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir