|
قصائد
حزين لية أحس إني وأنا اشوفك حزين وقلبي الليله بهمي ممتلي كانها الفرقى طلبتك حاجتين لا تعلمني ولا تكذب علي خلني ما بين شكي واليقين السكوت رضاي عنك وزعلي باكر اللي خافي لازم يبين والوعد بلقى مكانك به خلي وانتظر لي ليلة او ليلتين لين ما يقفي السحاب وينجلي ولا طويت الياس بذرف دمعتين للهوى الغالي وبا وادع هلي صاحبي بموت من كثر الحنين خلني بختار لحظة مقتلي لبدر بن عبدالمحسن |
صدفه يطيح نصف الليل واهـز كتفـه يفز شمع ، وباقي الليـل مطفـي واحاكي الجدران عن حلم غرفـه ماتشبه الجدران ويطول وصفـي وتملني الجدران واظهر لشرفـه تحت السماء واسكر الباب خلفـي ليت الشوارع تجمع اثنين صدفـه لا صار شباك المواعيـد مجفـي وليت الروابي تشرب دموع وطفه ويصب لمع بروقها وسط طرفي ياطاري الغدران ، والعمر رشفه مع قلّها ، ياليتها اليـوم تصفـي الصبر واجد مير الأقدار صلفـه والارض واجد لكن العزم منفـي الي اعرفه راح مانيـب اعرفـه ولااظن يذكرني ليا اقلبت مقفـي ماهو حبيبي مورد القلـب حتفـه وماهو حبيبي يفرح بوقت ضعفي تهب ريح وتسكن العظم رجفـه وتغيب ريح وتسكن اغصان نزفي مُّر ثمر هالليـل ، وامـر قطفـه ذقته قبل يلمـس لسانـي بكفـي هذا وتّو الليـل مـاراح نصفـه ياليل بعض اللي مضى منك يكفي - بدر بن عبدالمحسن |
ابوناهل الله لايهينك بشويش علينا ترى قلوبنا مثل المهفه وحده وحده ياحلوووو حن على الغلبان ( حزين 0 صدفه ) خذ هذا البيت المتواضع بمناسبة طرحيك ارفق بنا لا تزيد المعنى جروح ترى القلب ماعاد يحتمل احزان الله يسامحك نبشت الماضي الحزين ورجعتنا لايام العناء والسهر والدموع وتراها لك اول ما اشوفك بالمخيم واوريك صفح الضيعه على فكره ايش معنى صفح الضيعه تقبل مروري ودمت بصحة وسلااااااامه 0 هههههههههه |
الأستاذ الفاضل : محمد سعد دوبح توقفك زادني فخراً وإضافتك تمطر ثراء ولك أستاذي أقول : جروح الهوى ياصاحبي دايم تجي وتروح وحزن القلب لاديره بترضى به ولاأوطان دمت لي ولك كل الود |
قلت المطر قلت المطر قالت مـن اليـوم ديمـه ما به رعـد لا بـرق ماغيـر هتـان عشق جمع مـا بيـن قـاع وغيمـه سيّل علي صدر الثرى دمع الامـزان همس النديـم اللـي يعاتـب نديمـه صوت المطـر كنّـه تعاتيـب خـلان تبسّمـت لاجـل الليالـي القديـمـه وقالت تذكّـر قلـت يابنـت نسيـان نقض الجروح اللي تشافـت ظليمـه ما عاد به وصـل ولا عـاد هجـران ما للرجا في بعـض الاحـوال قيمـه و ما للعمي صبح ولو بـات سهـران لاشـك وينـك يالقلـوب السليـمـه اللي تجازي عن خطا الخـل غفـران كلن خصيـم وذاق لوعـة خصيمـه واللي خصيم الوقت يابنت خسران بدر بن عبد المحسن |
. ***** إلا الهوى ابعتذر ... عن كل شيء ... إلا الهوى .. ما للهوى عندي عذر .. ابعتذر .. عن أي شي .. إلا الجراح .. ما للجراح إلا الصبر .. إن ضايقك اني على بابك أمرّ ... ليلة ألم ... واني على دربك مشيت عمري وأنا قلبي القدم ... ابعتذر ... ابعتذر ... كلي ندم ... عن كل شيء ... إلا الهوى ... ما للهوى عندي عذر ... ا تصدقي ... ما اخترت أنا أحبك ... ما احدٍ يحب اللي يبي ... سكنتي جروحي غصب ... ياحبي المرّ ... العذب ... ليت الهوى وانتي ... كذب ... كان اعتذر لك عن هواي ... ما أقول أنا ... كوني معاي ... ان ضايقك اني على بابك أمرّ ... ليلة ألم ... واني على دربك مشيت عمري وأنا ... قلبي القدم ... ابعتذر ... ابعتذر ... كلي ندم ... عن كل شيء ... إلا الهوى ... ما للهوى عندي عذر ... الله كريم .. حبك ... يكون ... همي القديم ... وجرحي القديم ... والله عليم ... يا أحلى العيون ... ان الفراق ... جزا الفراق ... ابوعدك ... كان الطريق بيبعدك ... بامشي الطريق ... وكان الجحود بيسعدك ... مالي رفيق ... ابجمع أوراق السنين ... وأودعك ... كان الفراق اللي تبين ... الله معك بدر بن عبدالمحسن ***** |
اقتباس:
عموما اترككم مع قصة القصيده مع تقديري للاستاذ الغالي عبدالرحيم قسقس وفقه الله وصاحب الموضوع اترككم مع القصه : قصتين واقعيتين...لقلبين محطمين!! قصيدتين قديمتان واحده منهما بعنوان 'أبعتذر' للشاعر ((بدر بن عبد المحسن)) غناها فنان العرب ((محمد عبده)).. والثانية 'تقوى الهجر' أو ' لا تعتذر' للشاعرة...كما لقبت نفسها... بــ(( الأمل المجروح))! غناها الفنان ((خالد عبد الرحمن)) والذي استغرق في تلحينها ثلاثة أشهر لكي تظهر بالشكل الذي ظهرت عليه وبالفعل لاقت أغنيته نجاح فاق نجاح أغنية 'أبعتذر' لمحمد عبده بكثير.. هذي القصيدتين ظهرت عنهما إشاعات كثيرة هناك من يؤكدها وهناك من ينفيها ولكن الأكيد والأكيد أنها لبعضهم مقصودة... وكما هو الواضح قصيدة 'أبعتذر' هي الأولى وقصيدة 'تقوى الهجر' كانت رداً عليها! والإشاعة اللي تداولها الكثيرون عنهم هي أن الأمير ((بدر بن عبد المحسن)) كان يريد أن ينفصل عن زوجته التي هي ((الأمل المجروح)) لكنه لم يجرؤ على أن ينطق بذلك أمامها ..!! فأرسلها لبيت أهلها .. وبعد مرور أيام طويلة بعث لها هذه القصيدة مع أحد السائقين وعندما قرأت قصيدته أغمي عليها وفهمت منها أنه طلقها مع العلم بأن 'البدر' كان يعشقها بجنون ..ولكن الفراق كان بسبب ظروف خاصة !!. وهنا سنرى القصيدتين 'أبعتذر' و'تقوى الهجر' وقد دمجتهما سوياً على شكل إلقاء ورد... البدر: أبعتذر.... الأمل المجروح: لا تعتذر!! البدر: أبعتذر عن كل شي إلا الهوى ما للهوى عندي عذر.. أبعتذر .. عن أي شي.. إلا الجراح.. ما للجراح إلا الصبر... الأمل المجروح: دام الهوى ماله على قولك عذر...والجرح ياجرحي يداويه الصبر ليه العذر؟! البدر: ولو ضايقك إني على بابك أمر في ليلة ألم . . واني على دربك مشيت عمري وأنا قلبي القدم ..أبعتذر ..أبعتذر كلي ندم أبعتذر عن كل شيء إلا الهوى مال الهوى عندي عذر ..أبعتذر عن أي شي إلا الجراح ما للجراح إلا الصبر.. الأمل المجروح: لالا تعنى لي وتمر وتبغى الصبر ..وين الصبر؟ جــرحــي عـــمـــيــــق والقلب في دمه غريق !وتبغى الصبر؟! ويلاه من وين الصبر.. مهما تقول لا تعتذر ، مهما تقول من الأغاني والجمل . . ما يحتمل قلبي فديا جبر الألم يمشي معك درب الندم ما يحتمل ، يكفي عليه منك احتمل كذب وغدر، حبك سراب ضيعت وقتي اتبعه يكفي عليه .. البدر: تصدقي ما اخترت أنا أحبك محد يحب اللي يبي يا حبي المر العذب سكنت جروحي غصب ، ليت الهوى وأنتي كذب .. الأمل المجروح: يكفي عليه منك احتمل كذب وغدر ، حبك سراب ضيعت وقتي اتبعه ، وسط الضباب صوتك ينادي أسمعه صرت أتبعه.. البدر: أبوعدك كان الطريق بيبعدك . . أبمشي في طريق .. الأمل المجروح: تمشي في طريق . . وين الطريق اللي يوديني لبعيد عنك يا أول رفيق البعد يعفيني المزيد .. البدر: أبوعدك كان الجحود بيسعدك . . مالي رفيق .. الأمل المجروح: وين الوفا والتضحية . . وينك رفيق..؟؟! البدر: أبجمع أوراق السنين وأودعك .. الأمل المجروح: بتجمع أوراق السنين . . لا تنسى تجمع جروحي ودمعي وآهاتي معك وقلبي بعد ما قتلته يا رفيقي ما عاد يقدر يمنعك .. البدر: أبعتذر أبعتذر كلي ندم أبعتذر عن كل شيء إلا الهوى مال الهوى عندي عذر .. الأمل المجروح: وين الندم بين السطور . .عمر العدم ماله ظهور .. ترى هذا غرور . . هذا غرور ..!! اتمنى تعجبكم منقول |
أخوّي الكريمين : عبدالرحيم بن قسقس الشاعر سعودي بن نايس إضافتكما للموضوع رائعة وقد حلقت به في سماء الإبداع .. أشكر لكما هذا الوهج ودمتما لمحبيكما . |
سوالف ليل سوالف ليل .. يجنب الموقد الغافي سهرنا ليل .. وجمرة حبنا الصافي تصحي الليل .. وبحة صوتك الدافي ترسم سرنا الخافي!! على شفاه الجمر معنى .. سهرنا ما احد معنا تحدثنا في تالي ليل .. سوالف ليل سوالف ليل تجمعنا .. بجنب النار نصحي جمرها ويغفى .. على الأسرار تذكرنا ليالينا .. زمانِ كان ناسينا تفرقنا .. تلاقينا .. زمن دوار سوالف ليل تجمعنا .. وحنا ما احد معنا وتحدثنا في تالي ليل .. سوالف ليل يا جمر الأمس .. يا باكر رماد بتشرق شمس .. ويغيب الميعاد ليلة .. يا ليلة .. يا بعد عمري .. بأحمل جمرها بصدري واحبك .. لا احد يدري!! وخفنا الناس تسمعنا .. يا انتي لا توادعنا لا تخافي .. بيبقى اللي جمعنا سوالف ليل .. او حفنة رماد!! بدر بن عبدالمحسن |
العمر احبكــ http://sahat-wadialali.com/vb/upload...1302441803.gif لليل أحبك .. مابقى في السما نور والى ضواني الليل .. للصبح أحبك واللحظة اللي كلها صد وغرور اشوف قبري بين عينك وقلبك في صدري اسراجٍ حزين ومكسور رغم المطر والريح ... شلته افدربك والله مابه غير لوعاتي قصور وخوفي عليك الله ربي ..وربك إلى متى ببني على صمتك جسور لاحيرتني اسباب سلمك وحربك العمر احبك... مابقي فينى شعور ومتى جفاني العمر ... وشلون أحبك ♥ ♥ ♥ اخي الفاضل عبدالله ابو عالي قمة الروعه ماقراته بمتصفحك .. ابداع وامتااع .. يعطيك العافيه تقبل مروري واضافتي ♥ |
| الساعة الآن 01:35 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir