|
منـــزل للبيــــع
منزل للبيع ... بموقع ممتاز .. متوفر جميع الخدمات من يرغب الشراء الاتصال بوكيلنا / احمد بن فيصل http://sahat-wadialali.com/vb/upload...1256499896.gif http://sahat-wadialali.com/vb/upload...1256500365.gif |
الغريب ان البيت جميل وتصميمه رائع وموقعه اروع رغم ان صاحبه ....... سبحان االله الله المعطي .
شكرا لك يا علي ابو علامة وانا بافتح باب السوم البيت علي بعشرة الآف نصها ذلحين والباقي عند الافراغ قل تم قل تم قل تم ولا تردها قل تم . |
. ***** كلم الوكيل يا أبو اديب يركب شبك حديد في الدور الثاني وبعدين نتفاهم ***** |
الصراحه ماشاء الله موقع استراتيجي والزبون جاهز لكن ودنا نعرف أسباب البيع ؟! خايف يردد المشتري بعد ماتتم البيعه (لوكان ...... مارماه ...... الخ ) هذا من جهه .. ومن جهة اخرى لابد للبائع من اخذ راي الجيران وإن لم يفعل يلزمه حق ... أرى أن يوضح البائع اسباب بيع منزله على ان تقتنع بها هيئة المحلفين بزعامة الريس وعضوية ابوياسر وأبوعبدالله وأبوسامي وهم لهم الحكم بعد ذلك .... إلى صاحب هذا المنزل العامر ماشاء الله http://www.alasad.net/card/images/small/20.gif ولم الثور واحجز عند الطباخ والموعد بيعلمك به احمد العبائر . |
في خاطري إنكم بتفزعون معي... وتقلون الرجال مخسور وعمّر عمارة
إثركم جايين تسومون البيت وبتخرجون راعيه منه بقعى تصوع إبليسكم .... خلوه يبدي يغلق ....... تدرون آنا باعزمكم فيه الأسبوع الجاي إن شاء الله قولوا تم واللي يرغب يسجل اسمه ونخليها رحلة نطوّف الديرة بعد المطر هيا قولوا تم |
. ***** أبو سهيل عشاااااااااان نشوفك بنقل تم لو تقل في جزر الواق واق لكن ركب شبك وبعدين نتفاهم ***** |
ولو كان مسَوّر .....كان .....!!! ترى لي حق الشُفْعة يابوياسر ولو إني اعرف ردك قبل ماتقوله ( قِهرْ في إمّه وغدا ينكح ) . |
اقتباس:
الله يهديك ياابوناهل فتحت علينا فتحة , الجواب جاهز عند أحمد بن فيصل بيقول: يلومونني أن بعت بالرخص منزلي **** وما علموا جارا هناك يُنَغّصُ فقلت لهم لا لاتلوموا فإنمـــــــــــــا **** بجيرانها تغلو البيوت وترخص واظنك تعرف إني جاره ! ٍٍٍٍٍٍٍٍ |
الحقيقة إن صور البيت جميلة وجذابة ولكن اخشى يكون إنطبق عليه المثل ( أم الخلاخل والبلا من داخل ) مايهم .. بعد التحري والتقصي والسؤال والمشاورة ومعرفة جيران صاحب البيت فترى السوم تعداك يا ابا ياسر .. ومن جهة أخرى أنا اعرف صاحب البيت ابن حلال وطيـــــــــــــــب جهدا جهدا البيت راح ب مليــــــــــــــــون ريال 1000000 كل يـــــــــــــــــــوم ريال وكاسة شاهي اخضر اعتقد ما هناك سوم غير سومي قول تم يا أحمد ومر عليه بكرة اشرب الشاهي وخذ الريال الأول كفيلي الريس ( علي بن حسن ) ياريس قل تم واعطيك واحد من الدورين تصيف فيه كل ما خرجت |
الله يبارك لك يا عبد الله بن رمزي
البيت ما يسوى وما فيه شبك في الدور الثاني عبد الرحيم الله يجزيه بالخير نبهني والا كنت باوقع على رقبتي ما انتبهت للشبك وكان لي رغبة في الجيران ( الجار قبل الدار ) وما دام انك تعديتني في السوم فالله يبارك لك واما احمد بن فيصل ما عليك منه العلم عند علي ابو علامة ، بع بع بع يا علي . |
اقتباس:
تأمر يا أبو سامي أكفلك غارم جارم إن كان وافق وإن ما وافق فعليه باحدعش خمسه دقدقه وسته من طلعة الحج والدلالة عليه ....وا هي فقه ...المكان مذرّا بالنجديه والبحريه ...والجيران المتقاطرين ...من محمد إلى محمد ...يالله لك الحمد ...وإلاّ كان يستاهل أثنعش ..والغشيشه عليّه . الشيخ : علي |
آنا آقول تعالوا الاسبوع الجاي فيه
ونتفاهم على سعة واهي فرصة نستشيركم في الشبك حق الدور الثاني ونشوف كم تقدرون تدفعون علشان البويات نخلصها ونفتك منها ونركب البوابات وآشوف من يقدر يطب حواليه |
أولاً : الله يبارك لأبوسامي ولودفع مليونين ماهي خسارة فجوار المحمدين أبااحمد واباعبدالله تشترى بأكثرمن ذلك . ثانياً : كان قصدي ياابوعبدالله الجار الأقرب للبائع قلت يبدي يأخذ رأيه وبعدها بنتدخل وننقذ صاحبنا من ردة فعل عمه وجاره . ثالثاً : تم ياأبوسهيل وإذا جينا نهاية الأسبوع القادم بإذن الله نشوف كل شي على الطبيعه . |
الله يمسيكم بالخير يالربع وشفيكم طايرين في العجة واحد يشتري والثاني يزاود والي يبارك والي يعزم الي اعرض البيت للبيع علي ابو علامه ... والكفيل احمد بن فيصل تجي يابو سهيل تعزم وتتكلم كان البيت ملكك .. باي حق والسؤال الي يسدح نفسه ... هل من حق ابو علامه يبيع ما لا يملك اذا كان عنده ما يثبت الملكية والا البيع غير صحيح ... ها وش رأيكم علمي صح والا لا ؟ |
اقول العلم خير ... قال الأسبوع الجاي الدنيا فرص والأولين قالوا الأولات الراوبح خايف يجون ويتعشون عندك ولا يتم صفقة .. ثانياً يابحر ... على ابو علامة عنده وكاله من صاحب البيت والكفيل معروف لدينا وبين الشاري والبائع يفتح الله .. على ابو علامة تمم البيعة ودلالتك عندي ... 100000 مية الف ريال كل ربع ريال وحبتين موز وقطرة من سمن البضاضة .. |
الله يصبحكم بالخير جميع
بعدما فكرت في الموضوع من جميع جوانبه وبعد ما شفت إن الدور الثاني ما فيه شبك وعلشان لا أخسر الخمسة آلاف ولا عرض الشاي الأخضر مع الريال كل يوم قلت أعرض على أبو سامي عرض إن شاء الله يعجبه، وآقول له أيش رايك تدفع اليوم الأول ريال واليوم الثاني ضعفه يعني ريالين واليوم الثالث الضعف يعني أربعة ريالات والرابع ثمانية ريالات لمدة شهر فقط على النحو التالي 1 2 4 8 16 32 64 .. .. .. حتى يغلق الشهر بعدها هات قروشك وتعال قسم لأعطيك السيارة فوق البيعة وإن بغيتني أشد من البلد شديت وأنت بصرك فكر فيها واجمع واطرح وشاور وشل وحط وأنا حاضرِ |
لا إله الله أصبحنا وأصبح الملك لله
البيت السنافي هذا معروض للبيع وعلي أبو علامه عرضه للبيع ووكل أحمد فيصل في الدلاله بس أنا أعرف البيت عذاريبه كثيره يقولون بسم الله الرحمن الرحيم مسكون ومهجور من فترة طويله وسمعت إنه جنب مقبره والظاهر إن واحد من القبور يمكن يكون في مساحة البيت من الداخل الله أعلم لا يكون في غرفة النوم زيادة على إن ماله شبابيك حديد في الدور الثاني وبعد ما تلون البيت مدري صاحبه زاهد فيه ولا ؟؟ والظاهر إن عبدالله بن رمزي أستعجل في الشرا وأنا أقول يتريث شويه البيت ما يستاهل المبلغ هذا كله ولو ان صاحبه هبا فيه رخام روزه درجة أولى من الداخل وأرى نصبر إلى الأسبوع القادم ونجيب من يخرص البيت ويعلمنا بسعر طيب وسلامتكم |
اقتباس:
احمد العباير ... اصبح وقل يافتاح ياكريم لاتعذرب في البيت .. وصدقني من أجل عذاريبك خصوصاً إنك تقل البيت مسكون ( هذي بشارة خير ) بازيد السوم .. بالنسبة للشبابيك فطالما البيت مسكون أنا ارى أن يقوم احمد بإزالة شبابيك الدور الأرضي .. وش الفايده من الشبابيك .. سوف يدخلون الربع من أي مكان .. عرضك يا احمد فيصل مقبول لمدة نصف شهر أنت رجال عاقل والمثل يقول كلام العاقل ينقص النصف .. قل تم ... وخلك تنفك من عزيمة الربع الأسبوع الجاي قول لهم أنا عزمتكم يوم كان البيت ملكي .. |
اقتباس:
ما يعرف رطلي إلا ولد بطني.. !! الله يجازيك خير يا ابوعلي نبهتني لاشياء كثيرة كنت غافل عنها لكن إن كان المنقل الصغير اللي ظاهر في الصورة على يمين الباب داخل في البيعة فما أظنها خاسرة بحول الله . |
يالله صباح خير ما انفكينا من بحر جا بيقيم الحدان واثبت ولا تثبت جانا ابو علي وانعم حط هذي العذاريب الي ماتدخل الدماغ يابو علي الله يهديك وش غدابك على هذي العلوم خلنا نسترزق وحقتك والمه تجيك الى سند بيتك وفكنا منك ومن شرك .. ها وجه الله قل تم وصف عنا . وهذا راي اسمعوه يالربع وقولوا تم : الاسبوع الجاي معنا زرقة الى الديرة وما حواليها وبنوقف على البيت وان شاء الله بيجيلنا فيه ما ندسم به شواربنا وبعدها نتشاور في البيع والا نقول يفتح الله . هااااا وش قلتم ... خيرة الله لا تردون شوري . |
تــــــــــــــم ولا تنسى ما أحد زاد على سومتى ودلالتك تراها طيبة واحمد العباير لايقعد يعذرب الظاهر إن له نفس يبيع بيته ويبي يقلب المشترين عن بيت ابوسهيل .. في الديرة لنا كلام |
اقتباس:
أبو أديب الله يصبحك بالخير تــــــــــــــم تــــــــــــــم والله ما عاد أعذرب في بيت الرجال مادام حقي بيجي إلى سند البيت |
http://sahat-wadialali.com/vb/upload...1244489495.gif http://sahat-wadialali.com/vb/upload...1282769880.jpg وينكم صاحب البيت أشترى له " جلب " من الغنم وجاب لها راعي وينتظر ضيوفه تحياتي ........... |
. ***** مدري البيت زاد باعه صاحبه وإلا بعد ترى عندي زبون فلوسه جاهزه ***** |
سبحان الله ما أشبه الليلة بالبارحه ؟ !
|
اقتباس:
معليش يا اخ بحر كلامك على العين والراس هذي صورة صك الملكية عشان تصدق .. اطول من الرجال .. والبيت لازال معروض للبيع ابو سامي حط شرط غير قابل والبيت فيه ميزات كثيرة يكفيكم الجيران اشتري الجار قبل الدار http://sahat-wadialali.com/vb/upload...1282835811.gif |
البيت بصك يا علي ابو علامة لكن الرجال ما سوى الشبك ولهذا البيت ما يسوى وناشب في حلق راعيه من عام اول ما احد دزه بعود غيري وغير عبد الله بن رمزي هذا من جانب ومن جانب ثاني الجيران يا الله لك الحمد انشدني انا ولهذا ما انصح الصدقان بشراء هذا البيت خاصة وان ما له شبك ولو طاح واحد من فوقه راح كسار .
|
اتمنى تنزلون كروكي للموقع ومساحة الموقع والمباني والسعر المطلوب |
أقول العلم خير والبيت طيييييييييييييييييييييييييب والجيراااااااااااااااااااااااان يااااااااااااااااااااااااسلام المبلغ 2000000 مليوني ريال دقدقه كل شهر 10 ريالات قل تم يا أحمد فيصل واهي خيره وأبشر يا علي أبو علامة ما دام عندك الصك والوكيل الشرعي إنت لك 200000 مئتي ألف ريال كل سنة مية ريال بس تمم البيعة وأنا شراي وما عندي وقت للمفاوضة ودراهمي والمه |
أنا هونت شاورت بعض الطيبين من الديرة وقالوا لي اشرد البيت مسكـــــــــــــــــــــــــون قالوا تراهم صادقين ويقلون لو أحد سكن البيت لايلوم إلا نفسه |
اقتباس:
أبو سامي الله لا يمسيك إلا بكل خير وعافيه بعض إللي سألتهم من الجن بسم الله علينا أرسلوا ليه صورة البيت ونلاحظ أن الطيق أو النوافذ إللي في الدور الثاني مركب لها شبك حديد وبودي لا هنت تأكد لنا هل هم إللي ركبوا شبك الحديد بسم الله علينا أو أبو سهيل !!؟؟؟ |
وانعم بالامير الشراي الي فلوسه والمه لكن ياخوي زودها شوي عشرة ريال كل شهر يعني يمكن يجي رقم سبعين من احفادي ماغلقت الاقساط بحبحها عشان نوافق |
[
B] [/B]ساهر ولو تدري كان سميت بالرحمن حتى على احمد فيصل ومن معه من العيال .. تصدق بس لاتعلم احد ... وروني صورة البيت بعد الشبوك .. البويه ما اعجبتهم وضربوه بوية تهووووووول هيل الله عليهم .. |
يخشعكم ربي .. هولكم ذا خلقكم الله لا يوليكم على مسلم بتتورثون الرجال وهو حي يرزق وبكامل قواه العقلية وبتاخذون بيته وهو يبحلق وتبيعونه ياقلال خوف الله علي عنك يابن فيصل ياما في الدنيا من مظاليم وانت واحد منهم الله يكون في عونك |
اقتباس:
ابو سامي ألحق على بيت أبو سهيل ما بقي فيه غير شبك واحد :fear: |
بسم الله علي وعلى بيتي
|
| الساعة الآن 07:17 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir